Yake 1:10 - Seysyo No Tao

¹⁰ Akman sang ahan. No akasen na ni Ama ta do to o peymeymasaodan da no omraralay nya tao am isaray da o akman sang an. Ta o peymeymasaodan no tao am akman so savong no tamek a mahayo a mababalinas.

Yake 1:10 ပူးပေါင်းရင်းမြစ်များ

Matay 5:3

“O tao a omanoyong do kataotao da a ji makanet so nakenakem ji Ama ta do to am tey yapya sira. Ta macizanod sira do italamozong ni Ama ta do to.

Matay 6:30

O tamek am amyan pa sicyaraw eya. Am simaraw am mahayo rana a kapasleb rana sya do apoy. Tana akman sang o tamek a ji meyyonownay do tana am yana padketan ni Ama ta do to so na ikazway a savong na. Kakwakwan na rana no tamek am imanngo kamo na. Ta jyabo kaji na mantan ninyo so ayob nyo a. Am nyo kaji makanetan so nakenakem ji Ama ta do to.

1 Kedinto 7:31

O nimakataptap rana so kanekanen do karawan am akman sira so ji nitomaham do kanekanen. Ta o karawan eya am makeykai a komavos.

Veydipi 3:8

Beken a ori an. Ta yamaharahara rana o nakem ko ji Yeso Kizisto sicyararalay ko na nya. Yako ipanci o makakaday a vazay a yabwata so angangayan, do yako kapyapya pa so ko kapakateneng ji Kizisto a Panirsirngen ko.

1 Timotay 6:17

Pazimanen mo do aro so kangangay sicyaikwaya an, ta ji sira mapakazwazway. Ji da meyhanhanan o aro a apzapzatan da, ta ji da tenngi o kato na meyyonongan no nang a ikapya da. Ta si Ama ta do to o ipeyhanhan da yamanta nyaten so meycyamadadayan.

Yake 4:14

Am to ko na macitangayan jinyo am ji nyo a tenngi o inawan nyo simaraw an. Ta akman kamo so aob a ji meyyahahay a meyyopowpas.

1 Pite 1:24

Akman so ciring do Seysyo. Ta maniring am, “Yamamimin o tao a yakmey tamek. O kapyapya da am akman so savong no tamek a ji meyyonownay a mavozas.

1 Yowani 2:17

O karawan eya kano pangangagoman no tao am ji meyyonownay ori. Am o mapeyvazay so vazay ni Ama ta do to am amyan rana jya o to meyyonong a ikavyay no pahad na do teyngato.