Veydipi 3:19 - Seysyo No Tao

¹⁹ O mapeyvazay so sang a tao am mangay sira do kararatan. Ta o isovo da kanen o da naknakmen. Da azwazwain o yamacimanig a vazay. Da ji ngawawan o kasasaodan da do karawan.

Veydipi 3:19 ပူးပေါင်းရင်းမြစ်များ

Matay 16:23

Meyvazingowngaw si Yeso am maniring ji Pite am, “Kazey mo Satan. Ta mo zazatan o ko pangonongan. Ta o nakenakem mo am beken a nakenakem ni Ama ta do to. Ta monganay do tao.”

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Locya 12:19

a kanakenakem ko sya do onowned ko so, Yajyarahet o aro a peymasaodan ko a. O yamasokoz do vahay ko am tana to ko na valivalyat do awawan a kakan so naknakmen am ikongo ikarahet ko pa.’

Locya 16:19

Maniring pa si Yeso am, “No kakwa pa am amyan so asa ka katenngan a tao. Mangday do araraw kapeyyayob na so pipiya ayob a kakan na so ney yapipiya a kanekanen.

Locya 18:4

Am to na nazibwan no mapacicici a tao. Meyratateng am manakenakem do onowned na am, ‘Tana ji ko manaralay a ji mapanadnad so icyatatao ko am,

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

Loma 6:21

O yanyo ipacimanig rana sicyaikwaya a vazay am nipeyvazay nyo na. Am ikongo o na kapyapyan no akman sang. Kangay nyo saon do kararatan no akman sang am.

1 Kedinto 3:3

Ta inyo rana am nyo pa pangozayan o icicirawat no tao. Ta amyan pa jinyo so yamanginanahet a kano yamgalagal a tao. O na ikakman sang am kakownongan na no nyo kapacikaop pa do karawan.

1 Kedinto 5:2

Ikongo dang o pazwain nyo. Manngwa, ji nyo a ratan so onowned o akman so sang so vazay a tao? Am ori o to nyo na pasyai so akman sang a tao.

1 Kedinto 5:6

Taosya o kapakazwazway nyo. Nyo jyatenngi o ciring a manci no, “O likta kosozi no odong am mapeymway na o rako a odong.”

2 Kedinto 11:12

So ji ko mirwai do akman sang a nakenakem ko a mahap so patodahen nyo jyaken. Ta izavat ko so pazwayan da so ciring da no mangalalas a beken a lamlamsoy ni Kizisto, do kabo no pacicingayan no vazay da jyamen.

2 Kedinto 11:15

Am ori o ji ta ngyaki no mangalalas a tao a peylamsoin ni Satan a akmey apiya so ciring. Ta to rana tenngi o pangavosan no vazay da no akman sang a tao pasingsingtan na ni Ama ta do to.

Cyalatay 6:13

Am sira rana a nimyongkad do kataotao da am da jyamimin o iwawalam na ni Moyse a yamahap. O da pancyan ninyo a amyongkad do kataotao nyo am da pazwain o kaniomamizing nyo sira.

Veydipi 2:21

O karwan no tao am o kataotao da o da naknakmen. Da jyanakem o vazay na ni Yeso Kizisto.

Kelosi 3:2

Makowyowyat kamo a amnakenakem so vazay do teyngato. So ikabeken a vazay do teyrahem no naknakmen nyo.

2 Tesalonicya 1:9

Am ori o pasyayan na sira do oyowyat na kano azwazway na. So ikanoyong da peydednan na no peyoyaoyyan na ni Ama ta do to a mangay do kaidan no karawan.

2 Tesalonicya 2:12

O ji nganoyong do manoyong a nanao a makza no raraten da am mamimin sira peydednan no peyoyaoyyan na ni Ama ta do to.

2 Tesalonicya 2:8

ori o ipeytotwaw na rana no tao a italamozong na ni Satan. No si mai si Yeso am ahahan na kazakat na rana kabwata na rana no oyowyat na ipeyzavozavoz na so tao.

1 Timotay 6:5

Ta ori o yapwan no kato da mangamaogan so malas a nakenakem a kano marahet a icicirawat da. O nakenakem da nira omraralay ni Ama ta do to am naknakmen da o kapeynizpi da nya.

2 Timotay 3:4

Ipacinginangina da o icyatatao da. Ji da naknakma o apiya ahapan da so vazay da. O ahapen da am mapakazwazway sira. Maharahara pa o sarasaray da so makakaday a vazay da a kani Ama ta do to.

Yake 4:16

Am ikeykongo kamo eya a yato mapahama so nakem a ji mangozay do nakenakem na jinyo ni Ama ta do to. O mapazway rana ya am malas ya a vazay.

2 Pite 2:1

No kakwa do Isedi am amyan so nimalas so ipangnanao a tao. Akman sang jinyo, ta no makwa am amyan so malas so ciring a tao. Sira rana am ipeylimwang da o iparai no pahad nyo ji Ama ta do to, mangay ji Yeso Kizisto a nimawakwak nira o alalasan da. Am o akman rana sang a tao am ji meyyahahay o kapeydedna na jira no oyaoyyan na nira ni Ama ta do to.

2 Pite 2:13

do kalas no vazay da do icyatatao da. O abneken da ney yapya na vazay am azwain da o kataotao da, abo so ji peyveyvazaya do maraw. So nyo ikanoyong a yamacikatamwad jira do da kapacizavoz jinyo. Ta sira rana am da isaray da kapanlita so tao.

2 Pite 2:3

Sira rana malas so ipangnanao a tao am mangamaog sira so ciriciring a ipeylimwang da ipangap da so apzapzatan no tao a ikadpeh jira. So iyan na rana no kakwa no oyyan na nira ni Ama ta do to. So ikanoyong da rana ji rana makasaway do pasingsingtan na jira ni Ama ta do to.

Yota 1:10

Am sira rana a malas so ipangnanao a tao ori am da to rehrehta o yada jyatenngi a vazay. So da icyakmey omalalam a ji makateneng do apya kano marahet. Ori rana o ipakasapa da so peyoyaoyyan na ni Ama ta do to.

Yota 1:16

Masangib sira meyoyaoya a ji makamyamya no peymeymasaodan da. Da to ngonongonongi o nakenakem da, mapakazwazway no ciring da. Apiya o ciring da a ipeha da do icyatatao da.

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.

Ipaziman 18:7

O nakenakem na meyhahama no kabsoy na kano kazwayan na am meyvoga rana o kakdekdeng no ipasingkad na jya. So ikabo no kavyavyayan na a meyrarahet. Ta o aktokto na so kataotao na am, ‘Amlisna ko do lilisnan no panirsirngen. Beken a vao ko. So ikabo no alalaw ko.’

Ipaziman 19:20

So nirakpan da so omalalam a kapazanod da so nimeyvazay so mapangyangyalak a makahaw a tao a rakpen. O makahaw a tao am nimeyvazay ori so mapangyangyalak a vazay a ipeykawad na so yanan no ipatotodo no omalalam a kano niomraralay no kamamagenan na tao. Omalalam rana kano makahaw a tao am niwalit na sira do akman so awa so karakorako a lila no apoy.

Ipaziman 21:8

Am sira rana manyahey a tao a kano ji nganoyong jyaken a tao a kano somagpyan a kano manwakwak a kano mangzakza so icyatatao da kano manlita no oyowyat ni Satan a kano manaralay so malas a iraralay a kano mangalalas a tao am amyan so akmey awa so karakorako a lila no apoy a omapanala sira. Ori rana am ipirwa kawakwak ori.”

Ipaziman 22:15

Am sira rana somagpyan a kano manlita no oyowyat ni Satan a kano mangzakza so icyatatao da kano mangap so tao a kano manaralay so malas a iraralay a kano jyanoyong so ciring a kano iwawalam am mamimin sira mavezed do pantaw no ili.