Yota 1:1 - Seysyo No Tao

¹ Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.

Yota 1:1 ပူးပေါင်းရင်းမြစ်များ

Matay 10:3

a kani Veydipo a kani Patolomaw a kani Tomase kano mapeyvazay so deyking a tao a meyngaran si Matay a kani Yake a anak ni Alevey a kani Tatay,

Matay 13:55

Beken a anak na ori no meykeykawaz asyo? Beken a ina na si Madiya asyo? Beken a wari na si Yake a kani Yoseyvo a kani Simong a kani Yota asyo?

Make 3:18

a kani Antele a kani Veydipo a kani Patolomaw a kani Matay a kani Tomase a kani Yake a anak ni Alevey a kani Tatay a kani Simong a macikagom do macioya do Loma a tao,

Make 6:3

Beken a ori o meykeykawaz a tao asyo? Beken a iya o anak ni Madiya asyo? Beken a kaka na ni Yake a kani Yoseyvo a kani Yota kani Simong ori asyo? Da kapeyvahay do jya no wari na mavakes eya am.” Makarahan am ikaoya da na si Yeso.

Locya 6:16

a kano anak ni Yake a meyngaran si Yota kano nimanazang ni Yeso a tao do Isecyadi a meyngaran si Yota.

Yowani 12:26

O mahap so vazay ko am macilocilolo jyaken. O yanan ko am amyan sira dang o kahanhanan ko. O mahap so vazay ko am azwain na ni Ama.

Yowani 14:22

Maniring si Yota (am beken a nimanazang ni Yeso a si Yota tao do Isecyadi) am, “Mo Panirsirngen, ikongo na ika yamen no makateneng jimo a yaji zagom so tao do karawan.”

Yowani 15:16

Beken a inyo o yanimamnek jyaken, ta yaken o yanimamnek jinyo. So ko tovoyan jinyo a mangay meyvazay so makasidong so tao a vazay. Ta o akman rana sang a vazay am tey saray na ni Ama ta do to a mangay no makwa. Si akman kamo sang am no mapasyasi kamo ji Ama am itoro na jinyo.

Yowani 17:15

Ko ji ngakdaya imo sicyaikwaya a mahap sira do teyngato. Am ko kakzeben imo a amzat jira do vazay na ni Satan.

Yowani 17:17

Peyyanen mo o ciring mo do onowned da. So ikanoyong da rana ji meylimoteng so onowned. Ta o ciring mo am tey manoyong.

Yowani 17:19

Ko itoro jimo o kataotao ko. So icyakman da sang a tomoro no kataotao da jimo a mahap so vazay mo.

Yowani 6:39

O nakenakem no yanitomovoy jyaken am apzatan ko sira o nipamnekan na ni Ama ta do to a macikaop jyaken. Sira rana ori am avyain ko sira no marateng rana o araraw no kapeykapyapinpin na ni Ama ta do to so tao.

Nimlivolivon 1:13

Makaranes sira do Yelosaleng am somdep rana sira do kavava no vahay a peyvahayan da. Sira rana am si Pite a kani Yowani a kani Yake a kani Antele a kani Veydipo a kani Tomase a kani Patolomaw a kani Matay a kano anak na ni Alevey a si Yake a kano ipanci da macikagom do macioya do Loma a meyngaran so Simong a kano anak na ni Yake a si Yota.

Nimlivolivon 20:32

“Sicyaikwaya am ko na to norwan inyo ji Ama ta do to. Ta ko ipeyhanhan o pangangarilawan na ni Ama ta do to a somidong jinyo a to ngotokot so nakem a meyhanhan nya. No si makman kamo sang am mahap nyo na o igeygeglaw na so omraralay nya tao.

Nimlivolivon 27:23

Ta si Ama ta do to rana a yako iraralay am nimanovoy so tinsi na no kamahep a yamanci nya jyaken. Yamaniring jyaken am,

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

Loma 1:6

a pacizanodan nyo a tao do Loma a yana nipamnekan ni Ama ta do to a italamozong na ni Yeso Kizisto.

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

Loma 6:22

Am inyo rana sicyaikwaya am ji na rana peylamlamsoya inyo no raraten. Ta yanyo rana kakzeben si Ama ta do to a mapeylamlamsoy jinyo. So yanyo rana ipeyngongyod a yaomonot rana ji Ama ta do to. So ikanoyong nyo a makahap so to meyyonong a ikavyay no pahad nyo.

Loma 8:30

Ta o tao a nipamnekan na ni Ama ta do to a amraralay nya am nipanop na sira a omanoyong jya, kabnek na sira abo so raraten do tangain na. So ikanoyong da macikazway jya do teyngato no makwa.

Loma 9:24

So yata ikanoyong a na nipamnekan do tao do Yotay a kado beken a tao do Yotay.

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

Ivoso 5:26

O na peyvazayan jyaten ni Kizisto am na toda ji ngamoga jyaten a yaponged na ni Ama ta do to. Nivonas na o raraten ta a kayavayo na so onowned ta, do yata kahap so ciriciring na.

1 Tesalonicya 2:12

a yajimtad a yamnanao jinyo a yamapait so onowned nyo a yamapadnadna so nakem nyo. So ikanoyong nyo a isaray na ni Ama ta do to. Na nipamnekan inyo a macizanod do oyowyat na kano azwazway na.

1 Tesalonicya 5:23

Ko ipeynozi inyo ji Ama ta do to a yamanta ninyo so apiya nakenakem nyo a kapzat na do onowned nyo a kano pahad nyo a kano kataotao nyo. So ikanoyong na amzat jinyo a kabo no karatan nyo a mangay do ikeypirwa na mai ni Yeso Kizisto a Panirsirngen ta.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

2 Timotay 4:18

So ikanoyong na ni Ama ta do to a mahap jyaken a komaro do kanginanawan ko do maciocioya jyaken a tao, mangay no si ahapen na rana yaken do teyngato. Inaoy no to meyyonong o kazwazway ta si Ama ta do to. Amin.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

Yake 1:1

Yaken rana am si Yake ko a lamlamsoy na ni Ama ta do to a kani Yeso Kizisto a Panirsirngen ta. Yako ipeyminaminasi o yamavonong do peycyavanovanwan na a yamraralay ni Ama ta do to a tao.

1 Pite 1:2

Nakenakem na ni Ama ta do to o yana kanimapanop jinyo a omanoyong ji Yeso. So yanyo ikanoyong rana a yana nyavayo no Seyzi so onowned a yaomonot ji Yeso Kizisto, do kanimvonas na so raraten nyo no rala na. Inaoy si arakorako pa o pangangarilawan na kano apiya onowned nyo a itoro na jinyo ni Ama ta do to.

1 Pite 1:5

Ori rana am itoro na ni Ama ta do to do meyhanhan nya tao, do kapzat na jira ni Ama ta do to no oyowyat na a kaji da na vozawan a mangay do ikarateng no araraw no ipatazadang na sira do teyngato.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

Yota 1:21

Ji nyo ngawawan do onowned nyo o pangangarilawan na ni Ama ta do to a meyhanhan ni Yeso Kizisto a Panirsirngen ta a marilaw ninyo a manta ninyo so to meyyonong a ikavyay no pahad nyo.

Yota 1:3

Manga keypong, nimanakem ko o kapeyteygami ko ninyo a pancyan ko no kapatazadang na jyaten ni Ama ta do to do teyngato. Am apyapya pa o kavavaga ko jinyo a kowyat nyo a mangozay do nipeylimwang da rana jinyo no nipamnekan na ni Yeso a amlivolivon no ciriciring na ni Ama ta do to. Ta oya rana am yajyablis a pangozayan no amraralay nya tao.