Veydipi 3:20 - Seysyo No Tao

²⁰ Am yaten rana am italamozong na yaten ni Ama ta do to. So pananalan ta si Yeso Kizisto a Panirsirngen ta a meygegcin a apo do teyngato. Ta iya o mapatazadang jyaten do teyngato.

Veydipi 3:20 ပူးပေါင်းရင်းမြစ်များ

Matay 19:21

Maniring si Yeso am, “No si kakzeben mo o kapyapya na pa no ahahapan mo sya am to mo na mimina ipanazang o kangangay mo a ipanidong so makasi a tao. Ta ori iyan no kangangay mo do teyngato, a kapacilolo mo rana jyaken.”

Locya 12:21

Pakavosen ni Yeso o ciring na am ipanci na o, “Sira rana o yamanokoz no kataotao da so peymeymasaodan da am beken a katenngan a tao do tangain ni Ama ta do to o akman sang a tao an.”

Locya 14:14

Ta ori o ikapya mo, ta sira rana ori am abo patoplis da jimo. No mirwa a mavyay o pipya so nakenakem am patoplisan na ni Ama ta do to.”

Nimlivolivon 1:11

“Inyo rana a tao do Cyadidi am ikongo nyo ipeytatanek do jya a yatomangara so hanit. Ta si Yeso eya yakomaro rana jinyo a yamangay rana do teyngato am akman sang, ta mirwa pa meysinaoli do teyrahem a maciralay do cinalab.”

1 Kedinto 1:7

So yana ikabo no yana jya nitoro jinyo no Seyzi a oyowyat a kano teneteneng nyo, do nyo kapanala si Yeso Kizisto a Panirsirngen ta a mai.

1 Kedinto 15:48

O tao do teyrahem am akman sira si Adam so kataotao a nimapo do tana. O tao do teyngato am akman sira si Yeso so kataotao.

2 Kedinto 4:18

Namen jyakzan o macimalag do mata namen a monganay do karawan. Ta namen ikeykakza o yajyacita no mata. Ta ori rana am ji meyyonownay ori. Am o yajyacita no mata am to meyyonong ori.

2 Kedinto 5:8

So ikanoyong ta rana jyavokahaw a toda ji ngamaog so kataotao ta do karawan a mangay a macitovong ji Yeso a Panirsirngen ta.

Cyalatay 4:26

Am o mavakes a meyngaran si Salay am akma tey ina, do kakma ney mapehngehngay sya do Yelosaleng do teyngato a ji rana nalamozongan no iwawalam na ni Moyse.

Ivoso 2:19

Am ori an, ikabeken nyo rana kadwan a beken a tao do Yotay an. Ta tamo na mamimin a akma ney anak ni Ama ta do to a yakmey yasa ka vahay.

Ivoso 2:6

Na rana nipazasing yaten so inawan ji Yeso Kizisto a nimirwa a mavyay. So icyakma tey macikaop jya amyan do teyngato.

Veydipi 1:10

So ipakateneng nyo rana do ney yapiya na vazay. No si makman kamo sang am manoyong kamo na a ji meylimoteng so onowned a abo so karatan do araraw no ipirwa na mai ni Kizisto.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Kelosi 1:5

Ta no kavavayo nyo pa nimakamizing so Mapasaray a Ciriciring na ni Ama ta do to am to nyo na nganoyngi o itoro na jinyo ni Ama ta do to do teyngato.

1 Tesalonicya 1:10

So yanyo nanalan so Anak na si Yeso Kizisto a meygegcin a apo do teyngato. Si Yeso Kizisto am nivyay na ni Ama ta do to a nimapo do heseb na. Iya o yata pakahatasan so peyoyaoyyan na ni Ama ta do to no makwa.

1 Tesalonicya 4:16

Ta no si marateng rana o araraw no nang am meygegcin si Yeso a tomawag jyaten a keyyan no panirsirngen no tinsi a manci nyaten. No mamizing ta o zapa do teyngato a ipatao na jyaten ni Ama ta do to am o niomanoyong ji Kizisto a nimawakwak rana tao am manomanoma sira mirwa a mavyay.

2 Timotay 4:8

Am ori o na iyan no azaw ko apo ji Ama ta do to. Ta si mai rana o yamapeyyangangay a mapacici a Panirsirngen ta am itoro na rana jyaken. Am beken a yaken o torwan na nya. Ta itoro na ori do tao a amraralay nya kano somaray a amnanala sya a mai do teyrahem.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

Sipolay 12:22

Am inyo am kamo nimai do Sian a tokon. Ori rana am to meyyonong ori a yanan na ni Ama ta do to, akmey Yelosaleng do teyngato. Do dang rana am yajyavilangi o tinsi ni Ama ta do to amraralay nya.

Sipolay 9:28

Yakman sang si Kizisto a ipisa mapatanang so kataotao na a ivonas na so raraten no aro a tao. So ikeypisa na pa mai do teyrahem. Am beken a raraten o vazay na. Ta mangay na hapen sira o mapanala sya tao.

Ipaziman 1:7

Citahen nyo an, si Yeso Kizisto a maciralay do cinalab a mai an. Mamimin o tao a makacita sya, mangay do nimapadket sya do jyojika tao o makacita sya. So ikamimin no tao do karawan a malaw nya so onowned a makaranes do karawan. So ikanoyong no akman so sang.