Veydipi 3:2 - Seysyo No Tao

² Azimanen nyo sira o meyraraten a tao a omalalas do nanao na ni Ama ta do to. Sira rana am tao do Yotay a yamanci no kayongkad do kataotao.

Veydipi 3:2 ပူးပေါင်းရင်းမြစ်များ

Matay 24:10

Aro o tao a ji rana manaralay. O karwan da am masipatwatolin do kapanaralay da kaji da manaralayan. So ipeykaokaoya da rana omalalas so kadwan jira.

Matay 7:15

“Azimanen nyo o malas so ipangnanao a tao. Ta akmey apiya o ipangnanao da am jyakman sang, ta tey manginanawa sira a mangalalas so ciring.

Matay 7:6

“Ji norwan do ino o apya kanekanen, ta olin na imo a songiten. Jya to norwan do kois o vowawan, ta ingbeywan a saganeyan na.

Loma 2:28

Am sino manoyong a tao do Yotay a italamozong na ni Ama ta do to. Manngwa, nimyongkad do kataotao da? Beken a ori, ta o omanoyong jya tao am ori o italamozong na.

2 Kedinto 11:13

Sira rana mangalalas a tao am beken a meyngongyod sira a lamlamsoy ni Kizisto. Ta sira ji macipayok so icicirawat.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Cyalatay 5:15

Am no si akman kamo so omalalam a somongisongit so kadwan jinyo am jyabo kapya nyo a.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Veydipi 3:19

O mapeyvazay so sang a tao am mangay sira do kararatan. Ta o isovo da kanen o da naknakmen. Da azwazwain o yamacimanig a vazay. Da ji ngawawan o kasasaodan da do karawan.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.

1 Timotay 1:19

So peyhanhanan mo ni Yeso a kahap mo so apiya nakenakem mo. Ta amyan so tao a mapasala so nakenakem da. Am ori o ikatarek na no anoyngan da.

Tito 1:16

O akman rana sang a tao am o ciriciring da am akmey macyanoyong ji Ama ta do to. Am o aktokto da am ori o omalalas jya. So ikanoyong da pacioyyan na ni Ama ta do to, do kaji da ngahapan so nanao na. So ikabwata no apya vazay a peyvazain da.

2 Pite 2:22

Manoyong o ciring da no tao no kakwa. Ta maniring sira am, “O niota da no ino am mangay da olin a kanen.” Akman sang o kois, ta no teyka rana sira aryosen am meyoli pa sira marios do kahethetkan.

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.

Ipaziman 2:9

Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.

Ipaziman 21:8

Am sira rana manyahey a tao a kano ji nganoyong jyaken a tao a kano somagpyan a kano manwakwak a kano mangzakza so icyatatao da kano manlita no oyowyat ni Satan a kano manaralay so malas a iraralay a kano mangalalas a tao am amyan so akmey awa so karakorako a lila no apoy a omapanala sira. Ori rana am ipirwa kawakwak ori.”

Ipaziman 22:15

Am sira rana somagpyan a kano manlita no oyowyat ni Satan a kano mangzakza so icyatatao da kano mangap so tao a kano manaralay so malas a iraralay a kano jyanoyong so ciring a kano iwawalam am mamimin sira mavezed do pantaw no ili.

Ipaziman 3:9

Citahen nyo sira o kalavongan ni Satan a yamanci no yada ka tao do Yotay a yamangalalas. Ipanci ko sira mai a meylilitod do tangain nyo a kapakateneng da na jyaken a marilaw ninyo.