Veydipi 3:17 - Seysyo No Tao

¹⁷ Inarahen nyo yaken, manga kakteh an. Panginginaran nyo sira o yaominara jyamen a tao an, ta yanamen rana nipacita jinyo o manoyong a icicirawat namen.

Veydipi 3:17 ပူးပေါင်းရင်းမြစ်များ

Loma 16:17

Manga kakteh, o ko ivavaga jinyo am azimanen nyo sira o mangamaog so ciring a ipeyvwak da jinyo a iraherahet da so nakenakem da no amraralay ni Ama ta do to. Azimanen nyo sira o amlikolikod do manoyong a nanao a nimamizing nyo. Ta o akman rana sang a tao am ji nyo macikasngeni sira.

1 Kedinto 10:32

Am ori an, ji nyo mamyapyai no kapacinara da jinyo a meyraraten no tao do Yotay a kano beken a tao do Yotay a kano tao do peycyakyokyokayan na.

1 Kedinto 11:1

Inarahen nyo yaken a ominara si Yeso Kizisto.

1 Kedinto 4:16

Am ori o ko vavagan jinyo a ominara jyaken.

Veydipi 4:9

O nimamizing nyo a kano nimacita nyo a icicirawat ko am miminen nyo a peyvazain an. Ta ori o ipacitovong na jinyo no yamanta nyaten so ikapiya no onowned ta a si Ama ta do to.

1 Tesalonicya 1:6

Tana aro o alalaw nyo am kamo masaray a na sidongen no Seyzi a yamahap so ciriciring na ni Ama ta do to a yaominara si Yeso, akman jyamen a yajyamama no alalaw namen.

2 Tesalonicya 3:14

Ala amyan so tao a to nazibo no ciring namen do teygami. Am o akman rana sang a tao am azimanen nyo an. Ji kamo maciwalam jya an a kasnek na.

2 Tesalonicya 3:7

Jyabo nyo kaji makatenngan jyamen a inarahen a. Ta no keyyan namen pa jinyo do dang am jyabo kanimalma namen a.

2 Tesalonicya 3:9

O ikakman namen sang am beken a ikamo namen inyo a mapatodeh jyamen, am kapakanakem namen so kapeycitacita nyo jyamen a inarahen.

1 Timotay 4:12

Tana malavayo ka am apzatan mo o ciriciring mo a kano icicirawat mo a kano pangangarilawan mo so icyatatao mo. Akman sang o onowned mo. Ta peycitacittan da imo no omanoyong ji Yeso, kaji da rana ngolalai so ipangnanao mo.

Sipolay 13:7

Inarahen nyo sira o nimapalololo jinyo no kakwa a nimeylimwang no ciriciring na ni Ama ta do to. Ta no kapeyigegen da pa kangay na do nikawakwak da rana am yamamimin o vazay da omagaz do da kapeyhanhan ni Yeso. So inaran nyo so kakdekdeng da meyhanhan ni Yeso.

1 Pite 5:3

Taosya o kapeymetdeh nyo so nitoro na jinyo ni Ama ta do to a yaponged nyo a akma ney kagling. Ta peycitacittan da o apiya vazay nyo nira.