Veydipi 2:7 - Seysyo No Tao

⁷ Ta iya rana am na nipaveveh o na nyahapan sya a na kapyapya pa so na kakmey lamlamsoy a nimalikey a tao. So na icyakman jyaten a tao do karawan so kataotao.

Veydipi 2:7 ပူးပေါင်းရင်းမြစ်များ

Matay 12:18

“Cita kamo, ta iya rana am ko nipamnekan a lamlamsoy ko. So ko kaglawan nya. Ko sarayan nya. Itoro ko jya o Seyzi ko. Ipeylimwang na do tao o kapatazadang ko sira do teyngato.

Matay 20:28

Akman so Nipamnekan na ni Ama ta do to a tao. Ta o na nyai am beken a ilamnain no tao. Ta mapeylamnay so aro a tao a kangay na mapasansan so kataotao na yagag na sira do peyraratenan da.”

Make 9:12

Maniring si Yeso am, “Manoyong kapanmanma ni Idiya a mapeyyalalap so nakem no makaoya tao. Am ji da raralayan no tao. Am ikongo na idket do Seysyo no keyyan no rako a alalaw na no Nipamnekan na ni Ama ta do to a tao a kapeymakaro da jya no tao.

Locya 22:27

Omlisna koman a kano peylamlamsoin da tao am sino meyneynakem jira. O amlisna am ori. Am yaken rana am yako akmey kahanhanan nyo a tao.

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Loma 15:3

Ta si Yeso Kizisto rana am beken a o kataotao na o manakem na. Akman so ciring do Seysyo. Maniring am, “O avavay da jimo no tao am mai jyaken.”

Loma 15:8

Naknakmen nyo an, ta o na nyai ni Kizisto do teyrahem am sidongen na o tao do Yotay a makateneng do kanoyong na ni Ama ta do to a mangononong do mina ciring na do ineynapo da no kakwa pa.

Loma 8:3

O iwawalam na ni Moyse am ji na sidong yaten a komaro do peyraratenan ta. Ta cinatao ta o kapeyraraten ta. Am si Ama ta do to am ori o yanisomidong jyaten. Na nitovoy o Anak na a yamacingay so keyteytawan do tao do karawan a yanimawakwak no raraten ta. So ji na rana nalamozongi nyaten no raraten.

2 Kedinto 13:4

Tana yakmey yabo oyowyat na ni Kizisto do yada kanimapadket sya do jyojika am oyowyat na ni Ama ta do to o yanimapeyvangon sya. So namen ikakman sang akmey abo so oyowyat a yamacikaop ji Kizisto. Am no namen ioya inyo am oyowyat na ni Ama ta do to o namen pangozayan an.

2 Kedinto 8:9

Nyo na katenngan o pangangasyan ni Yeso Kizisto a Panirsirngen ta. Iya rana am abwata o kakzeben na an. Ta iya rana am tey meynakem do teyngato. Am na kapanadnad jyaten. So na ikakmey makasi a tao. Na apyapyahen pa o na katoda katawwan a yamapazanod jyaten do azwazway na do teyngato.

Cyalatay 4:4

Am marateng rana o araraw a nipamnekan na ni Ama ta do to am tovoin na rana o Anak na alavaten no asa ka mavakes a italamozong no iwawalam ni Moyse.

Veydipi 2:6

Ta si Yeso rana am Tao do to. Am na jyangai no nakem o kapeyyangay da kani Ama na a Tao do to.

Sipolay 12:2

To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

Sipolay 13:3

Manakem nyo sira o yamyan do pamemtengan a tao. Ta akma kamoy to macizanod jira aptengen da. Manakem nyo sira o peyrarehten da a tao. Ta akma kamoy to macizanod jira a peyrarehten da.

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.