Yake 3:6 - Seysyo No Tao

⁶ O lila ta am akman rana so apoy. O lila rana ya am ney marahet na do peyvongvongwan ta. Ta yamapatwaw so akmey lila no apoy do kararatan a yamrahet so kangangay ta.

Yake 3:6 ပူးပေါင်းရင်းမြစ်များ

Matay 12:24

Mamizing da no tao a macyagom do Vadisay am maniring sira am, “O na ipakavozwaw so kalamsoyan ni Satan am na oyatan ni Satan a meyngaran so Peysepo.”

Matay 5:22

Am ko ipanci jinyo am o macioya do akma ney kakteh do cinai am raraten na rana ori. Omavay so akma ney kakteh do cinai a abo so angangayan a tao am to rana angayan o akman sang a tao do pacicicyan. O mapasagsagpyan so akma ney kakteh do cinai am mangay do makotokotod a lila no apoy.

Make 7:15

O isovo a kanen am ji mapeyraraten so tao. Ta o tomwaw a apo do onowned no tao am ori o mapeyraraten sya.

Locya 16:24

Meyratateng am tawagan na. Maniring am, ‘Mo Apolahan, kasyasi mo pa yaken an. Tovoin mo pa si Lasalo a mapaiteng so likta ranom a itneb ko so tetehnan ko, ta ko tey rahet so kataotao do apoy eya.’

Nimlivolivon 20:30

Ta no makwa am amyan do tangain nyo so mangononong so malas amlita do amraralay ni Yeso Kizisto a tao. No amyan so akman sang a tao am ji nyo ngonoci.

Nimlivolivon 5:3

Maniring jya si Pite am, “Mo Ananiya, ikongo mo apyan si Satan a yamapasala so onowned mo a yaomalalas do Seyzi, do mo katayo so katey no nizpi a ngina no nihakawan nyo.

Nimlivolivon 6:13

So niyan da do dang no nipanta da so nizpi a tao a mangamaog so malas a ciring a iraherahet da sya. Maniring sira am, “O tao rana ya am yamangday a yamraherahet so rako a panaralayan ta ya kano iwawalam ni Moyse.

Tito 1:11

Ji mo mamyapyan sira o akman sang a tao a meyzezyak an. Ta sira rana am da naknakmen o da kapangamkam so nizpi do icyatatao da. So na ikaro rana no tao do peykavakavahayan na nipeykaraherahet no malas a nanao da.

Yake 2:7

Sira rana o katenngan a tao a aro so nizpi am da rehrehten o mazway a ngaran ni Yeso Kizisto a nyo pacingaranan.

Yake 3:7

Katenngan no tao o makakaday a nyamamaog ni Ama ta do to a italamozong a yananawen. Kakwakwan no masosozi a omalalam a kano meyyasasalap a kano volay a kano amowamong a yada mananaoo.

2 Pite 3:3

O ney makdeng na am manakem nyo o keyyan no to mangozangozay do onowned da tao a meykeykaming ninyo do pangavosan no karawan.

3 Yowani 1:10

No si mai ko am patwawen ko o mina vazay na, do kanimangamaog na so iraherahet na jyamen a ciring. Beken a orii o na nikarehtan. Ta iya rana am na ji naotawwa sira o akma ney kakteh do cinai a meylimwang no Ciriciring na ni Ama ta do to a na ioya sira a yapagcinen do kyokay o yatomaotao sira tao.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 13:14

So nipakahap na so rako a oyowyat a meyvazay so mapangyangyalak a vazay do tangain no nimanma na omalalam. Am ori o nilittan na do tao do karawan. Ipanci na o tao do karawan a mamaring so kamamagenan no nimatavaz no ipangan a omalalam.

Ipaziman 18:23

Ji rana lila o zampo. Ji rana amizing o ciriciring da no meysinmo a tao. O meypananazangan a tao do dang am mamimin sira ney meynakem na tao do karawan. Abo ji na nicirara a tao do karawan no oyowyat ni Satan.”

Ipaziman 19:20

So nirakpan da so omalalam a kapazanod da so nimeyvazay so mapangyangyalak a makahaw a tao a rakpen. O makahaw a tao am nimeyvazay ori so mapangyangyalak a vazay a ipeykawad na so yanan no ipatotodo no omalalam a kano niomraralay no kamamagenan na tao. Omalalam rana kano makahaw a tao am niwalit na sira do akman so awa so karakorako a lila no apoy.