Yota 1:3 - Seysyo No Tao

³ Manga keypong, nimanakem ko o kapeyteygami ko ninyo a pancyan ko no kapatazadang na jyaten ni Ama ta do to do teyngato. Am apyapya pa o kavavaga ko jinyo a kowyat nyo a mangozay do nipeylimwang da rana jinyo no nipamnekan na ni Yeso a amlivolivon no ciriciring na ni Ama ta do to. Ta oya rana am yajyablis a pangozayan no amraralay nya tao.

Yota 1:3 ပူးပေါင်းရင်းမြစ်များ

Nimlivolivon 17:3

a kaononong na ji Kizisto a nipakakasi da a wakwaken a kavyay na rana sya ni Ama ta do to. Maniring pa am, “Si Yeso rana ko ipeylimwang jinyo am manoyong a Misayya a nitovoy ni Ama ta do to do teyrahem.”

Nimlivolivon 18:28

Ta mowyat a mapasapa do macinekanekad jya tao do Yotay a manci no Seysyo, do kanoyong ni Yeso a Misayya a nitovoy ni Ama ta do to.

Nimlivolivon 20:27

Ta yabo rana o ko taywen a nanao ni Ama ta do to.

Nimlivolivon 28:28

Maniring pa si Pawlo am, “Inyo rana am anoyngan nyo si Ama ta do to a yarana mapatazadang so beken a tao do Yotay no ciriciring na, do da kapeyhanhan nya.”

Nimlivolivon 4:12

Si Yeso o mapatazadang jyaten do teyngato. So ikabwata no ikararwa na do karawan a nitovoy na ni Ama ta do to a mapatazadang jyaten.”

Nimlivolivon 6:7

Am ori o nipeylimwang na rana no ciriciring na ni Ama ta do to. Am ori o to da raparapai jira no omanoyong ji Yeso do Yelosaleng a karo da rana. Tana mapatanatanang so nakem da si Ama ta do to am aro sira omanoyong rana ji Yeso.

Nimlivolivon 9:13

Maniring si Ananiya am, “Mo Panirsirngen, ko nimamizing rana do aro a tao o marahet a vazay na do keyyan da no aro a nipakakasi na a omraralay nimo do Yelosaleng.

Nimlivolivon 9:22

So ikatey mateneng na ni Sawlo a mangnanao a jyamogaw a macinekanekad jira a manci ni Yeso a Misayya. Am ori o ji da makatenngi jya pasapan no aro a tao do Yotay do Tamaseke.

1 Kedinto 15:3

Ninanao ko na jinyo o yaney makdeng na nimahap ko ji Yeso. Ori rana am nimawakwak si Yeso no raraten ta. So na idket do Seysyo no ciring eya.

Cyalatay 2:5

Am ji namen mamyapyan o kablis na no Mapasaray a Ciriciring na ni Ama ta do to a nipeylimwang namen jinyo. Am ori o ji namen nimapaoyoi jira.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Cyalatay 6:11

Citahen nyo an, o yararako a vatvatek. Ta ori rana am yako nivatvatkan ori.

Ivoso 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yako ipeyteygami inyo a yamraralay ni Ama ta do to a tao do Ivoso a yato ngotokot so nakem ji Yeso Kizisto.

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Kelosi 1:2

yanamen ipeyteygami inyo a yameyili do Kelosi a sinjya a yatey makdeng so nakem ji Kizisto. Inaoy si itoro na ni Ama ta do to o pangangarilawan na kano ikapiya no onowned nyo.

1 Tesalonicya 2:2

Nyo katenngan an, ta no kaji namen angayan pa jinyo do dang am amyan rana so alalaw namen do kapeymetdeh da jyamen do Veydipi a ili. Am na mina kapanta nyamen so oyowyat ni Ama ta do to. So namen jyanyahei no meykamadadayan a da izazat jyamen a yameylimwang no Mapasaray a Ciriciring na ni Ama ta do to jinyo.

1 Timotay 1:18

Manganako, mo Timotay, ko pakoyokoin pa jimo am ji ka onib so onowned an. Si myan so somengseng do ipeylimwang mo a ciriciring na ni Ama ta do to am naknakmen mo o mina kapamnek da jimo no kararay ta a meyvazay ji Ama ta do to.

1 Timotay 6:12

Makowyowyat ka omahap so vazay na ni Yeso akman so macipalayolayo a komakzeb so kangay na do pacipanmanma na. Ji mo to nazibwan o nitoro na rana jimo a to meyyonong a ikavyay no pahad mo. Ta ori o na agagazan no na nipamnekan jimo ni Ama ta do to. So mo na nipeylimwangan no nang do tangain no aro a tao. So ikanoyong no akman sang.

2 Timotay 1:13

Pakanakmen mo o manoyong a nanao a ninanao ko rana jimo a pangozayan mo. Ji mo to nazibwan o nimahap mo a pangangarilawan a kano nakenakem mo ji Yeso Kizisto an. Ta ori o yongkad no macikaop ji Yeso Kizisto.

Tito 1:4

Ko ipeyteygami imo, mo Tito. Imo rana do ta raralayan ni Ama ta do to am ka manoyong a akma koy anak. Inaoy no si itoro na jimo ni Ama ta do to a kani Yeso Kizisto o pangangarilawan na kano ikapiya no onowned mo. Ta si Yeso Kizisto rana am mapatazadang jyaten do teyngato.

Sipolay 13:22

Manga kakteh, ko inyo vavagan am pakamyamizngen nyo o ciring ko an. So na jyanaroi no ciring ko do teygami.

Sipolay 6:9

Am inyo rana manga keypong am tana akman sang o ciring ko am yako anoyngan o kapyapya na pa no mahap nyo a patazadangen na ni Ama ta do to do teyngato.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

2 Pite 2:21

O to ngaro do apyahen na vazay ni Ama ta do to amraralay nya am apyapya rana kaji na nimakamizngan so Ciriciring na ni Ama ta do to.

Yota 1:1

Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.

Yota 1:17

Am manga keypong, ji nyo a hamangi o ciring da no nipamnekan ni Yeso Kizisto a Panirsirngen ta a amlivolivon no ciriciring na.

Yota 1:20

Am inyo rana manga keypong am makowyat kamo so nakenakem ji Ama ta do to a mangozay do manoyong a nanao na. Ipeyhanhan nyo o Seyzi no meynozi kamo.

Ipaziman 12:11

O rala no Kagling a kano nipeylimwang da a nanao ni Ama ta do to am ori o da niharag so kamolay. So ikanoyong da yaji hawa no yada kaliman.

Ipaziman 2:10

Ji nyo anyaheyan o yaomanam a alalaw nyo. Citahey kamo si Satan a yaomileylamdam so nakem nyo si Ama ta do to. So ikanoyong no tatasa jinyo a mangay na alyowen do pamemtengan. So ikasa ngarnan (10) no araraw na no peyrarehten no kataotao nyo. Am to kamo ngotokot so nakem. Ta ori o pantan ko ninyo so to meyyonong a ikavyay no pahad nyo.