Yake 2:12 - Seysyo No Tao

¹² Am ori an, apzatan ta do ciring ta kano icicirawat ta. Ta katenngan ta o kapacici na jyaten ni Ama ta do to. Am cyaha, ji ta nyaheyan, ta onotan ta o Ciriciring na ni Ama ta do to a yamapahawa jyaten do peyraratenan ta.

Yake 2:12 ပူးပေါင်းရင်းမြစ်များ

Locya 4:18

“Yanimeygegcin jyaken o Seyzi na ni Ama ta do to. Ta yana nipamnekan yaken a mangay meylimwang no Mapasaray a Ciriciring na ni Ama ta do to do makasi a tao. Nitovoy na yaken a meylimwang no kasaway da rana no akmey kaneban a tao a kapakacita da rana no mavota tao a kasaliway da rana no peylamlamsoin da tao.

Yowani 8:32

Mangay kapakateneng nyo do manoyong a nanao na ni Ama ta do to. So ikanoyong nyo na a somaliway.”

Cyalatay 6:2

No myan so alalaw nyo am macisidosidong kamo. Ta ori rana am nanao na jyaten ni Yeso Kizisto.

Veydipi 4:8

Am ori manga keypong an, ahapan nyo so apipiya vazay a isaray na ni Ama ta do to a kano ji meypareki so onowned a kano tey mazway a vazay. O akman rana sang am peyyanen nyo do onowned nyo a patwawen do icicirawat nyo.

Kelosi 3:17

O makakaday a vazay nyo a kano ciring nyo am mamimin a pagazen nyo do ngaran ni Yeso a Panirsirngen ta a somaray nya ji Ama ta do to.

Yake 1:25

Am beken a kamizing ta so Ciriciring na ni Ama ta do to. Ta peyvazain ta o nimamizing ta a Ciriciring na a yamapahawa jyaten do peyraratenan ta. Ta o manoyong a mangozay jya tao am isaray na ni Ama ta do to o akman sang.

Yake 2:8

No si manoyong kamo a mangozay do ciring do Seysyo am, “To mo mangozai o aryarilaw mo so kataotao mo a marilaw no icyatatao mo.” Ta ori rana am ney makdeng na a iwawalam na ni Ama ta do to. No si peyvazain nyo ori am manoyong kamo na so ahahapan sya.