Yota 1:18 - Seysyo No Tao

¹⁸ Maniring sira jinyo am, “Do kavosan no karawan am amyan so tao a komolala si Ama ta do to a meykeykaming ninyo.”

Yota 1:18 ပူးပေါင်းရင်းမြစ်များ

Nimlivolivon 20:29

Ta ko katenngan si karwan ko rana inyo am amyan so mangalalas a tao a mai a omnanao jinyo a mapeycyakawad jinyo a amraralay ni Yeso a tao.

2 Timotay 3:13

Ta o meyraraten rana tao a kano mangnanao no malas a tao am meypeyparahet o vazay da. Ta alalasan da o tao am akman sang sira kalittan.

2 Timotay 4:3

Ta yamyan so araraw na no ji da ngapi so manoyong a nanao a to ngonongonong do apyahen da no nakem a ji rana mingsan so amizngen da.

2 Pite 2:1

No kakwa do Isedi am amyan so nimalas so ipangnanao a tao. Akman sang jinyo, ta no makwa am amyan so malas so ciring a tao. Sira rana am ipeylimwang da o iparai no pahad nyo ji Ama ta do to, mangay ji Yeso Kizisto a nimawakwak nira o alalasan da. Am o akman rana sang a tao am ji meyyahahay o kapeydedna na jira no oyaoyyan na nira ni Ama ta do to.

2 Pite 2:10

Tarek pa sira o to mangozangozay do onowned da a ji mapanadnad so oyowyat ni Ama ta do to. Ta jyabo kaji nakdekdengan pa no pasingsingtan na jira. Pahamahen da o nakem da no malas so ipangnanao a tao a ji mapanadnad so tinsi na ni Ama ta do to.

2 Pite 3:3

O ney makdeng na am manakem nyo o keyyan no to mangozangozay do onowned da tao a meykeykaming ninyo do pangavosan no karawan.

Yota 1:16

Masangib sira meyoyaoya a ji makamyamya no peymeymasaodan da. Da to ngonongonongi o nakenakem da, mapakazwazway no ciring da. Apiya o ciring da a ipeha da do icyatatao da.

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.