Yota 1:4 - Seysyo No Tao

⁴ Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.

Yota 1:4 ပူးပေါင်းရင်းမြစ်များ

Matay 13:25

Mitkeh o tao ori am mangay o kavosoyan na a mangay a meymowa so tamek a kangay na rana a moli.

Yowani 17:3

O to meyyonong a ikavyay no pahad da am ipakateneng da jimo a ney manoyong na Tao do to, a kapakateneng da ji Yeso Kizisto a nitovoy mo do karawan.

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

Nimlivolivon 15:24

Namen nimamizing sira o yatatasa ka tao a mangononong so malas a yanyo ikarahet so onowned. Am yabo o asa ka tao a namen nitovoy.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

1 Timotay 5:8

No myan so tao a ji rana makanakem so zipos na kano kavavahay da am peymakarwan na o nanao ni Yeso. So ikaraherahet na pa kano ji nganoyong ji Ama ta do to.

2 Timotay 2:12

Si ji ta hayo so nakenakem am macizanod ta jya tomalamozong no teyngato. Si ji ta nganoyngi am ji na singkaji yaten.

2 Timotay 3:6

Ta amyan so mahakay a mangnanao no malas a ciring so jyahadpet so nakem a mavavakes a ipeyzavozavoz da so nakenakem da. Am ori o to da anwanoyngi jira, do keyyan na pa jira no raraten da no kakwa pa.

1 Pite 2:16

Inyo rana am kamo manoyong a italamozong ni Ama ta do to. Am ori o ji nyo rana pasngesngeni so marahet do onowned nyo. Ta manakem nyo o kakma nyoy lamlamsoy ni Ama ta do to.

1 Pite 2:8

Maniring pa do Seysyo am, “O Vato rana ori am cikadan da no tao a ikalektek da.” O icikad da no tao am ji da nganoyngi o ciriciring na ni Ama ta do to. Ori rana am ahapan na ni Ama ta do to so ji manaralay a tao.

1 Pite 4:18

Akman so ciring do Seysyo. Maniring am, “Kakwakwan da no apiya so nakenakem a tao a masalit a patazadangen ni Ama ta do to, a ney manngo sira o yatey rako so raraten a tao. Ta jyabo kaji na meydednan jira no pasingsingtan na jira ni Ama ta do to a.”

2 Pite 2:10

Tarek pa sira o to mangozangozay do onowned da a ji mapanadnad so oyowyat ni Ama ta do to. Ta jyabo kaji nakdekdengan pa no pasingsingtan na jira. Pahamahen da o nakem da no malas so ipangnanao a tao a ji mapanadnad so tinsi na ni Ama ta do to.

2 Pite 2:7

Nivyay na o meyngaran so Lote, do kapya no onowned na. Iya rana am ikarahet na no onowned sira o meyraraten a tao.

2 Pite 3:7

Am sicyaikwaya am yajyablis o hanit a kano teyrahem, do yana kahad sya no ciring na ni Ama ta do to, mangay do itemtem na so hanit a kano karawan a kano ji manganoyong a tao, no marateng rana o araraw no ipeykapyapinpin na so tao ni Ama ta do to.

1 Yowani 2:22

O mangalalas a tao am omalalas ji Yeso Kizisto a Tao do to. So ikanoyong no akman sang a omalalas ji Kizisto a tao, do kaji da nganoyngan ji Ama ta do to a kano Anak na.

Yota 1:15

a mapeykapyapinpin so tao do karawan, a mapasingsingkad do meyraraten a tao. Ta ji sira macipayok so aktokto a meynyagamo ni Ama ta do to.”

Yota 1:18

Maniring sira jinyo am, “Do kavosan no karawan am amyan so tao a komolala si Ama ta do to a meykeykaming ninyo.”

Ipaziman 15:4

Mo Panirsirngen, sino makadket jimo a ji raralayan. Sino ji nganood so ngaran mo. Imo saon o ji meylimoteng so onowned a Tao do to am. So ikamimin no tao do peycyamahamahatawan na a mangay do tangain mo a omraralay nimo. Ta yarana nimamimin o tao a yarana nimeymatamata do iwawalam mo a yaji mapeycyakaban so tao.”