Veydipi 2:4 - Seysyo No Tao

⁴ Beken a o kataotao mo o manakem mo an. Ta manakem mo o kapanidong mo so icyatatao mo an.

Veydipi 2:4 ပူးပေါင်းရင်းမြစ်များ

Matay 18:6

“No amyan so tao a tomirara so pakananaken da tao a meyraraten a kapeymakaro na jyaken am apyapya rana kato rana milan do zagaw na itbong do awa a wakwaken.

Loma 12:15

Macikasaray kamo do somaray a tao. Macikalavi kamo do amlavi a tao.

Loma 15:1

Yaten rana yamakdeng so onowned ji Ama ta do to am sidongen ta sira o yapa malma so onowned ji Ama ta do to, kabo rana no ikarahet da do vazay ta. Ta beken a kataotao ta o naknakmen ta.

1 Kedinto 10:24

Taosya o kato ta manginanodan so apyahen ta no nakem. Ta panadnaden ta o icyatatao ta.

2 Kedinto 11:29

Ta sino ji ko ingenen no onowned a malma so onowned. Sino ji ko a zababan so onowned a meyraraten a tao.

2 Kedinto 6:3

Namen ji mapeyvazay so marahet a vazay a tamwadan da jyamen no tao. Inaoy no si ji namen meyvazay so marahet a vazay a ikazazat do tao a omonot ji Ama ta do to.

Veydipi 2:21

O karwan no tao am o kataotao da o da naknakmen. Da jyanakem o vazay na ni Yeso Kizisto.

Yake 2:8

No si manoyong kamo a mangozay do ciring do Seysyo am, “To mo mangozai o aryarilaw mo so kataotao mo a marilaw no icyatatao mo.” Ta ori rana am ney makdeng na a iwawalam na ni Ama ta do to. No si peyvazain nyo ori am manoyong kamo na so ahahapan sya.