Veydipi 2:18 - Seysyo No Tao

¹⁸ Akman kamo sang an. No somaray kamo am manakem nyo yaken a macizanod jinyo a somaray an.

Veydipi 2:18 ပူးပေါင်းရင်းမြစ်များ

Ivoso 3:13

Am ori an o ko pakotokotan pa sya jinyo. Taosya o kahaha nyo so nakem do iyan no alalaw ko. Ta o akman sang am isaray nyo o mina kapeylimwang ko no ciriciring na ni Ama ta do to jinyo.

Veydipi 2:17

O raralayan nyo ni Ama ta do to am akmey nakem nyo a patanangen nyo jya. Tana wakwaken da rana yaken a pavoyogen so rala am cyaha, ta akmey nakem ko rana ori a patanangen ko ji Ama ta do to. So ko isaray, ta macizanod kamo jyaken a somaray.

Veydipi 2:19

No si apyahen na ni Yeso a Panirsirngen ta am makeykai ko a tovoin si Timotay a mangay jinyo do dang. So ipakateneng ko do vazay nyo do dang.

Veydipi 3:1

O ney manowji a ciring ko jinyo akma koy kakteh do cinai am somaray kamo, ta kamo macikaop rana ji Kizisto. So yako papirwan pa so mina ciring ko jinyo no kakwa pa. Ta beken a ikarahet nyo, ta ipeypapya nyo ori.

Veydipi 4:4

Mangday kamo do araraw a somaray a yamacikaop ji Yeso. So papirwan ko pa sya ipanci jinyo an. Somaray kamo an.