Yake 1:17 - Seysyo No Tao

¹⁷ O makakaday a yatey pipya a vazay am yamamimin a yapo ji Ama ta do to a yanimangamaog so araw a kano vehan a kano mata no hanit. Iya rana am jyabliblis so pamnemnekan.

Yake 1:17 ပူးပေါင်းရင်းမြစ်များ

Matay 7:11

Kakwakwan nyo a meyraraten a tao a yamakateneng do kapanta no anak nyo so pipya kanekanen a imanngo rana si Ama ta do to. Ta jyabo kaji na norwan nya jinyo no amin nyo o ikeykakza nyo a.

Locya 11:13

Kakwakwan nyo a meyraraten a tao a yamakateneng do kapanta no anak nyo so ney pipya a kanekanen a imanngo rana si Ama ta do to. Ta jyabo kaji na mantan ninyo no amin nyo jya o Seyzi a.”

Yowani 1:9

O zezak rana am manoyong a zezngang apo do teyngato a tomiray so tao do karawan.

Yowani 3:27

Maniring si Yowani am, “No abo si Ama ta do to a omoyat do tao am abo do tao o makapakavos so vazay.

Yowani 3:3

Maniring si Yeso am, “To ko na macitangayan jimo am no si ji mirwa a matazak a tao o tao am ji macikaop do italamozong na ni Ama ta do to a tao.”

Yowani 8:12

Maniring si Yeso jira am, “Yaken rana am zezak no karawan. O macilolo jyaken a tao am amyan jira o zezak no onowned da. So ji da rana ngyani do kasarisaryan.”

Nimlivolivon 11:18

Mamizing da o ciring na jira am ji da rana namwada, ta isaray da si Ama ta do to. Maniring sira am, “Yamanoyong si Ama ta do to a yamarilaw no beken a tao do Yotay a nimamlis rana a na torwan no to meyyonong a ikavyay no pahad da.”

Nimlivolivon 5:31

So na rana iyan do wanan na ni Ama ta do to a Panirsirngen ta a yamapatazadang jyaten do teyngato. Na kakzeben yaten a Isedi a tao a mamlis so nakenakem, ta ori o ivonas na so raraten ta.

Loma 6:23

Ta o kapalit no raraten am mangay do makotokotod a lila no apoy a mangay no makwa. Am o yazaw na ni Ama ta do to so yamacibedbed ji Yeso Kizisto a Panirsirngen ta am ipanta na so to meyyonong a ikavyay no pahad da.

1 Kedinto 4:7

Inyo rana mapakazwazway am sino ney mowyat na jinyo a makaharag so tao. Manngwa, nyo jyatenngi o yamakakaday jinyo a yamamimin a yapo ji Ama ta do to? Ikongo nyo peyzezwayan no nitoro na jinyo. Am ori o pavevehan nyo pa so nakenakem nyo an.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

Ivoso 1:18

Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.

Ivoso 2:8

Na nyahap inyo do peyraratenan nyo, ta nyo rana ipeyhanhan si Kizisto. O nyo ipakahap so sang am beken a oyowyat nyo, ta omagaz do pangangarilawan na ni Ama ta do to a na yazaw jinyo.

Veydipi 1:29

O na nipamnekan jinyo am beken a nyo kanoyong ji Kizisto an, ta ahapen nyo o alalaw na a mahap so vazay na,

1 Timotay 6:16

Ta si Ama ta do to am jyawakwak. Meyvahay do ji macisngeni no tao a maniray. Abwata pa o nimakacita sya tao. So ikabo no macisazap jya. Inaoy no to meyyonong a azwazwain ta, katalamozong na nyaten. Amin.

Sipolay 13:8

Ta si Yeso Kizisto rana am tana no kakyab a tana sicyaraw eya a tana todangay no makwa am yajyablis.

Yake 1:5

No amyan jinyo so makza no karapa do teneteneng na am makowyowyat pa mapasyasi ji Ama ta do to a kapanta na nya ni Ama ta do to so teneng na. Ta iya rana am tey mazonos a apiya so nakenakem a marilaw no mapasyasi jya tao.

Yake 3:15

Ta o akman rana sang a teneng am beken a apo do teyngato, ta apo do tao do teyrahem. So ikamonganay na do karawan a kano kalamsoyan ni Satan.

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

1 Yowani 1:5

Namen ipeylimwang jinyo o ciring a yanamen nimamizing ji Yeso Kizisto. So ikanoyong na akmey zezngang ni Ama ta do to. So ikabo no masari jya.

1 Yowani 4:10

O pangangarilawan rana am beken a yaten marilaw ni Ama ta do to, ta si Ama ta do to am ori o marilaw nyaten. Ta iya o yapwan no meyngongyod a pangangarilawan. Am ori o nitovoyan na so Anak na mangay mawakwak no raraten ta.

Ipaziman 21:23

O ili rana am tana abo o araw a kano vehan am cyaha, ta cirain na sira no oyowyat na ni Ama ta do to. So peyyapoyan da so Kagling no tao do ili.

Ipaziman 22:5

Abo rana do dang o mahep. Ji da rana ngezsangan o kabo no zampo a kano araw, ta zezak da si Ama ta do to a Panirsirngen ta. Nipamnekan na sira a meypanirsirngen a mangay do kaidan no karawan.