Yake 4:2 - Seysyo No Tao

² Nyo ikakza o karo no makadpeh jinyo. Am no yanyo jyahap am nyo naknakmen o nyo kapangap so tao. Yateywara o pangangagoman nyo am nyo kaji makahapan sya. Am ori o nyo ipeygalagalagal. Am o yanyo ji makahapi sya am nyo ji ngamya ji Ama ta do to.

Yake 4:2 ပူးပေါင်းရင်းမြစ်များ

Yowani 16:24

Sicyaikwaya am yanyo pa ji meyhanhanan o ngaran ko a mapasyasi ji Ama ta do to. So amin nyo sya an, ta itoro na jinyo. Am ori o ikanoyong nyo a tey masaray rana.

Yowani 4:10

Maniring si Yeso am, “No mo katenngan o itoro na jimo ni Ama ta do to a mo kapakateneng do yamacyami jimo so ranom am ka ji mapasyasi jya. Ji na mantan imo so to meyyonong a ikavyay no pahad mo a ranom a.”

Yake 1:5

No amyan jinyo so makza no karapa do teneteneng na am makowyowyat pa mapasyasi ji Ama ta do to a kapanta na nya ni Ama ta do to so teneng na. Ta iya rana am tey mazonos a apiya so nakenakem a marilaw no mapasyasi jya tao.

Yake 5:6

Nyo pananakawen sira o yamakasi a tao. Nyo kawakwak pa siraha, do da kabo no oyowyat a yamapatonggal jinyo.

1 Yowani 3:15

O macioya do akma ney kakteh do cinai am akmey to mangap so tao. O mangap so tao am abo pa jya o to meyyonong a ikavyay no pahad na.