Yake 2:19 - Seysyo No Tao

¹⁹ Apya o kanoyong ta ji Ama ta do to a abo so ikararwa. Am ji pa makanet o akman sang. Ta tana o kalamsoyan ni Satan am anoyngan da o keyyan na ni Ama ta do to. Am kazikzik da a manyahey nya.

Yake 2:19 ပူးပေါင်းရင်းမြစ်များ

Matay 8:29

Macita da si Yeso am amlololos sira. Maniring sira am, “Imo rana Anak no Tao do to am ikongo mo gogadan nyamen. Ori o mo nikasabsab a mai am mo pasingsingtan yamen?”

Make 1:24

Maniring a amlololos am, “Imo a Yeso a tao do Nasale am ikongo mo kakzeben jyamen. Mo yamen balinasen? Ko imo katenngan. Imo am na nitovoy imo no Tao do to a tey yapya so nakenakem a tao.”

Make 12:29

Maniring si Yeso am, “O ney makdeng na am, ‘Inyo rana Isedi a tao am amizngen nyo. O Panirsirngen ta Tao do to ta am yabo ikararwa na a Panirsirngen ta.

Make 5:7

a kalolos na. Maniring am, “Ikongo mo gogadan nyaken, mo Yeso a Anak no ney manokdwan na Tao do to. Ko ipanci do Tao do to o kaji mo pasingsingtan jyaken.”

Make 7:9

Maniring pa jira am, “Yakamo tey mateneng a yatomaosya so Ciriciring na ni Ama ta do to, do yanyo kahahap so icicirawat no ineynapo nyo.

Locya 4:34

“Mo Yeso, tao do Nasale, ikongo vazay mo jyamen. Mo yamen balinasen an? Ko katenngan imo, ta imo rana am nitovoy na no Tao do to a tey yapya so nakenakem a tao.”

Yowani 17:3

O to meyyonong a ikavyay no pahad da am ipakateneng da jimo a ney manoyong na Tao do to, a kapakateneng da ji Yeso Kizisto a nitovoy mo do karawan.

Nimlivolivon 16:17

So to na maciloloi jyamen do rarahan a amlololos. Maniring am, “Sira rana ya am da ahapen o vazay no ney manokdwan na Tao do to. Yada ipeylimwang o Tao do to a mapatazadang jyaten do teyngato.”

Nimlivolivon 19:15

Tovisan na no kalamsoyan ni Satan sira am, “Namen kasingkadan si Yeso. Namen katenngan si Pawlo am sino kamo ang.”

Nimlivolivon 24:25

Karahan am ononongan na rana ni Pawlo jira a meyyaven do vahay o kapiya no icicirawat a omzat do onowned mangay do ikarateng no araraw na no ipeykapyapinpin na so tao ni Ama ta do to. Mamizing na ori ni Veydise am manyahey rana o onowned na. Maniring ji Pawlo am, “Angay rana. No ipanci ko imo am mai ka.”

Loma 3:30

Yasa si Ama ta do to. O ikapya namen a tao do Yotay do tangain na am akman sang, ta inyo rana beken a tao do Yotay am no si anoyngan nyo si Ama ta do to am akman kamo sang a vonasen na so raraten.

1 Kedinto 8:4

Oya rana o ipanci ko jinyo a omagaz do nipazos da kanen. Tanyo katenngan o kaji da anoyngan no malas a iraralay da. So tanyo ipakateneng do na kasa ni Ama ta do to a ta iraralay.

1 Kedinto 8:6

yaten rana a yamraralay ni Ama ta do to am yasa si Ama ta do to a na yapwan no meycyamadadayan. So yana ikanoyong a tomalamozong nyaten. Akman sang, ta abo ikararwa na ni Yeso Kizisto a Panirsirngen ta a nimangamamaog so meycyamadadayan a yana yapwan no ikavyay no pahad ta.

Cyalatay 3:20

Am si Ama ta do to o nimacisirsiring ji Apolahan.

1 Timotay 2:5

O manoyong rana a nanao am asa si Ama ta do to. Asa o yamapanop jyaten ji Ama ta do to. Iya rana am si Yeso Kizisto do mina katazak na tao do teyrahem.

Yake 2:8

No si manoyong kamo a mangozay do ciring do Seysyo am, “To mo mangozai o aryarilaw mo so kataotao mo a marilaw no icyatatao mo.” Ta ori rana am ney makdeng na a iwawalam na ni Ama ta do to. No si peyvazain nyo ori am manoyong kamo na so ahahapan sya.

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.

Yota 1:6

Naknakmen nyo sira o nimeyraraten a tinsi a ji niomamizing si Ama ta do to a to ngaro do apiya yanan da do teyngato. Sira rana am na sira to peyyononga yavaoden ni Ama ta do to a yaneban do kasarisaryan a yaomapanala so araraw no ipasingkad na sira.

Ipaziman 20:10

Si Satan rana a nimapeykawad sira am iwalit na do akman so awa so karakorako a lila no apoy. Am nimanmanma rana o makahaw a tao a kano omalalam do dang. Sira rana am abo maraw a abo mahep a ipeyrarahet da a mangay do kaidan no karawan.