Veydipi 2:2 - Seysyo No Tao

² No kamo nimeypahagnat am ko kakzeben inyo akmey yasa so anodan a kano pangangarilawan a kano nakenakem. Ta ori o ikanoyong ko na a somaray so onowned.

Veydipi 2:2 ပူးပေါင်းရင်းမြစ်များ

Yowani 3:29

Akman so meysinmo a tao. No mapasakay o tao am masaray sira o kagagan na makamizing sya. Am o nitomamtamek jya tao o angayan no mavakes ang. Yaken rana am yako akman so kagagan na yatey masaray a makamizing sya.

Nimlivolivon 1:14

Mangday sira meylovolovot a meynozi a kano mavavakes. Amyan pa jira si Madiya ina na ni Yeso a kada wari na ni Yeso a mahakay.

Nimlivolivon 2:1

Marateng rana o araw no Osinci am meylovolovot sira o amraralay ni Yeso do asa ka vahay.

Nimlivolivon 2:46

So ipangday da mangay a malwalovot do rako a panaralayan a meyyangangay so nakenakem. So ikasasaray da no onowned a koman so pang do kavahayan da. So icyakman da sang a mahahanghang do kanen da,

Nimlivolivon 5:12

Aro mapeyzokab a vazay da no nipamnekan na ni Yeso a omlivolivon no ciriciring na a nimacita da no taotao. Mangday sira so araraw o omraralay ni Yeso a malwalovot do macinapnap do rako a panaralayan a ngaranan da so Vahay na ni Solomen.

Loma 12:16

Peyyangangain nyo o tao a sidongen. Ji nyo pahama o nakenakem nyo, ta pehbowen nyo o nakem nyo. Ji kamo mapakateneteneng.

1 Kedinto 1:10

Manga kakteh, ko vavagan inyo no ngaran ni Yeso Kizisto a Panirsirngen ta akmey asa so ciriciring a ji meykataretarek so nakenakem a malwalovot, akmey asa so onowned, akmey asa so pangozayan.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

2 Kedinto 2:3

Am ori an o ko nipeyteygamyan ninyo, ta maraherahet o karahet nyo so aktokto no si makaranes ko jinyo. Ta yako ipeyhanhan inyo a yamapasaray jyaken no si mangay ko jinyo do dang. Ta ko anoyngan o sarasaray ko a sarasaray nyoo.

2 Kedinto 7:7

Beken a na kai do jya an. Ta aro o ciring na a nipanci na jyamen do kanimapait nyo sya a kapanci nyo no kakzan nyo nyaken a macita, keyngen nyo so onowned a makanakem so marahet a vazay nyo no kakwa. So nyo ikanoyong a mahap so vazay ko. Ori o ko sarayan no akman sang jinyo.

Veydipi 1:4

Yako masaray so onowned a meynozi ninyo.

Veydipi 2:16

a kapakateneng da do ciriciring na ni Ama ta do to a manta nira so to meyyonong a ikavyay no pahad da. Ta no si akman kamo sang am amyan rana so kakownongan no zikzikna ko jinyo no si marateng o araraw no yai na ni Kizisto.

Veydipi 2:20

Ta iya ori o yamacizanod jyaken so onowned a yamanoyong a yamarilaw ninyo.

Veydipi 4:2

Inyo rana yararwa akma nameney kakteh do cinai a mavakes a meyngaran so Yoati a kani Sentihe am to nyo peykabobwa o raraten nyo do kadwan jinyo.

Kelosi 2:5

Tana ko ji ngyan jinyo do dang am cyaha, ta yamyan jinyo o onowned ko. So ko ikasaray a yamakanakem jinyo a mowyat so onowned a meyhanhan ni Kizisto.

2 Tesalonicya 2:13

Inyo rana manga kakteh a na ikarilaw ni Ama ta do to am namen masangib inyo a isaray ji Ama ta do to. Ta no kaji na pa amaogan no karawan am nipamnekan na rana inyo ni Ama ta do to a ahapen. So nyavaywan na so onowned nyo no Seyzi a kowyat na jinyo a omanoyong do nanao na ni Ama ta do to.

2 Timotay 1:4

Ta ko manakem o kato mo na meykaooi asyo a pacisyayan ko. So ko toda ji ngamogi so kakeykai ko a makacita jimo. Ta jyabo kaji ko narayan a makacita jimo a.

Veydimeng 1:20

Am ori o karilawan mo nyaken, mo Veydimeng, do ta kararalay ni Yeso Kizisto. So sidongan mo jyaken a pasarain so onowned.

2 Yowani 1:4

Ko masaray a yamakateneng do na keyyan do ananak mo no yamanoyong a yaomonot do nanao na ni Ama ta do to.

3 Yowani 1:4

Mamizing ko inyo manganako a mangozay do nanao ni Ama ta do to am ji ko rana tenngi o sarasaray ko.