Yake 2:13 - Seysyo No Tao

¹³ Ta no mapacici si Ama ta do to am ji na arilawan sira o ji mangarilaw a tao. Ta o mangarilaw so icyatatao na o avyain na. So ikabo no ikanyahey da no mangarilaw a tao do tangain na ni Ama ta do to.

Yake 2:13 ပူးပေါင်းရင်းမြစ်များ

Matay 5:7

“O marilaw no icyatatao da am tey yapya sira. Ta akman sang si Ama ta do to a marilaw nira.

Matay 6:15

No si ji nyo peykabobwa o raraten da jinyo no icyatatao nyo am akman sang si Ama ta do to a ji vonas so raraten nyo.

Locya 16:25

Am maniring si Apolahan am, ‘Manganako, mo pa manakem no kapeyigegen mo do karawan asyo an, a to meypanpan do kanekanen mo an. Am si Lasalo am abo ipangakaday na do araraw. Am sicyaikwaya am yamyan rana do jya yamacikasaray jyamen, a imo am ka amlavi so onowned.

Locya 6:37

“Ji kamo manraherahet so icyatatao nyo an. No si manraherahet kamo so icyatatao nyo am akman kamo sang a raheraheten da. Ji nyo mancyan o karatan no tao, ta ori o icyakman nyo sang a ji da raheraheta no tao. Peykabobwen nyo o raraten da jinyo an. So icyakman nyo so sang a peykabobwen da so raraten no tao an.

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

Yake 5:4

Nyo jingneta o nizpi da no yameyvazay do hakawan nyo. Amizngey kamo o da iraherahet jinyo a kano da pasyasyan. Ta na rana nimamizing ni Ama ta do to o da lavyan.