Veydipi 3:7 - Seysyo No Tao

⁷ Am o ipanci ko no kakwa apiya am ko rana nilikodan a ko kararalay ni Kizisto sicyaikwaya.

Veydipi 3:7 ပူးပေါင်းရင်းမြစ်များ

Matay 16:26

Tana to na mimin o masaod no karawan na mahap a kaji na makahapan so to meyyonong a ikavyay no pahad na am ikongo peypeypangayan no akman sang. Ikongo pa o ipalit na pa so to meyyonong a ikavyay no pahad na.

Make 10:50

Am ori o mina to na walici no ayob na a katanek na a mangay do tangain ni Yeso.

Locya 14:26

“O mai jyaken a tao a kapahamahama da so inyapwan da kano kahanghangan da kano ananak da kano kakakteh da kano kataotao da ikaglaw am ji sira meyngongyod a abneken ko a macilolo jyaken.

Locya 14:33

Akman kamo so sang an. Ta no si likodan nyo o makakaday a vazay nyo am ori o ikanoyong nyo a macilolo jyaken.

Locya 16:8

Mamizing na no lawpan na am isaray na o lamlamsoy ori, do katey mapatak na a mangamaog so vazay a ipeypapyan na so kataotao na.” Maniring pa si Yeso am, “Ko pa ciring jinyo am o ji manaralay a tao sicyakwaya am akman sang o ahahapan da so vazay da. So ikateneteneng da kano manaralay a tao.

Nimlivolivon 27:38

Teyka namen rana koman am pipowa da rana o nimavezed a mogi, ta ihepaw da do avang.

Sipolay 11:26

Apyapyahen na pa o kapeyrarahet na mahap so vazay no Misayya. So nilikodan na do aro a peymeymasaodan da no tao do Ayci a pamoonen da jya. Ta anoyngan na o kapyapya na pa no peymeymasaodan ni Ama ta do to a itoro na jya.