Yake 1:25 - Seysyo No Tao

²⁵ Am beken a kamizing ta so Ciriciring na ni Ama ta do to. Ta peyvazain ta o nimamizing ta a Ciriciring na a yamapahawa jyaten do peyraratenan ta. Ta o manoyong a mangozay jya tao am isaray na ni Ama ta do to o akman sang.

Yake 1:25 ပူးပေါင်းရင်းမြစ်များ

Locya 11:28

Maniring si Yeso am, “Manoyong ori am omamizing so ciring na ni Ama ta do to a kapeyvazay na sya am tey yapya o akman sang a tao!”

Yowani 13:17

No nyo na katenngan o akman sya nanao am no si pangononongan nyo am tey rako o sarasaray nyo an.

Yowani 8:36

O Anak ni Ama ta do to o amvonas so raraten nyo. So ikanoyong nyo na somaliway a abo rana so raraten.

Nimlivolivon 13:43

Meysyasyay rana sira am aro tao a macilolo ji Pawlo a kani Parnapo. Ipait da sira a to ngotokot so nakem a meyhanhan ni Ama ta do to a yasomidong sira. Sira rana am tao do Yotay a kano beken a tao do Yotay a mahap rana so iwawalam no tao do Yotay.

Nimlivolivon 2:42

So nikowyat da macinanao do nipamnekan ni Yeso a omlivolivon no ciriciring na kalwalovot da rana meynozi a kakan da so pang a makanakem si Yeso a nimawakwak.

Nimlivolivon 26:22

Yato ngai sicyaraw eya o na nisidongan jyaken ni Ama ta do to a meylimwang no ciriciring na do meynakem a tao a kano ipangoyongoyod da tao. O nipeylimwang ko am meyyangay a kano nipeylimwang ni Moyse a kano panoyonoywan na so ciring ni Ama ta do to no kakwa.

Loma 11:22

Naknakmen nyo pala si Ama ta do to. Ta yamyan so pangangasyan na. Yamyan so peyoyaoyyan na. O meyraraten a tao am manoyong kaoya na nira. Am inyo am na ikasi. Am ori o ji nyo ngaroi do pangangasyan na ni Ama ta do to. Ta akman kamo so yangaw no kayo a polcingen na.

Loma 2:13

Beken a omamizing sya o abneken na ni Ama ta do to abo so raraten do tangain na. Ta o mangozay do iwawalam na a peyvazain o abneken na abo so raraten do tangain na.

Loma 7:12

Am o iwawalam na rana ni Moyse am apyaha, ta abo marahet do dang.

Loma 8:15

Ta o itoro na ni Ama ta do to a Seyzi am beken a mapeylamlamsoy jinyo a omanyanyahey jinyo, ta peyvaliwen na inyo a akma ney anak ni Ama ta do to. So oyatan na jyaten no Seyzi a tomawag ji Ama ta do to a manci no, “Mo Ama.”

Loma 8:2

Ta o Seyzi am ori o yamapanop jyaten ji Yeso Kizisto. So ta ikanoyong rana yakmey nikowvayan so raraten a kano ji na rana meydednai no peyoyaoyyan na ni Ama ta do to.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

2 Kedinto 13:5

Ileylamdamen nyo pala o kataotao nyo. Manngwa, nyo pangononongan o nanao na ni Ama ta do to? Manngwa, nyo jyatenngi na keyyan ni Yeso Kizisto jinyo? No si abo am ji kamo anoyong pa a omanoyong jya.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Cyalatay 5:1

Na rana niovayan yaten ni Kizisto do yamvaod jyaten a iwawalam ni Moyse. Ori o ji nyo rana meyhanhani no adan a iwawalam ni Moyse.

Cyalatay 6:2

No myan so alalaw nyo am macisidosidong kamo. Ta ori rana am nanao na jyaten ni Yeso Kizisto.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

1 Timotay 2:15

Am o mangahanas rana mavakes am apzatan na sira ni Ama ta do to no si jyablis o nakenakem da si Ama ta do to a mangarilaw so tao, ji meylimoteng so onowned, apiya so vazay.

1 Timotay 4:16

Meypepzat ka so kataotao an. Akman so sang o ipangnanao mo an. Ji mo macimazai o vazay mo. Ta ori o ipatazadang na jimo ni Ama ta do to do teyngato. So ikakman da sang no pamizngen mo a tao a patazadangen na.

Sipolay 12:15

Makapzat kamo, ta mapehes jinyo o pangangarilawan ni Ama ta do to. Makapzat kamo, ta amlida do onowned nyo o raraten nyo. Ta no meyparako ori am makangingit so tao a meyraraten.

Yake 2:12

Am ori an, apzatan ta do ciring ta kano icicirawat ta. Ta katenngan ta o kapacici na jyaten ni Ama ta do to. Am cyaha, ji ta nyaheyan, ta onotan ta o Ciriciring na ni Ama ta do to a yamapahawa jyaten do peyraratenan ta.

1 Pite 2:16

Inyo rana am kamo manoyong a italamozong ni Ama ta do to. Am ori o ji nyo rana pasngesngeni so marahet do onowned nyo. Ta manakem nyo o kakma nyoy lamlamsoy ni Ama ta do to.

1 Yowani 2:24

O ciriciring na ni Ama ta to do a nimamizing nyo no kavayo nyo pa manganoyong am to nyo peyyononga pangozayan. No si manoyong kakman nyo sang am macikaop kamo na ji Ama ta do to a kano Anak na.

Ipaziman 14:13

Makamizing ko pa so ciring a apo do teyngato. Maniring am, “Amyapo sicyaraw eya o katey rako na rana no sarasaray da no mawakwak no vazay ni Yeso a tao. So vatvatkan mo do ciring eya.” Maniring o Seyzi am, “Manoyong o kakavos na rana no zikzikna da. So ipeywalam da rana, ta amyan so kakownongan no mina zikna da.”

Ipaziman 22:14

“O manownaw rana so onowned a tao am tey yapya sira. Ta sira rana am sira o apya koman so asi no kayo a yapwan no to meyyonong a ikavyay no pahad. So ika sira da no somdep do pazezevngen no ili.