Yake 3:1 - Seysyo No Tao

¹ Manga kakteh, ji nyo ngakdaya o kamimin nyo a mangnanao. Ta o mangnanao so tao am arakorako pa o oyyan na nira ni Ama ta do to, no si meyraraten sira, kano ji mangnanao a tao.

Yake 3:1 ပူးပေါင်းရင်းမြစ်များ

Matay 10:24

“O macyamizing rana am jyakarakarang a kano mangnanao. O peylamsoin da am ji da meyhavasi o mapeylamsoy sira.

Matay 23:13

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am nyo taywen o oyowyat ni Ama ta do to do tangain no tao. Nyo ji mya o kataotao nyo a macikaop do italamozong ni Ama ta do to. Akman sang o tao a nyo ji mya a yamacikaop do italamozong ni Ama ta do to.

Matay 23:14

[To kamo makasi an. Nyo littan o vao a mavakes a yahapen so kangangay. Nyo to ngida o inozi nyo a to napyapya so nakem. So ikanoyong nyo a peydednan no rako a peyoyaoyyan na ni Ama ta do to.]

Matay 9:11

Macita da no tao a macyagom do Vadisay am maniring sira do macinanao ji Yeso am, “Ikongo na ipacihanghang no sinsi nyo do mangangap so deyking a kano aro a yameyraraten a tao ang.”

Locya 16:2

Mamizing no lawpan da am tawagan na a mai. Maniring jya am, ‘Yamyan so ko nimamizing a vazay mo. Itoro mo na jyaken o vatvatek no peymasaodan ko, ta ji ko na pahanhana imo a tomalamozong nya.’

Locya 6:37

“Ji kamo manraherahet so icyatatao nyo an. No si manraherahet kamo so icyatatao nyo am akman kamo sang a raheraheten da. Ji nyo mancyan o karatan no tao, ta ori o icyakman nyo sang a ji da raheraheta no tao. Peykabobwen nyo o raraten da jinyo an. So icyakman nyo so sang a peykabobwen da so raraten no tao an.

Yowani 3:10

Maniring si Yeso am, “Imo am ka mangnanao do Isedi a tao. Manngwa, tolang ori a ji mo a tenngi a vazay?

Nimlivolivon 13:1

O kyokay do Antia am amyan so panoyonoywan na so ciring ni Ama ta do to a kano mangnanao a tao. Sira rana am si Parnapo a kani Simoyang a ngaranan da si Vaheng a kano tao do Cidinay a meyngaran so Lociye a kani Manaeng a nipavahay ni ama na ni Helote a panirsirngen do Cyadidi a kani Sawlo.

1 Kedinto 12:28

Do kyokay na ni Ama ta do to am yamakakaday o tao a nipamnekan na mahap so vazay na. O ney manma na am nipamnekan na ni Yeso a amlivolivon no ciriciring na. Tomonton am mangononong so ciriciring na. O ikatlo na am mangnanao no ciriciring na, katwatonton na rana no meyvazay so mapeyzokab a vazay a kapacyangay da rana no manvonas so ingingnen no tao a kano marilaw no icyatatao da kano makayokod no aro a sinjya kano meyzezyak so macitarek a ciring.

2 Kedinto 5:10

Ta mamimin tamo eya a mangay do tangain ni Yeso Kizisto a pacicin na. To na palololwa do mina vazay ta do karawan o itoro na jyaten.

Ivoso 4:11

Iya o nimanta no tao so teneteneng a kano oyowyat da. Nitenngan na o tatasa ka tao a amlivolivon no ciriciring na, kapamnek na do tatasa ka tao a mangononong so ciriciring na, kapamnek na do tatasa ka tao a meylimwang no Mapasaray a Ciriciring na. So iyan no tao a panirsirngen do kyokay amnanao so sinjya.

1 Timotay 1:7

Da naknakmen o kapangnanao da no iwawalam na ni Ama ta do to a nitaid na ji Moyse. Am da jyatenngi o da ipanci a kano imakdeng na ipangnanao.

1 Timotay 2:7

O nipamnekan na jyaken a omlivolivon no ciriciring na do beken a tao do Yotay am nanawen ko sira a kapakateneng da rana jya a meyhanhan no manoyong a nanao. So ko ji mangononongi so malas. Ta yamanoyong o ko ipanci.

2 Timotay 1:11

Na nipamnekan yaken ni Ama ta do to a amlivolivon a meylimwang no Mapasaray a Ciriciring na a ipangnanao so tao.

Sipolay 13:17

Onotan nyo o makayokod ninyo a tao do kyokay. Amizngen nyo o ciring da. Ta sira rana am da peyveyveknen o pahad nyo, do da kahap so vazay ni Ama ta do to. No si amizngen nyo sira am masasaray sira mahap so vazay ni Ama ta do to. Am no si ji nyo ngamiznga sira am meyngen o onowned da. No si akman sang am jyabo kapya nyo a.

Yake 1:16

Manga kakteh, naknakmen nyo an.

Yake 1:19

Manga kakteh, no mangamizing kamo so ciring no tao am taosya o kato nyo maciogtwan do ciring da jinyo. Ji kamo to meyoyaoya.

Yake 3:10

Yasa ka ngoso ta o na yapwan no ta sarayan ni Ama ta do to, ta pangavayan so tao. Manga kakteh, taosya o kamirpirwa ta pa mapatwaw no lila ta so marahet.

1 Pite 5:3

Taosya o kapeymetdeh nyo so nitoro na jinyo ni Ama ta do to a yaponged nyo a akma ney kagling. Ta peycitacittan da o apiya vazay nyo nira.