Veydipi 4:9 - Seysyo No Tao

⁹ O nimamizing nyo a kano nimacita nyo a icicirawat ko am miminen nyo a peyvazain an. Ta ori o ipacitovong na jinyo no yamanta nyaten so ikapiya no onowned ta a si Ama ta do to.

Veydipi 4:9 ပူးပေါင်းရင်းမြစ်များ

Matay 1:23

“Amyan so ji meylimoteng so onowned a mavakes a mangalavat so mahakay. O ngaran na am Imaneydi.” O peypeypangayan na am, “Macilovot jyaten si Ama ta do to.”

Matay 28:20

a kananao nyo sira a omahap so makakaday a yako ninanao jinyo. Am manakem nyo o kaji ko macisyayan jinyo a mangay do kaidan no karawan.”

Matay 7:21

“O tomawag jyaken a tao a manci no, ‘Mo Panirsirngen, mo Panirsirngen,’ am jyamimin sira macikaop do italamozong ni Ama ta do to. Ta o mahap so nanao ni Ama ta do to o macikaop jya.

Locya 6:46

“Ikongo nyo pancyan no nyo kanoyong jyaken a Panirsirngen nyo a yanyo ji mangozay do ciring ko jinyo.

Locya 8:21

Maniring jira am, “Omamizing so ciriciring na ni Ama ta do to a kapeyyan da sya do onowned da kapangozay da jya peyvazain am ori o abnekan ko a inyapwan a kano kakakteh ko.”

Yowani 13:17

No nyo na katenngan o akman sya nanao am no si pangononongan nyo am tey rako o sarasaray nyo an.

Yowani 15:14

No si pangononongan nyo o nanao ko am manoyong kamo na kagagan ko.

Yowani 2:5

Maniring o ina na do lamlamsoy no meysinmo a tao am, “To nyo ngamiznga o pahanhanan na jinyo.”

Nimlivolivon 9:6

Peyvangon rana mangay do ili, ta yamyan so asa ka tao a manci nya jimo so vazay ko jimo.”

Loma 15:33

Inaoy si macikaop jinyo si Ama ta do to a yamanta nyaten so ikapiya no onowned ta. Amin.

Loma 16:20

Si Ama ta do to o yamanta nyaten so ikapiya no onowned ta. Makeykai na rana si Satan a haragen a kabo na rana no oyowyat na amlita jinyo. Inaoy si itoro na ni Yeso Kizisto a Panirsirngen ta o pangangarilawan na jinyo.

1 Kedinto 10:31

Am ori an, tana makakaday a vazay nyo a tana koman kamo a tana omyop kamo am naknakmen nyo o kazwazway nyo si Ama ta do to.

1 Kedinto 14:33

Ta o yaomoyat jira Tao do to am beken a yamapeyzavozavoz so vazay. Ta na twatontonen o vazay na. O iwawalam do peycyakyokyokayan na am,

1 Kedinto 4:16

Am ori o ko vavagan jinyo a ominara jyaken.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

Veydipi 3:17

Inarahen nyo yaken, manga kakteh an. Panginginaran nyo sira o yaominara jyamen a tao an, ta yanamen rana nipacita jinyo o manoyong a icicirawat namen.

Veydipi 4:7

Ta itoro na jinyo o ikapiya no onowned nyo a ji da tenngi no karwan no tao. Mangay na irapa do nakenakem nyo do nyo kararalay ni Yeso Kizisto.

1 Tesalonicya 1:6

Tana aro o alalaw nyo am kamo masaray a na sidongen no Seyzi a yamahap so ciriciring na ni Ama ta do to a yaominara si Yeso, akman jyamen a yajyamama no alalaw namen.

1 Tesalonicya 2:14

Manga kakteh, o alalaw nyo a kano alalaw da no aro a kyokay do Yotay am alalaw da ori no omanod ji Ama ta do to a tao. Ta o iraherahet da jinyo no keylyan nyo am akman so sang o iraherahet da so aro a kyokay no tao do Yotay.

1 Tesalonicya 5:23

Ko ipeynozi inyo ji Ama ta do to a yamanta ninyo so apiya nakenakem nyo a kapzat na do onowned nyo a kano pahad nyo a kano kataotao nyo. So ikanoyong na amzat jinyo a kabo no karatan nyo a mangay do ikeypirwa na mai ni Yeso Kizisto a Panirsirngen ta.

2 Tesalonicya 3:4

Namen ipeyhanhan inyo a sidongen na ni Yeso. Namen katenngan inyo a yajimtad a mapeyvazay so ninanao namen jinyo.

2 Timotay 4:22

Inaoy no macitovong jimo si Ama ta do to. Inaoy no itoro na o pangangarilawan na jinyo.

Yake 1:22

Taosya o kamizing so ciriciring na ni Ama ta do to a ji peyvazaya. Ta o akman rana sang am alalasan o kataotao.

2 Pite 1:10

Ori an manga kakteh an, ipakowyowyat nyo pa a mapeyyan sya do onowned nyo so mina kapamnek na jinyo ni Ama ta do to. Ta no si akman kamo sang am jyabo kapeyparai nyo ji Ama ta do to a,

1 Yowani 3:22

No myan so amin ta ji Ama ta do to am itoro na jyaten. Ta ta onotan o nanao na a yamapeyvazay so isaray na vazay.