Veydipi 2:29 - Seysyo No Tao

²⁹ Am ori an, isaray nyo a tomaotao sya, do nyo kakmey meyketeketeh do cinai. So kanigan nyo no akman sang a tao an.

Veydipi 2:29 ပူးပေါင်းရင်းမြစ်များ

Locya 9:5

No ji da naotawwa inyo am karwan nyo o ili da katoktok nyo so tana do ai nyo. Ta itovil nyo jira meyraraten a tao a ji mamlis so nakenakem.”

Yowani 13:20

To ko na macitangayan jinyo am o tomaotao so nitovoy ko am yaken o taotawwen da. O tomaotao jyaken am si Ama ta do to o taotawwen da, ta iya o yanitomovoy jyaken.”

Nimlivolivon 2:46

So ipangday da mangay a malwalovot do rako a panaralayan a meyyangangay so nakenakem. So ikasasaray da no onowned a koman so pang do kavahayan da. So icyakman da sang a mahahanghang do kanen da,

Nimlivolivon 28:10

Nimacipinda no kanang o kanig da nyamen no tao. Karwan namen rana sira am aro o apzapzatan a nitoro da jyamen a paciralayan namen a mangay do asa ka avang.

Nimlivolivon 8:8

So ikasasaray da no tao do dang.

Loma 10:15

No abo nitovoy na a tao am makongo so wanjin a meylimwang o ciriciring na. Ta maniring do Seysyo am, “Yatey yapya o da kapakaranes a yameylimwang no Mapasaray a Ciriciring na ni Ama ta do to.”

Loma 16:2

Taotawwen nyo ori an, ta ori o vazay ta akmey meyketeketeh do cinai. No amyan so kakzeben na am sidongen nyo. Ta iya rana ori am ney makdeng a nisomidong so aro a tao. So nisidongan na jyakehen.

1 Kedinto 16:10

No si mangay si Timotay jinyo dang am taotawwen nyo an, a kapiya na no onowned na an. Ta yanamen meyyangay a yamahap so vazay na ni Ama ta do to.

1 Kedinto 16:18

Tana yaken a tana inyo am tamo meyyangay a yasomaray nira. O akman rana sira ya am ikanig nyo sira ya an.

2 Kedinto 10:18

Ta o ipanci na ni Ama ta do to apya so vazay am ori o manoyong a azwazwain. Ta o mapazway so kataotao na am ji na narayan ni Ama ta do to o akman sang.

2 Kedinto 7:2

Inarahen nyo yamen so nakenakem jinyo an. Ta abo namen nirahet no kangangay do kadwan jyaten. Yabwata asa ka tao namen nilittan no ciring namen.

Veydipi 2:28

Am ori o ko naknakman so kakeykai ko rana tomovoy sya do vahay da. So ikasasaray nyo a macikaop rana jya. So ikapyapya na rana no akman sang.

Kelosi 4:10

Na ipeyminaminasi inyo no yako kararay a yada aptengen do jya si Aditako. O kateysa ni Parnapo a meyngaran si Make am yakman sang a yameyminaminasi ninyo. Si Make rana am nipanci ko na o kapeyseysan nyo pa sya si mangay jinyo do dang.

1 Tesalonicya 5:12

Namen ipacimeseseg jinyo manga kakteh am ikanig nyo pa sira o meyyapwaponged no kyokay a nipamnekan na ni Ama ta do to. Ta sira rana am da vavagan inyo no icicirawat no omraralay ni Yeso Kizisto.

1 Timotay 5:17

O tomalamozong rana no kyokay a tao a makateneng do ahahapan da so vazay da do kyokay a yamowyat a meylimwang no ciriciring na ni Ama ta do to a kano mateneng amnanao so sinjya am ikanig nyo sira, kapanta nyo nira so apyahen da no nakem.

Sipolay 13:17

Onotan nyo o makayokod ninyo a tao do kyokay. Amizngen nyo o ciring da. Ta sira rana am da peyveyveknen o pahad nyo, do da kahap so vazay ni Ama ta do to. No si amizngen nyo sira am masasaray sira mahap so vazay ni Ama ta do to. Am no si ji nyo ngamiznga sira am meyngen o onowned da. No si akman sang am jyabo kapya nyo a.

3 Yowani 1:10

No si mai ko am patwawen ko o mina vazay na, do kanimangamaog na so iraherahet na jyamen a ciring. Beken a orii o na nikarehtan. Ta iya rana am na ji naotawwa sira o akma ney kakteh do cinai a meylimwang no Ciriciring na ni Ama ta do to a na ioya sira a yapagcinen do kyokay o yatomaotao sira tao.