Yake 5:15 - Seysyo No Tao

¹⁵ No ipeyhanhan nyo o ngaran na am mavoga na o ingingnen na no makaliliw sya tao. So ikanoyong na rana nikeywakwakan so kataotao. No myan so raraten no tao ori am todavonas rana.

Yake 5:15 ပူးပေါင်းရင်းမြစ်များ

Matay 17:20

Maniring si Yeso am, “O nyo ikakman sang am yaji makanet pa o nakenakem nyo si Ama ta do to. To ko na macitangayan jinyo am tana akman kamo so alikey a vettow no nappa so kakdekdeng no nakem am tana to nyo nirsirnga o tokon a meylis do yanan na kangay na do kwang am meylis ori an. So ikabo no ji nyo a peyvazay a vazay.

Yowani 5:14

Mownay am masinmo ni Yeso o tao a nikeywakwakan rana do rako a panaralayan. Maniring jya am, “Yaka na manoyong a yapya rana. Ji mo na peyneynama o kapeyraraten mo. Ta arakorako pa o alalaw a mangay jimo.”

Yowani 6:39

O nakenakem no yanitomovoy jyaken am apzatan ko sira o nipamnekan na ni Ama ta do to a macikaop jyaken. Sira rana ori am avyain ko sira no marateng rana o araraw no kapeykapyapinpin na ni Ama ta do to so tao.

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

2 Kedinto 4:14

Namen katenngan o yanimapeyvangon si Yeso a Tao do to a mapeyvangon jyamen akman si Yeso a kamimin ta na macikaop jya do teyngato.

Yake 1:6

Am no meynozi kamo am to kamo ngotokot so onowned an. Ta o ji ngotokot so nakem a tao am akman so azda a ji meyhanahanang a pavyovyoten no pagpag.

Yake 5:13

No myan jinyo so makasazi so alalaw am meynozi an. No masaray kamo am meyyanwanood kamo an a somaray nya ji Ama ta do to.

Yake 5:16

Patwawen nyo o kalasan nyo do kadwan jinyo a kapeynozi nyo no kadwan jinyo a keywakwak jinyo. Ta tey rako o oyowyat no inozi no apiya so nakenakem a tao.

Yake 5:20

manakem nyo an. O tao a nimapaoli so akma ney kakteh do cinai a apo do peyraratenan na am manoyong o akman sang a tao a niomagag sya do peyoyaoyyan na ni Ama ta do to, do kanimavonas na rana no aro a raraten na.