Yake 1:22 - Seysyo No Tao

²² Taosya o kamizing so ciriciring na ni Ama ta do to a ji peyvazaya. Ta o akman rana sang am alalasan o kataotao.

Yake 1:22 ပူးပေါင်းရင်းမြစ်များ

Matay 12:50

Ta o mahap so vazay ni Ama do to a tao am ori o abneken ko a kakakteh ko a kano ina ko.”

Matay 28:20

a kananao nyo sira a omahap so makakaday a yako ninanao jinyo. Am manakem nyo o kaji ko macisyayan jinyo a mangay do kaidan no karawan.”

Locya 11:28

Maniring si Yeso am, “Manoyong ori am omamizing so ciring na ni Ama ta do to a kapeyvazay na sya am tey yapya o akman sang a tao!”

Yowani 13:17

No nyo na katenngan o akman sya nanao am no si pangononongan nyo am tey rako o sarasaray nyo an.

Loma 2:13

Beken a omamizing sya o abneken na ni Ama ta do to abo so raraten do tangain na. Ta o mangozay do iwawalam na a peyvazain o abneken na abo so raraten do tangain na.

1 Kedinto 15:33

Ji kamo todakakey a kalittan. No macikagagan ka do somagpyan a tao am mangay kapasagpyan na jimo so icicirawat.

1 Kedinto 3:18

Ji nyo ngalalasa o aktokto no kataotao nyo an. No amyan jinyo so ominara so icicirawat no tao do karawan a mapazway so teneng na am iptad na rana o kapakateneteneng na. Ta ori o ikanoyong na mateneng a tao.

1 Kedinto 6:9

Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

Cyalatay 6:3

O mapakateneteneng a tao am akma ney littan o kataotao na.

Cyalatay 6:7

Ji kamo manayotayo do tangain na ni Ama ta do to. Ta abo matayo ta do tangain na. So ikanoyong no kapacilocilolo no mahap no tao do makakaday a mina vazay na.

Veydipi 4:8

Am ori manga keypong an, ahapan nyo so apipiya vazay a isaray na ni Ama ta do to a kano ji meypareki so onowned a kano tey mazway a vazay. O akman rana sang am peyyanen nyo do onowned nyo a patwawen do icicirawat nyo.

Kelosi 3:17

O makakaday a vazay nyo a kano ciring nyo am mamimin a pagazen nyo do ngaran ni Yeso a Panirsirngen ta a somaray nya ji Ama ta do to.

2 Timotay 3:13

Ta o meyraraten rana tao a kano mangnanao no malas a tao am meypeyparahet o vazay da. Ta alalasan da o tao am akman sang sira kalittan.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

Yake 1:26

No myan so tao a mapakakdekdeng so nakem ji Ama ta do to a kaji na amzatan do ciring na am alalasan na o kataotao na. So ikabo no peypeypangayan na no kararalay na ni Ama ta do to.

Yake 4:11

Ji kamo maciraherahet, manga kakteh an. No amyan so tao a amraherahet so kakteh na do cinai am akma ney to rehrehta o Ciriciring na ni Ama ta do to. No rehrehten nyo o Ciriciring na ni Ama ta do to am manoyong o kapasobna nyo ji Ama ta do to.

Yake 4:17

Am ori an, o tao rana a makateneng do apya vazay a kaji na mapeyvazayan sya am raraten o akman sang.

2 Pite 2:13

do kalas no vazay da do icyatatao da. O abneken da ney yapya na vazay am azwain da o kataotao da, abo so ji peyveyvazaya do maraw. So nyo ikanoyong a yamacikatamwad jira do da kapacizavoz jinyo. Ta sira rana am da isaray da kapanlita so tao.

1 Yowani 1:8

No si ipanci ta o kabo no raraten ta am alalasen ta o kataotao ta, do kaji ta mangononongan do nanao ni Ama ta do to a nimamizing ta.

1 Yowani 2:3

No si onotan ta o ciring na ni Ama ta do to am manoyong ta macikaop jya.

1 Yowani 3:7

Manga ovay, ji kamo a litai an. O apya so icicirawat a tao am manoyong o akman sang a ji meylimoteng so onowned a tao, akman si Kizisto a ji meylimoteng so onowned.

3 Yowani 1:11

Ji mo nginara o akman sang a marahet, mo keypong an, ta kahap mo so apiya vazay. Ta o apya so icicirawat am macikaop ji Ama ta do to. O marahet so icicirawat a tao am ji meyngongyod o akman sang a makateneng ji Ama ta do to.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 22:7

Maniring si Yeso am, “Amizngen nyo an. Ta makeykai ko na mai. O mangozay do ciring eya yadomket do vakong eya am manoyong o akman sang a tey yapya.”