Veydipi 3:8 - Seysyo No Tao

⁸ Beken a ori an. Ta yamaharahara rana o nakem ko ji Yeso Kizisto sicyararalay ko na nya. Yako ipanci o makakaday a vazay a yabwata so angangayan, do yako kapyapya pa so ko kapakateneng ji Kizisto a Panirsirngen ko.

Veydipi 3:8 ပူးပေါင်းရင်းမြစ်များ

Locya 1:43

Mazavak eya yamai a tomita jyaken a ina no Panirsirngen ko.

Locya 11:20

No si manoyong ko a mamozwaw no oyowyat ni Ama ta do to am yamanoyong rana si Ama ta do to a tomalamozong no omanoyong jya tao sicyaikwaya.

Yowani 14:20

No si marateng o araraw no nang am katenngan nyo o kapacikaop ko na ji Ama. So ikakman nyo sang a macikaop jyaken. Akman jyaken a yamacikaop jinyo.

Yowani 14:7

No kamo manoyong a yamakateneng jyaken am akman sang si Ama a katenngan nyo. Papwan nyo sicyaikwaya o ipakateneng nyo na jya, ta nyo na nimacita.”

Yowani 16:3

O ikakman da sang so vazay jinyo no tao am ji da tenngi si Ama ka nyaken.

Yowani 17:3

O to meyyonong a ikavyay no pahad da am ipakateneng da jimo a ney manoyong na Tao do to, a kapakateneng da ji Yeso Kizisto a nitovoy mo do karawan.

Yowani 17:8

Ta ko ninanao sira o mo nitoro jyaken a nanao. Sira manoyong a yarana mahap sya. Da katenngan o yako kanoyong a yapo jimo. Da anoyngan o yamo kanitomovoy jyaken.

Yowani 20:13

Maniring sira ji Madiya am, “Ikongo mo ilavi.” Maniring si Madiya am, “Da nyahap o kataotao na ni Yeso a Panirsirngen ko. Ko jyatenngi o yada nipangayan sya.”

Yowani 20:28

Maniring si Tomase ji Yeso am, “Mo Panirsirngen a Tao do to ko.”

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

Loma 8:18

Ko naknakmen o alalaw ta sicyaikwaya am jyabo kapakataha na so yaomanam a azwazway ta no makwa.

1 Kedinto 2:2

Ta mina to ko na mamneki do kabo no yamatarek a yako inanao jinyo. Ta si Yeso Kizisto a nipadket da do jyojika o yako inanao jinyo.

1 Kedinto 9:10

Jyabo na kaji ngagazan jyamen no ciring eya. Tana mangay meymowa kano manlangi so mojis am abo ji ngakzeb so kapavonong da sira do nilangi da a mojis.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

Cyalatay 1:16

Nipacita na jyaken o Anak na. Am ori o nipakateneng ko do Mapasaray a Ciriciring na ni Kizisto a ipeylimwang do beken a tao do Yotay. So ikabo no tao a nipacyamizngan ko.

Ivoso 4:13

So ikamimin ta akmey yasa meyhanhan nya a makateneng ji Yeso a Anak na ni Ama ta do to a akmey makaveyvow a tao a makataptap rana so nanao ni Kizisto,

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Veydipi 3:10

Am ori o ko naknakman so ko kapakateneng ji Kizisto a kano arako a oyowyat na jyaken. Ta iya rana am tey mowyat, ta nimirwa a mavyay. Yako ikakza o ko kapacizanod jya so alalaw, akman sya ji rahet so kawakwak na.

Veydipi 3:12

O ko peycirngan sang am beken a ko rana nimimin a yamahap o yamakakaday a yamyan ji Ama ta do to. So ko ikakdekdeng pa yaominara si Yeso Kizisto do na katalamozong nyaken.

Veydipi 3:7

Am o ipanci ko no kakwa apiya am ko rana nilikodan a ko kararalay ni Kizisto sicyaikwaya.

2 Timotay 4:6

Yaken rana am yako rana makeykai a mangay ji Ama ta do to. So ikanoyong ko rana a na ahapen ni Ama ta do to do teyngato.

Sipolay 3:14

No ji ta haha so nakem ji Ama ta do to am manoyong ta macizanod ji Kizisto a mahap so vazay na.

1 Pite 2:7

O akmey lalitan rana am tey makdeng jinyo a omraralay ni Ama ta do to. Am o lalitan rana do ji raralay ni Ama ta do to a tao am ji da tenngi o kakdeng na. Akman so ciring do Seysyo. Maniring am, “O Vato a niwalit da no mapatnek so vahay am nimeyvoga a ney makdeng na aslet no ai no vahay.”

2 Pite 1:2

Inaoy si itoro na ni Ama ta do to a kani Yeso a Panirsirngen ta o pangangarilawan na kano ikapiya no onowned nyo, do yanyo kanoyong a yarana makateneng ji Ama ta do to a kani Yeso Kizisto.

2 Pite 1:3

Na rana nipazanod yaten ni Ama ta do to no oyowyat na, akma ney anak do karawan. Am ori o ji tamo meylimotengi so onowned do araraw. O tamo ipakahap so sang am yaomagaz do tamo rana kapakateneng ji Ama ta do to a yanimapanop jyaten a yamapazanod jyaten do inawan na kano azwazway na ni Ama ta do to,

2 Pite 1:8

Mamimin ori a ahapen nyo. Ta ori o iyan no peypeypangayan no kararalay nyo ni Kizisto, do kapakateneng nyo rana ji Yeso Kizisto a Panirsirngen ta.

2 Pite 3:18

Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.

1 Yowani 2:19

Sira rana omalalas ji Kizisto a tao am sya ji meyngongyod ori a omraralay ni Kizisto. Am ori o da rana ji macilovoci jyaten. O manoyong a omraralay ni Kizisto am macikaop sira jyaten. Am sya ji macikaop jyaten sicyaikwaya. Am ori o ta ipakateneng jira omalalas ji Kizisto.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.