Yake 1:9 - Seysyo No Tao

⁹ Tana abo o peymeymasaodan no manaralay a tao am somaray, ta sidongen na ni Ama ta do to.

Yake 1:9 ပူးပေါင်းရင်းမြစ်များ

Locya 1:52

Na nipeypaveveh sira o panipanirsirngen. So ji da rana makazyazyaki. Na nikatkat sira o ji makazyazyak a tao.

Locya 10:20

Am ji nyo narayan o kamizing da jinyo no kalamsoyan ni Satan an. Ta isaray nyo o na kapadket rana so ngaran nyo do teyngato ni Ama ta do to.”

Locya 14:11

Ta o mapakarakarang a tao am mangay na pavevehen ni Ama ta do to. O ji makazyazyak a tao am peypakatkaten na sira ni Ama ta do to.”

Locya 9:48

Maniring jira am, “O mahap so vazay ko a tomaotao so kanakan eya am yaken an o taotawwen da an. O tomaotao jyaken am akma dey taotawwen o nitomovoy jyaken an. Sino paro jinyo o to mapownot so nakenakem na mangarilaw so icyatatao na. Ta ori o pakarakehen a tao.”

Loma 8:17

No manoyong o kakma tey anak ni Ama ta do to am manoyong keyyan no itoro na jyaten no makwa. So ikakman ta sang a macikasaray do Anak na si Yeso Kizisto. Ta yaten rana am no macyanod ta do alalaw na ni Kizisto am macikazway ta do azwazway na.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

Veydipi 3:14

Am ori o ko icyakmey malayo a tao a yasomazap so ko angayan, do ko kanakenakem so ko kapakahap so azaw ko ji Ama ta do to a to meyyonong a ikavyay no pahad. Ori rana am nipamnekan na yaken ni Ama ta do to a omanoyong ji Yeso Kizisto a kapakahap ko na sang.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

Ipaziman 2:9

Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.