Yake 2:8 - Seysyo No Tao

⁸ No si manoyong kamo a mangozay do ciring do Seysyo am, “To mo mangozai o aryarilaw mo so kataotao mo a marilaw no icyatatao mo.” Ta ori rana am ney makdeng na a iwawalam na ni Ama ta do to. No si peyvazain nyo ori am manoyong kamo na so ahahapan sya.

Yake 2:8 ပူးပေါင်းရင်းမြစ်များ

Matay 22:39

O ikadwa na am akman sang so kakdekdeng an. ‘Ikarilaw mo o icyatatao mo. To mo peyyangaya kano aryarilaw mo so kataotao mo o karilawan mo no icyatatao mo.’

Matay 25:21

Maniring o lawpan am, ‘Imo rana am ka tey yapya ipeyhanhan a lamlamsoy. Tana yapereh o yako nitoro jimo am yamo ji ngolala. So to ko rana mapahanhani jimo a tomalamozong no arwaro pa kano nang. So ipacizanod mo jyaken a somaray.’

Matay 25:23

Maniring o lawpan am, ‘Ka tey yapya ipeyhanhan a lamlamsoy. Tana yapereh o yako nitoro jimo am mo ji ngolala. So to ko na meyhanhani nimo a tomalamozong no arwaro paha kano nang. So ipacizanod mo jyaken a somaray.’

Matay 7:12

No si kakzeben nyo o kapya da so nakem jinyo no icyatatao nyo am akman kamo sang so nakem jira. Ta ori o na agagazan no nivatvatkan ni Moyse a kano panoyonoywan na so ciring ni Ama ta do to.

Loma 13:10

O mangarilaw so icyatatao am ji mapeyvazay so marahet a vazay a. Ta o akman rana sang am manoyong rana makahap so nanao na ni Ama ta do to.

Cyalatay 5:14

Ta yana to zagoma no pangangarilawan o iwawalam na ni Moyse. Ta si ahapen ta o ciring do Seysyo a manci no, “O aryarilaw mo so kataotao mo am akman sang o karilawan mo no icyatatao mo,” am nimahap ta rana o iwawalam ni Moyse.

Cyalatay 6:2

No myan so alalaw nyo am macisidosidong kamo. Ta ori rana am nanao na jyaten ni Yeso Kizisto.

Veydipi 4:14

Am tey yapya o nisidongan nyo jyaken do alalaw ko.

1 Tesalonicya 4:9

O pasicyakarilawan nyo am tana ji namen mancyan do teygami am cyaha, ta amyan rana o nanao na ni Ama ta do to jinyo do kapasicyakarilawan nyo.

Yake 1:25

Am beken a kamizing ta so Ciriciring na ni Ama ta do to. Ta peyvazain ta o nimamizing ta a Ciriciring na a yamapahawa jyaten do peyraratenan ta. Ta o manoyong a mangozay jya tao am isaray na ni Ama ta do to o akman sang.

Yake 2:12

Am ori an, apzatan ta do ciring ta kano icicirawat ta. Ta katenngan ta o kapacici na jyaten ni Ama ta do to. Am cyaha, ji ta nyaheyan, ta onotan ta o Ciriciring na ni Ama ta do to a yamapahawa jyaten do peyraratenan ta.

Yake 2:19

Apya o kanoyong ta ji Ama ta do to a abo so ikararwa. Am ji pa makanet o akman sang. Ta tana o kalamsoyan ni Satan am anoyngan da o keyyan na ni Ama ta do to. Am kazikzik da a manyahey nya.

Yake 4:11

Ji kamo maciraherahet, manga kakteh an. No amyan so tao a amraherahet so kakteh na do cinai am akma ney to rehrehta o Ciriciring na ni Ama ta do to. No rehrehten nyo o Ciriciring na ni Ama ta do to am manoyong o kapasobna nyo ji Ama ta do to.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.