Yake 2:14 - Seysyo No Tao

¹⁴ Manga kakteh, no myan so tao a manci no kakdeng na so nakem ji Ama ta do to a kaji na mapatwawan sya do icicirawat na am ikongo peypeypangayan no akman sang so nakem ji Ama ta do to. Manngwa, ikavyay no pahad na o akman sang?

Yake 2:14 ပူးပေါင်းရင်းမြစ်များ

Matay 5:20

Am ori o ko pancyan ninyo a makowyowyat pa kano mangnanao no iwawalam ni Ama ta do to a tao a kano tao a macyagom do Vadisay a mapeyvazay so vazay na ni Ama ta do to. Ta ori saon o ipacikaop nyo do italamozong na ni Ama ta do to am.

Locya 3:11

Maniring si Yowani jira am, “O adwa so ayob am ipangazaw nyo o asa ka ayob do abo so ayob a tao. O mabsoy a tao am akman kamo so sang an.”

Locya 6:49

Am omamizing so ciring ko a ji mangozay jya am akman so tao a mamaring so vahay a ji mapangay so soil na. No meyyagaganas am makeykai a balinasen na. So ikabwata no angangayan na rana.”

Nimlivolivon 15:9

pacittan na no kapeyyangangay na jyaten a patazadangen do teyngato. Na nivonas o raraten da no beken a tao do Yotay, do da kanoyong rana ji Yeso.

Nimlivolivon 8:13

Tana si Simong am mina to na nganoyngi rana a kataktak da jya. Meyratateng am macihza rana ji Veydipo. Macita na o mapeyzokab a vazay na ni Veydipo am nisavasavak na.

Nimlivolivon 8:21

Ikongo o mo kasngesngenan jyamen, ta na katenngan ni Ama ta do to onowned mo a yajyanoyong.

Loma 2:25

No kamo manoyong a yamahap so iwawalam na ni Ama ta do to am manoyong o keyyan no peypeypangayan no kayongkad do kataotao nyo. Am si ji nyo ngapa o iwawalam na am abwata peypeypangayan no kayongkad nyo do kataotao nyo.

1 Kedinto 15:2

O Mapasaray a Ciriciring na ni Ama ta do to o nipakahap nyo so to meyyonong a ikavyay no pahad nyo. So pangozayan nyo jya an, ta no si ji nyo mangozay am abo o peypeypangayan na no kanoyong nyo ji Yeso Kizisto.

1 Kedinto 16:22

No myan so ji raralay ni Yeso Kizisto a tao am manoyong kapeygegcin na jya no oyaoya na ni Ama ta do to. Mo Yeso Kizisto, inaoy si mai ka na.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

1 Tesalonicya 1:3

No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

1 Timotay 4:8

Manoyong kapya na no mapazigton so kataotao am makdekdeng pa o kapeypahagnat ta so nakenakem ji Ama ta do to. Ta ori o makasidong jyaten sicyaikwaya kano makwa no myan ta na do teyngato.

Tito 1:16

O akman rana sang a tao am o ciriciring da am akmey macyanoyong ji Ama ta do to. Am o aktokto da am ori o omalalas jya. So ikanoyong da pacioyyan na ni Ama ta do to, do kaji da ngahapan so nanao na. So ikabwata no apya vazay a peyvazain da.

Tito 3:8

So ikabo no kalalasan no ciriciring eya. Pakanakmen mo a ipanci jira oya an, a kowyat da no amraralay ni Ama ta do to a tao a meyvazay so apiya vazay. Ta o akman rana sya vazay am tey yapya a makasidong so tao.

Sipolay 11:17

No keyleylamdam na si Apolahan ni Ama ta do to a tomoro no anak na a meyngaran so Isa a wakwaken a patanangen ji Ama ta do to am ji na nikamama, do kapeyhanhan na nya. Ta ipeyhanhan na si Ama ta do to a manta nya so aro a sivosivovoong na.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

Yake 1:16

Manga kakteh, naknakmen nyo an.

Yake 2:16

manngwa, kasirisiring nyo sira a manci no, “Makapiya kamo so kataotao. Inaoy si mabsoy kamo. Inaoy si myan so ayob nyo,” kwan nyo a abo so isidong sira am ikongo ayyaingan no akman sang.

Yake 2:18

Ala no maniring o tatasa ka tao am, “Imo am ka makdeng so nakenakem ji Ama ta do to. Yaken am yako apiya so vazay.” No si maniring ko am, “Pacittan pala jyaken o nakenakem mo si Ama ta do to. Am yaken am to mo na cita do apya vazay ko. Ta ori o ipakateneng mo do nakenakem ko si Ama ta do to.”

Yake 2:26

Akman so kataotao ta. Ta no ji rana ngineynawa o tao am mawakwak o akman sang. Akman sang o nakenakem ta ji Ama ta do to. Ta no ji peyvazaya am abo o peypeypangayan no akman sang.

2 Pite 1:5

Ori o ikowyowyat nyo pa mapeypahagnat so nakem ji Ama ta do to. Ta ori o ikapya na no icicirawat nyo. Meypahagnat kamo so aktokto. Ta ori o ipakazab nyo so nakenakem na ni Ama ta do to.