Yake 1:5 - Seysyo No Tao

⁵ No amyan jinyo so makza no karapa do teneteneng na am makowyowyat pa mapasyasi ji Ama ta do to a kapanta na nya ni Ama ta do to so teneng na. Ta iya rana am tey mazonos a apiya so nakenakem a marilaw no mapasyasi jya tao.

Yake 1:5 ပူးပေါင်းရင်းမြစ်များ

Matay 11:20

No kanang am nioya na o tao do peycyeylilyan na a nimakacita sya a mapeyvazay so mapeyzokab a vazay. Ta ji da ngaroi o peyraratenan da.

Make 16:14

Ney manowji na am mapacita si Yeso do koman a asa so ikakarwan a macinanao jya. Am nioya na sira, ta malma sira so nakenakem ji Ama ta do to a akmey vato so onowned a ji nganoyong do ciring da no tao a nimakacita sya a nimirwa a mavyay.

Yowani 14:13

No mapasyasi kamo a meyhanhan no ngaran ko am amizngen ko inyo. So ikanoyong no azwazway ni Ama ta do to a mangay tomwaw jyaken a Anak na.

Yowani 15:7

No si macikaop kamo jyaken a keyyan na rana no ciriciring ko do onowned nyo am no amyan so amin nyo jyaken am itoro ko jinyo.

Yowani 4:10

Maniring si Yeso am, “No mo katenngan o itoro na jimo ni Ama ta do to a mo kapakateneng do yamacyami jimo so ranom am ka ji mapasyasi jya. Ji na mantan imo so to meyyonong a ikavyay no pahad mo a ranom a.”

2 Kedinto 2:16

Am o ji nganoyong jya tao am ikaoya da o akman sang a ciriciring na ni Ama ta do to, do kangay na jira no peyoyaoyyan ni Ama ta do to no makwa. Am omanoyong jya tao am ikavyay no pahad da. Sino makapeyvazay so akman sang a rako a vazay.

Yake 1:17

O makakaday a yatey pipya a vazay am yamamimin a yapo ji Ama ta do to a yanimangamaog so araw a kano vehan a kano mata no hanit. Iya rana am jyabliblis so pamnemnekan.

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

Yake 5:16

Patwawen nyo o kalasan nyo do kadwan jinyo a kapeynozi nyo no kadwan jinyo a keywakwak jinyo. Ta tey rako o oyowyat no inozi no apiya so nakenakem a tao.

1 Yowani 3:22

No myan so amin ta ji Ama ta do to am itoro na jyaten. Ta ta onotan o nanao na a yamapeyvazay so isaray na vazay.