Yake 3:13 - Seysyo No Tao

¹³ Sino jinyo o yamateneng a tao. No si myan am apyapya o kapehbo na so nakem na a mapeyvazay so apiya vazay.

Yake 3:13 ပူးပေါင်းရင်းမြစ်များ

Matay 11:29

Ahapen nyo o vazay ko. Inarahen nyo yaken. Ta o nakenakem ko am mapanadnad so nakem a ji makazyazyak. No si akman kamo sang am manoyong kamo a keyhepawan so kataotao.

Matay 21:5

“Si maniring kamo do tao do Yelosaleng am, Cita kamo o Panirsirngen nyo a mai. Iya rana am na ji pakaranga o kataotao na a omavang do anak no baka.”

Matay 5:5

“O mapanalawbo so kataotao da tao am tey yapya sira. Ta mahap da o nipanci na pa ni Ama ta do to a yazaw na sira.

Matay 7:24

“O tao a omamizing so ciring ko a mapeyvazay sya am akman so mapatak a tao a mapatnek so vahay na do lalitan.

1 Kedinto 6:5

Tey macimasnek o akman sang. Manngwa, yabwata rana jinyo o yasa ka mapatak a tao a mangay omzavat so ikazyak da no akma tey kakteh do cinai?

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 8:24

Taotawwen nyo sira a kamimin da no aro a kyokay a makateneng do akman sang a pangarilawan nyo a kaji da palasan so nyazwazwayan namen jinyo.

Cyalatay 5:23

ji mapahama so nakem, ji to mangozangozay do nakem. So ikabo no pasobnan na a ciriciring na ni Ama ta do to no akman sang a tao.

Cyalatay 6:1

Manga kakteh, inyo rana yamakdeng so nakem ji Ama ta do to am no myan so tao a to meyraraten am ji nyo anigan a pamizngen. Am taosya o kapahama nyo so onowned nyo a mapamizing sya. So ipeytataziman nyo, ta kalittan kamo.

Cyalatay 6:4

So ikamimin no tao a manakenakem a manci no, “Manngwa, yapya no yamarahet o iwawalam ko.” No si apya am manoyong o kasaray na. So ji mapadmai so kataotao do icyatatao.

Ivoso 4:2

Taosya o kapahama nyo so nakem nyo. Apyapya pa kapiya no nakem nyo do icyatatao nyo. Ji kamo meyoyaoya. Ta karilaw nyo no kadwan jinyo.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Kelosi 3:12

Si Ama ta do to o yamarilaw ninyo a nimamnek jinyo a akma ney anak. Am ori o ipangarilaw nyo a mapanalawbo so aktokto nyo, ta kapiya nyo so nakem do tangain no tao a jyahayo so onowned.

1 Timotay 4:12

Tana malavayo ka am apzatan mo o ciriciring mo a kano icicirawat mo a kano pangangarilawan mo so icyatatao mo. Akman sang o onowned mo. Ta peycitacittan da imo no omanoyong ji Yeso, kaji da rana ngolalai so ipangnanao mo.

1 Timotay 6:11

Am imo rana am na nipamnekan ni Ama ta do to a yamahap so vazay na. So peymakarwan mo na do akman sang a marahet a kahap mo so meysominogat a onowned. Macilolo ka do apyahen na ni Ama ta do to a kapeyhanhan mo nya. Ji mo a haywan o kapangarilaw mo. Ji ka hayohayowen. Ji ka oyaoyahen.

2 Timotay 2:25

No akman sang o inanao na so ji ngahap so nanao a tao am ala ipanta na sira ni Ama ta do to so ipamlis da so nakenakem, kapakateneng da rana do manoyong a nanao na ni Ama ta do to.

Tito 3:2

Vavagan mo sira ji manamwad so icyatatao da, kaji da macivaivaitan. Manganyanig sira so tao. Ji sira mapahama so nakem do icyatatao da.

Sipolay 13:5

Ji nyo pahama o kakzan nyo no nizpi. Isaray nyo no onowned o amyan rana jinyo. Ta maniring si Ama ta do to am, “To meyyonong o kaji ko ngarwan jimo. So ji ko mapaveyvowi jimo a manta nimo so kalahen mo no nakem.”

Yake 1:21

Am ori an, vonasan nyo so marahet a nakenakem nyo a kano marahet a icicirawat nyo a omonot ji Ama ta do to a omahap so ciriciring na a na akmey nipamowa do onowned nyo a mapatazadang jinyo do teyngato.

Yake 2:18

Ala no maniring o tatasa ka tao am, “Imo am ka makdeng so nakenakem ji Ama ta do to. Yaken am yako apiya so vazay.” No si maniring ko am, “Pacittan pala jyaken o nakenakem mo si Ama ta do to. Am yaken am to mo na cita do apya vazay ko. Ta ori o ipakateneng mo do nakenakem ko si Ama ta do to.”

Yake 3:1

Manga kakteh, ji nyo ngakdaya o kamimin nyo a mangnanao. Ta o mangnanao so tao am arakorako pa o oyyan na nira ni Ama ta do to, no si meyraraten sira, kano ji mangnanao a tao.

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

1 Pite 1:15

Naknakmen nyo o kaji nyo mapazavozan so marahet a vazay nyo. Ta si Ama ta do to a yanimapanop jinyo am yabo jiya o marahet.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

1 Pite 3:4

Ta ney makdeng o kapiya no onowned nyo. Ta o tey yapya so nakenakem do icyatatao na ji makazyazyak a mangay do ikararakehan na am tey mazway o akman sang do tangain na ni Ama ta do to.