Yake 2:18 - Seysyo No Tao

¹⁸ Ala no maniring o tatasa ka tao am, “Imo am ka makdeng so nakenakem ji Ama ta do to. Yaken am yako apiya so vazay.” No si maniring ko am, “Pacittan pala jyaken o nakenakem mo si Ama ta do to. Am yaken am to mo na cita do apya vazay ko. Ta ori o ipakateneng mo do nakenakem ko si Ama ta do to.”

Yake 2:18 ပူးပေါင်းရင်းမြစ်များ

Loma 14:23

Am no si amyan so ji mo adkeci a kanen a kakan mo sya am raraten mo ori. Ta ji mo panadnada o nakenakem mo si Ama ta do to. No meyvazay a kaji mapanadnadan si Ama ta do to am mamimin o akman sang a raraten.

Loma 3:28

O ikabo no raraten no tao do tangain ni Ama ta do to am meykasaha. Ori rana am ipeyhanhan si Yeso Kizisto. So ikabeken a kahap ta so iwawalam na ni Moyse.

Loma 4:6

O akman rana sang a tao am tey yapya an, ta ji monganay do apya icicirawat na o yana vonasan so raraten na. Ori o akman so nipanci ni Tawey. Maniring am,

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

Loma 9:19

Ala amyan so tao a manci nya jyaken so, “No akman sang am ikongo oyyan na nyaken ni Ama ta do to do peyraratenan ko. Ta abo mapasobna do nakenakem na.”

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

2 Kedinto 7:1

Am ori an manga kakteh an, no yamanoyong o akman sang a nakem na jyaten ni Ama ta do to am apzatan ta o onowned ta an. Ji ta mamyapyan o kataotao ta kano nakenakem ta a macizavoz do raraten. Ta naknakmen ta o kaji tamo meylimotngan so onowned a omraralay ni Ama ta do to.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

Tito 2:7

Imo rana am tana makakaday o vazay mo am ji ka rahet so icicirawat an. Ta manakem mo o kapeycitacita da jimo no tao. Makapiya ka so nakenakem a omnanao sira an.

Sipolay 11:31

Ikongo do ipeyhanhan na si Ama ta do to no manakaw a mavakes a meyngaran si Laha, am ori o ji na nimacikazosoji jira kano aro a ji ngonot ji Ama ta do to a tao a mawakwak. Ta nitaotao na o nitovoy no Isedi a tao a omileylamdam so tao do Yedike.

Sipolay 11:33

Ikongo do nipeyhanhan da si Ama ta do to, am ori o nipakahap da so mina ciring na jira a somidong sira. So nibalinasan da so tao do livolivon no ili da. So nikapiya na rana no nyahahapan da sya. So icyakma dey nisomengseng do ngongoy no kokoman so tao, do kapeyhanhan da ni Ama ta do to a somidong sira.

Sipolay 11:6

No abo panganoyngan no tao am ji na narayan ni Ama ta do to. O mai do tangain ni Ama ta do to a tao am anoyngan da o keyyan ni Ama ta do to a macikaop jira a marilaw no komakzeb sya tao.

Yake 2:14

Manga kakteh, no myan so tao a manci no kakdeng na so nakem ji Ama ta do to a kaji na mapatwawan sya do icicirawat na am ikongo peypeypangayan no akman sang so nakem ji Ama ta do to. Manngwa, ikavyay no pahad na o akman sang?

Yake 3:13

Sino jinyo o yamateneng a tao. No si myan am apyapya o kapehbo na so nakem na a mapeyvazay so apiya vazay.