Veydipi 3:9 - Seysyo No Tao

⁹ Ko manoyong a yamacikaop jya. So ko na peymakarwan do mina vazay ko no kakwa. So ikanoyong ko na abo so karatan do tangain na ni Ama ta do to. O yako icyakman sang am ko ipeyhanhan si Kizisto. Beken a ko kahap so iwawalam na ni Moyse. Ta yamanoyong ya nitoro ni Ama ta do to o ikapya ko do tangain na.

Veydipi 3:9 ပူးပေါင်းရင်းမြစ်များ

Matay 9:13

O ciring do Seysyo am, ‘O kakdain ko am karilaw nyo no icyatatao nyo. So ikabeken a patanangen nyo a makakaday.’ Angay kamo na kanakenakem nyo pala so peypeypangayan no ciring ang. Ta o ko nyai am beken a ko manara so ji meyraraten a tao. Ta o yameyraraten a tao am ori o yako nyai.”

Loma 1:17

Ta o Mapasaray a Ciriciring na ni Ama ta do to o ipakateneng ta do kabnek na jyaten ni Ama ta do to a abo so raraten do tangain na. O yapwan na no nya am amyapo do kapeyhanhan ta nya. Ta maniring do Seysyo am, “O tao rana a abneken na ni Ama ta do to a abo so raraten do tangain na am mahap da o to meyyonong a ikavyay no pahad da.”

Loma 10:10

Ta no anoyngan ta si Yeso am abneken na yaten ni Ama ta do to a abo so raraten do tangain na. Akman sang, ta no to ta na patwawa do tao o kanoyong ta ji Kizisto am manoyong o kahap na rana jyaten ni Ama ta do to.

Loma 16:7

Ko ipeyminaminasi o kasina ko no inawan a si Antoniko a kani Yoniya. Sira ori am nimanmanma pa ka nyaken a niomanoyong ji Yeso Kizisto. No kapteng da jyamen am sira ori o mina kararay ko do pamemtengan. Katenngan da sira no nipamnekan na ni Yeso Kizisto a amlivolivon no ciriciring na.

Loma 5:21

No kakwa pa am niharag no raraten o tao do karawan. Am ori o ikamimin da mawakwak no tao. Am o pangangarilawan na ni Ama ta do to am na nitoro do meyhanhan nya tao. So ikamimin da rana vonasen na so raraten. So ipakahap da rana so to meyyonong a ikavyay no pahad da, do da kanoyong ji Yeso Kizisto a Panirsirngen ta.

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

Loma 8:3

O iwawalam na ni Moyse am ji na sidong yaten a komaro do peyraratenan ta. Ta cinatao ta o kapeyraraten ta. Am si Ama ta do to am ori o yanisomidong jyaten. Na nitovoy o Anak na a yamacingay so keyteytawan do tao do karawan a yanimawakwak no raraten ta. So ji na rana nalamozongi nyaten no raraten.

1 Kedinto 1:30

Am si Ama ta do to o yanimapanop jinyo ji Yeso Kizisto. So na ikanoyong a na yapwan no teneng ta. Iya o na niyapwan no yamvonas so raraten ta. Am ori o na abnekan jyaten ni Ama ta do to a abo so raraten do tangain na. So icyakma tey matnaw a ranom so onowned a macilovot ji Ama ta do to a ji na rana nalamozongan no raraten.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

Cyalatay 2:16

Am ta katenngan an, o ipacikaop no tao ji Ama ta do to am anoyngan si Yeso Kizisto. Beken a omagaz do kahap so iwawalam ni Moyse. Yaten rana am yata anoyngan si Yeso Kizisto. Am ori o ta ipacikaop ji Ama ta do to. So na ji monganai do ta kapangozay do iwawalam na ni Moyse. Ta abo o asa ka tao a meypapya no iwawalam na ni Moyse do tangain na ni Ama ta do to.

Veydipi 3:6

No hapen ta do kakdekdeng ta no onowned am nimacivosoy ko rana do niomanoyong ji Yeso a tao. Am no si pangozayan ta o iwawalam na ni Moyse a cittan ta so kapyapya ta am jyabo karatan ko a.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

Tito 3:5

na patazadangen yaten do teyngato, do na karilaw nyaten. So ikabeken na omaing do apya icicirawat ta. O Seyzi na ni Ama ta do to am ori o nikaro ta do raraten ta. So icyakma tey nimalikey a avayo rana so aktokto. So iyan na rana jyaten no to meyyonong a ikavyay no pahad ta.

Sipolay 6:18

a ipadnadna na so nakem ta a yameyhanhan nya. Ta iya rana am jyabliblis o ahahapan na sya.

Yake 3:2

Abo jyaten eya o jya nimalas so vazay. Am o tao a ji mapatwaw so marahet a ciring am manoyong o akman sang a abo so karatan, do kapakapzat na do lila na kano kataotao na.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

1 Yowani 3:4

O tao a mapasobna do iwawalam ni Ama ta do to am raraten o akman sang. Ta o raraten rana am mapasobna do iwawalam ni Ama ta do to.