Yake 1:19 - Seysyo No Tao

¹⁹ Manga kakteh, no mangamizing kamo so ciring no tao am taosya o kato nyo maciogtwan do ciring da jinyo. Ji kamo to meyoyaoya.

Yake 1:19 ပူးပေါင်းရင်းမြစ်များ

Matay 5:22

Am ko ipanci jinyo am o macioya do akma ney kakteh do cinai am raraten na rana ori. Omavay so akma ney kakteh do cinai a abo so angangayan a tao am to rana angayan o akman sang a tao do pacicicyan. O mapasagsagpyan so akma ney kakteh do cinai am mangay do makotokotod a lila no apoy.

Make 12:37

Abneken na ni Tawey a Panirsirngen na o Misayya. Am ikongo peysivovoongan na syaha.” So ikatey yaro no tao a masaray a omamizing so ciring ni Yeso.

Make 2:2

meysilisilin sira o aro a tao a mangay ji Yeso. So nikabo rana no yanan da do vahay ang. Akman sang do ngoso no vahay. Ta manicit o tao. Mangononong si Yeso do aro a tao am,

Locya 15:1

O mapeyvazay so deyking a kano aro a meyraraten a tao am mai sira do tangain ni Yeso a omamizing so ciring na.

Locya 19:48

Am kaji da makatenngan jya rakpen, ta aro tao a makza no ipangnanao na.

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 10:33

Am ori o nipanovoy ko so tao a manci nimo. Ko masaray, ta ka nimai rana. Yamen rana sicyaikwaya am namen malovot do tangain ni Ama ta do to a yaomamizing so nipanci na jimo a inanao na jyamen.”

Nimlivolivon 13:48

Mamizing da no beken a tao do Yotay am masaray sira. Ori o nyazwazwayan da so ciring na ni Ama ta do to. Sira rana aro a tao am nakenakem na ni Ama ta do to o kapamnek na jira a mahap so to meyyonong a ikavyay no pahad da, do kanoyong da rana ji Yeso.

Nimlivolivon 17:11

O tao rana dang am apyapya sira kano sinjya do Tesalonicya. Ta makdeng sira omamizing so ipangnanao da Pawlo. Masangib sira do araraw a tomita so Seysyo. Kakzeben da katenngan o kanoyong na kalas na no ipanci na ni Pawlo.

Nimlivolivon 2:42

So nikowyat da macinanao do nipamnekan ni Yeso a omlivolivon no ciriciring na kalwalovot da rana meynozi a kakan da so pang a makanakem si Yeso a nimawakwak.

Ivoso 4:26

No si meyoyaoya kamo am ji kamo na to meyraraten. Taosya o kato nyo pasdepan so araw a meyoyaoya.

Ivoso 4:31

Ablisan nyo na o oyaoyyan nyo no kadwan jinyo. Ji nyo macizagzagi o icyatatao nyo a meyoyaoyan. Ji kamo na lololos a mangavay. Taosya rana o kapeyyan nyo sya do onowned nyo so pacioyyan nyo do tao.

Kelosi 3:15

O nitoro na ni Kizisto a ikapiya no onowned nyo am ipeypalanginan na inyo. Isaray nyo ji Ama ta do to. Ta iya o yanimamnek jinyo akmey yasa so kataotao, do yana kanitomoro nya jinyo so ikapiya no onowned nyo.

Kelosi 3:8

Am sicyaikwa rana ya am zavaten nyo na o akman sang a vazay. Ji nyo na peyneynama o karahet no iyangay nyo abo so panganyanigan a mapeyyan do onowned so oyaoyyan nyo no tao a mangangavay a mapatwaw so makararahet a ciring.

1 Tesalonicya 2:13

Namen masangib a yasomaray nya ji Ama ta do to. Ta o namen nipeylimwang a ciriciring na am nyo na nimamizing. Nyo na nimahap. So nyo ji mancii nya ciring no tao, ta nyo anoyngan ori a ciriciring na ni Ama ta do to. Ta o ciring ori am yaomoyat do onowned nyo a yarana omanoyong ji Yeso Kizisto.

Yake 1:16

Manga kakteh, naknakmen nyo an.

Yake 1:2

Manga kakteh, tana amyan so alalaw a mangay jinyo am somaray kamo an.

Yake 1:26

No myan so tao a mapakakdekdeng so nakem ji Ama ta do to a kaji na amzatan do ciring na am alalasan na o kataotao na. So ikabo no peypeypangayan na no kararalay na ni Ama ta do to.

Yake 2:1

Manga kakteh, no kamo manoyong a yamraralay ni Yeso Kizisto a yatey mazway a Panirsirngen ta am taosya o kapeycyakaban nyo so tao.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

Yake 3:10

Yasa ka ngoso ta o na yapwan no ta sarayan ni Ama ta do to, ta pangavayan so tao. Manga kakteh, taosya o kamirpirwa ta pa mapatwaw no lila ta so marahet.

Yake 4:11

Ji kamo maciraherahet, manga kakteh an. No amyan so tao a amraherahet so kakteh na do cinai am akma ney to rehrehta o Ciriciring na ni Ama ta do to. No rehrehten nyo o Ciriciring na ni Ama ta do to am manoyong o kapasobna nyo ji Ama ta do to.

Yake 5:12

O ney makdeng na, manga kakteh am taosya o kapacipeyyeyyan nyo so nakem do teyrahem. Ta manoyong saon am manoyong am. O malas saon am malas am. Ta no si makman kamo sang am jyabo kaoya na ninyo ni Ama ta do to a.

Yake 5:19

Manga kakteh, no si myan jinyo so nimavozaw a nikomaro rana do nanao na ni Ama ta do to a keyyan no tao a mapeysinaoli sya am,

1 Yowani 2:21

O ko peyteygamyan ninyo am nyo katenngan o nanao na ni Ama ta do to. So nyo ipakateneng do malas a beken a apo do nanao ni Ama ta do to.