Yake 3:17 - Seysyo No Tao

¹⁷ O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

Yake 3:17 ပူးပေါင်းရင်းမြစ်များ

Matay 23:28

Kamo akman sang, ta no kamo citahen so kataotao am yabo nyo karatan. Am onowned nyo am yamangalalas a yameysaod so raraten.

Matay 5:8

“O ji meylimoteng so onowned a tao am tey yapya sira. Ta mangay kapakacita da si Ama ta do to no makwa.

Matay 5:9

“O mapeyyalalap so nakem no meykaoya tao am tey yapya sira. Ta abneken na sira ni Ama ta do to a akma ney anak.

Locya 21:15

Ta ipanta ko inyo so teneng nyo, kaji da makatenngan do ciring nyo a tovisan no maoya ninyo a tao.

Locya 6:36

So inaran nyo si Ama nyo do to a tey yapya so nakenakem an.

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 1:47

Macita ni Yeso si Natannay mangay jya am maniring jya am, “Yameysinogat ori a Isedi a tao. Yabo do onowned na o yamalahet.”

Nimlivolivon 11:24

Si Parnapo rana am tey yapya o nakenakem na, ta nioyatan no Seyzi. Am ori o ikakdeng na meyhanhan ni Ama ta do to. Ori nipeyparo da no tao a omanoyong ji Yeso.

Nimlivolivon 9:36

Do Yepey rana ili da am amyan so asa ka mavakes a omraralay ni Yeso a meyngaran si Tapitay. O ngaran na do ciring no Sila am si Tocya. Peypeypangayan na am ibosbosan. Aro apiya vazay na, ta sidongen na sira o abo so nizpi a tao.

Loma 12:18

Makapya kamo so nakenakem do icyatatao nyo.

Loma 12:9

Beken a hapet no onowned o ipangarilaw so tao. Ji nyo akzan o marahet a vazay, ta o kahap nyo so apiya vazay.

Loma 15:14

Manga kakteh, ko anoyngan inyo a yapiya so yahahapan sya a yamateteneng a yamvavaga do kadwan jinyo.

1 Kedinto 12:8

O Seyzi rana am na itoro do yasa ka tao o teneteneng a makateneng do nanao na ni Ama ta do to. Yakman sang, ta na itoro do yasa ka tao o teneteneng na yana ipangnanao.

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 6:6

Am keyyan no teneteneng namen a kano pangarilawan namen a omzat do nakenakem namen. Am ori o to namen nangboi sya. So kapya namen a nisidong no Seyzi a meyngongyod a marilaw no tao.

2 Kedinto 7:11

Cittey kamo pala. Ta si Ama ta do to rana am na nipeypapya jinyo o lavyan nyo a meypakdeng so nakenakem jya. Ta nyo nikaoya rana o mina raraten nyo. Nyo nikaoya o peyraratenan na no asa ka tao ang. Ta nyo ji mya o kapacizagom nyo jya a peydednan no oyaoyyan na nya ni Ama ta do to. O akman rana sang a onowned nyo sicyaikwaya am yongkad na rana no kanoyong nyo nimamlis rana so onowned.

2 Kedinto 9:10

Si Ama ta do to am yapwan no mowahen da kano kanen da. Akman sang an, ta anoyngan nyo si Ama ta do to a manta ninyo so makakaday a ipanidong nyo so tao. So ikakman nyo so kayo so pangangarilawan a mapka no asi na.

Ivoso 5:9

Ta o icicirawat no makateneng do ciriciring na ni Ama ta do to am ji meylimoteng so onowned. Omonod do manoyong a ciring. Ji mapowzib so nakem do icyatatao.

Veydipi 1:11

So ikasasaray nyo a mapeyvazay so apiya vazay do kowyat na jinyo ni Yeso Kizisto. Ta si makman kamo sang am azwazwain da rana si Ama ta do to no aro a tao.

Veydipi 4:8

Am ori manga keypong an, ahapan nyo so apipiya vazay a isaray na ni Ama ta do to a kano ji meypareki so onowned a kano tey mazway a vazay. O akman rana sang am peyyanen nyo do onowned nyo a patwawen do icicirawat nyo.

Kelosi 1:10

No si akman sang am manoyong kamo na macipayok so vazay ji Yeso Kizisto a Panirsirngen ta, do kahap nyo so vazay na a meypahagnat rana so onowned a makateneng rana ji Ama ta do to.

1 Tesalonicya 2:7

Am no kapacikaop namen pa jinyo am apiya namen so nakem jinyo, akman so inyapwan a mavakes a omazwazovo so minapodpod jya.

1 Timotay 5:21

Yako myan do tangain na ni Ama ta do to a kani Yeso Kizisto a kano tinsi a yamanci nya jimo. So hapan mo so nanao eya an. No si myan so pacicin mo am amizngen mo o manoyong. Peyyangangain mo sira citahen so karatan.

2 Timotay 2:24

O lamlamsoy na ni Ama ta do to am ji macililiman, ta apiya o nakenakem na so icyatatao na a kowyat na omnanao sira. Tana ji da ngamiznga am jyahayo o onowned na.

Tito 1:15

Ta o ji meypinarek so onowned a tao am abo marahet jira kanekanen da. Am o meyraraten a ji manaralay a tao am abwata o asa ka vazay da apya, mangay do nakenakem da kano onowned da ji macipayok.

Tito 3:2

Vavagan mo sira ji manamwad so icyatatao da, kaji da macivaivaitan. Manganyanig sira so tao. Ji sira mapahama so nakem do icyatatao da.

Sipolay 12:11

No nanawen na yaten am akma tey marahet so aktokto. Am o makapeyneynara rana so nanao ni Ama ta do to a tao am masasaray rana o onowned da a ji rana meylimoteng so onowned.

Sipolay 12:14

Makowyowyat kamo pa mapeypyapya so nakenakem nyo a kano tao. Ahapen nyo o ji meylimoteng a onowned nyo a macikaop jira. No abo o akman sang jinyo am abo jinyo o makacita si Ama ta do to do teyngato.

Yake 1:17

O makakaday a yatey pipya a vazay am yamamimin a yapo ji Ama ta do to a yanimangamaog so araw a kano vehan a kano mata no hanit. Iya rana am jyabliblis so pamnemnekan.

Yake 1:5

No amyan jinyo so makza no karapa do teneteneng na am makowyowyat pa mapasyasi ji Ama ta do to a kapanta na nya ni Ama ta do to so teneng na. Ta iya rana am tey mazonos a apiya so nakenakem a marilaw no mapasyasi jya tao.

Yake 2:13

Ta no mapacici si Ama ta do to am ji na arilawan sira o ji mangarilaw a tao. Ta o mangarilaw so icyatatao na o avyain na. So ikabo no ikanyahey da no mangarilaw a tao do tangain na ni Ama ta do to.

Yake 2:4

No si makman kamo sang am malas o nakenakem nyo, do kapeycyakaban nyo so tao.

Yake 3:15

Ta o akman rana sang a teneng am beken a apo do teyngato, ta apo do tao do teyrahem. So ikamonganay na do karawan a kano kalamsoyan ni Satan.

Yake 4:8

Macikasngen kamo ji Ama ta do to a kapacikasngen na jinyo. Inyo a yameycyakawad so nakem ji Ama ta do to a tao am ablisan nyo na o malas a onowned nyo a kaji nyo na meylimotngan so onowned.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

1 Pite 2:1

Am ori o karwan nyo do makakaday a marahet a vazay. Taosya o kapangononong so malas. Taosya o kapakatanteneteneng nyo. Taosya o kapanginanahet nyo. Taosya o kapanraherahet nyo so tao.

1 Pite 2:18

Inyo rana a lamlamsoy da am onotan nyo sira o mapeylamsoy jinyo a tao ipakateneng da jinyo a manig nira. Am beken a marilaw ninyo o ikanig nyo, ta ikanig nyo sira o ji ngarilaw ninyo a lawpan.

1 Yowani 3:18

Manga ovay, taosya o ciring so pangangarilawan an. Ta o manoyong a pangarilawan na am macita do icicirawat na o panidongan na so tao.

1 Yowani 3:3

O tao rana mapananala so araraw no yai ni Kizisto am ji meyraraten. Ta inarahen na si Kizisto a ji meylimoteng so onowned.