Veydipi 4:12 - Seysyo No Tao

¹² Nimasapa ko rana o kakcinan ko, kabsoyan ko. Tana mabsoy ko a tana makcin ko a tana abo o kalahen ko am amyan rana so ko peyneynaran sya.

Veydipi 4:12 ပူးပေါင်းရင်းမြစ်များ

Matay 11:29

Ahapen nyo o vazay ko. Inarahen nyo yaken. Ta o nakenakem ko am mapanadnad so nakem a ji makazyazyak. No si akman kamo sang am manoyong kamo a keyhepawan so kataotao.

Matay 13:52

Maniring si Yeso am, “O mangnanao no iwawalam ni Ama ta do to a tao a kapacikaop na rana do italamozong ni Ama ta do to am akman so katenngan a tao a aro so peymeymasaodan. Ta beken a o adan a nanao o katenngan na a ipangnanao, ta katenngan na o vayo a nanao ni Ama ta do to a patwawen.”

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 10:10

Yamyan so tao a yamapeyciring so, “No yameyvatvatek si Pawlo am tana yamangdet pa, yajyowyat am. Am no yana to macimata eya am malma, yabo so oyowyat a yamarahet so ipanirisiring.”

2 Kedinto 11:27

Jingwan sang am masangib ko a ji makaitkeh do katey mazikna ko no kataotao. No makcin ko, mawaw ko, abo isanan ko, mahen ko am akman sira sang o ikarahet ko.

2 Kedinto 11:7

No ko pamizngen inyo no Mapasaray a Ciriciring na ni Ama ta do to am yabwata asa ka apzapzatan a yako nyami jinyo. Ko to pakabowa o kataotao ko, do ko kapyapya pa jinyo a meypahagnat so nakenakem ji Ama ta do to. Manngwa, ko kalasan o akman sang?

2 Kedinto 11:9

No keyyan ko pa jinyo do dang am tana amyan so ikeykakza ko am ji ko pa nimapasyasi jinyo. So ikamimin na apo do akma koy kakteh do cinai do Maciton no mapatodeh jyaken. Tana no kakwa am tana no makwa am akman sang. Jyabo kapamyapya ko no kataotao ko a ikazikna nyo a.