Veydipi 4:3 - Seysyo No Tao

³ Imo rana mo kahakay a kararay ko am sidongen mo sira an. Ta sira rana am mina kararay ko a kani Kedimong a kano kadwan jyamen. Sira ori o nimahap so vazay na ni Ama ta do to. Ta sira rana am yana domket o ngaran da do vakong na ni Ama ta do to a yamanoyong a makahap rana so to meyyonong a ikavyay no pahad da.

Veydipi 4:3 ပူးပေါင်းရင်းမြစ်များ

Locya 10:20

Am ji nyo narayan o kamizing da jinyo no kalamsoyan ni Satan an. Ta isaray nyo o na kapadket rana so ngaran nyo do teyngato ni Ama ta do to.”

Loma 12:1

Manga kakteh, ko vavagan inyo an. Ta yatey rako na kasyan nyaten ni Ama ta do to. Am ori o torwan nyo no kataotao nyo a italamozong na a komaro do raraten nyo. Ta ori sarayan na ninyo ni Ama ta do to a meyngongyod so onowned a amraralay nya.

Loma 16:12

Ko ipeyminaminasi o kararay ko si Toveyna kani Tovosa kano kavakes ko a meyngaran si Peysi. Ta sira rana ori am yamakdeng sira a yamahap so vazay na ni Ama ta do to.

Loma 16:9

Ko ipeyminaminasi pa si Opano a kararay ta a meyvazay ji Kizisto a kani Setawey a kagagan ko.

Veydipi 1:12

Manga kakteh, ko kakdain inyo a makateneng jyaken a yamyan do pamemtengan. Cyaha, ta na ikapyapya a yasomidong jyaken a meylimwang no Mapasaray a Ciriciring na ni Ama ta do to.

Veydipi 1:16

Sira rana ya am sira mamimin a yamarilaw nyaken a yamakateneng jyaken a yana nipamnekan ni Ama ta do to a yamacinekanekad no Mapasaray a Ciriciring na.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Veydipi 1:5

Ta nimeycicinda no kakwa na kai sicyaikwaya o yanyo sidongan jyaken a yameylimwang no Mapasaray a Ciriciring na ni Ama ta do to.

Veydipi 1:7

Manoyong o kapaw ko ninyo. Ta tana ko na myan do pamemtengan sicyaikwaya, tana no kasaliway ko pa a macinekanekad no manoyong a Mapasaray a Ciriciring na ni Ama ta do to am yabo nyo jya nisidongan jyaken a mahap so vazay na ni Ama ta do to.

Veydipi 4:2

Inyo rana yararwa akma nameney kakteh do cinai a mavakes a meyngaran so Yoati a kani Sentihe am to nyo peykabobwa o raraten nyo do kadwan jinyo.

Kelosi 1:7

Nyo nimahap o pangangarilawan na ni Ama ta do to ji Ipava a kararay namen a yaji mapasaklang do vazay ni Yeso Kizisto.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 17:8

O nimacita mo a omalalam am nimavyay pa no kakwa am yarana maliman sicyaikwaya. So ikakeykai na rana mai a apo do abo so takadan a gazawagaw a jyatenngi so karaherahem a meypangay do kararatan a ipasingkad na sya ni Ama ta do to. O tao do teyrahem a jidket so ngaran do vakong a yanan na rana no to meyyonong a ikavyay no pahad da no kaji na pa amaogan no karawan am mamimin sira malak no omalalam a nimavyay pa no kakwa yarana maliman sicyaikwaya. So ikanoyong da malak nya no meytotwaw no makwa.

Ipaziman 20:12

Makacita ko pa so nimawakwak a tao. Tana meynakem a tana jyeynakem am abo ji nanek do tangain na. So nikawasak na rana no vakong. O asa ka vakong a adketan no ngarangaran no yanan na rana no to meyyonong a inawan da am akman sang a mawasak. O nimawakwak rana tao am to macilocilolo do mina iwawalam da no keyyan da pa do karawan o domket do aro a vakong ang a ipacici na sira.

Ipaziman 20:15

O abo so ngaran do vakong a adketan no ngarangaran da no yanan na rana no to meyyonong a ikavyay no pahad da am iwalit na sira do akman so awa so karakorako a lila no apoy.

Ipaziman 21:27

Am o meyraraten a kano marahet so iwawalam a kano mangalalas am ji sira makasdep. O amyan so ngaran do vakong no Kagling a yanan rana no to meyyonong a ikavyay no pahad da am ori o makasdep.

Ipaziman 3:5

So icyakman da sang no jya nimablis so onowned a tao a peyyayoban ko so malavang a ayob. Ji ko ngopasa o ngaran da do vakong ko a yana adketan no ngarangaran da no na yanan no to meyyonong a ikavyay no pahad. Abneken ko sira do tangain ni Ama kano tinsi a monganay jyaken.