Veydipi 2:16 - Seysyo No Tao

¹⁶ a kapakateneng da do ciriciring na ni Ama ta do to a manta nira so to meyyonong a ikavyay no pahad da. Ta no si akman kamo sang am amyan rana so kakownongan no zikzikna ko jinyo no si marateng o araraw no yai na ni Kizisto.

Veydipi 2:16 ပူးပေါင်းရင်းမြစ်များ

Matay 10:27

O ko ipanci jinyo a ji da mamizing no karwan no tao am ipeylimwang nyo do aro a tao.

Locya 12:8

“Ko pa ciring jinyo am omanoyong jyaken do tangain no tao am anoyngan ko ori do tangain ni Ama ta do to a kano aro a tinsi.

Yowani 6:63

O yamanta no tao so to meyyonong a ikavyay no pahad na am Seyzi. So ikabo no oyowyat no tao a ipakahap sya. O ko ipanci jinyo a ciriciring am apo do Seyzi na ni Ama ta do to. Ori rana am ikavyay ori.

Yowani 6:68

Maniring si Simong Pite am, “Mo Panirsirngen, imo saon na yanan no nanao no to meyyonong a ikavyay no pahad namen. Sino pa o pacilolwan namen.

Nimlivolivon 13:26

Maniring pa jira si Pawlo am, “Manga kakteh a sivosivovoong na ni Apolahan a ka ninyo a yamraralay ni Ama ta do to a beken a tao do Yotay, yaten o nipeylimwangan na no ciriciring a omagaz do kapatazadang na jyaten do teyngato ni Ama ta do to.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

1 Kedinto 9:26

Am ori o ko to mangononongi do ko kapalalayo, akman so maciopaopag do icyatatao, ta ji na to pazazaba o opaopagan na sya.

2 Kedinto 1:14

a kapiya na rana no nakenakem nyo jyamen. No si akman sang do araraw no yai na ni Yeso a Panirsirngen ta am jyabo kaji nyo azwayan jyamen a. So ikakman namen sang a zomwazway jinyo.

Cyalatay 2:2

O yangay ko do Yelosaleng am onotan ko o ciring na ni Ama ta do to a manci nya do panipanirsirngen no kyokay so mina vazay ko no kapeylimwang ko no Mapasaray a Ciriciring na ni Ama ta do to do beken a tao do Yotay. Ta ji ko mamyapyan o kapanci da no vazay ko ji Ama ta do to no kakwa a kasicyakwaya abo so peypeypangayan.

Cyalatay 4:11

So ko kalawan ninyo an, do na kakmey meyyopowpas a cinalab no ninanao ko jinyo no kakwa.

Veydipi 1:10

So ipakateneng nyo rana do ney yapiya na vazay. No si makman kamo sang am manoyong kamo na a ji meylimoteng so onowned a abo so karatan do araraw no ipirwa na mai ni Kizisto.

Veydipi 1:6

Ko anoyngan o na kapeyvazay do onowned nyo ni Ama ta do to icyakma ney kanapnapan a ovid. Jyabo kakavos no nya vazay na jinyo a mangay no si komavos o akman sya no si ipirwa pa mai si Yeso Kizisto.

1 Tesalonicya 2:19

Ta inyo o hanhan namen a yamapasaray jyamen. Si meygegcin si Yeso Kizisto a Panirsirngen ta am sino o ipakazwazway namen no jya inyo.

1 Tesalonicya 3:5

Am ori o ko nitovoyan si Timotay a mangay jinyo. Ta ko ikasinalaw inyo. O ko nitovoyan sya am ipakateneng namen do nakenakem nyo si Ama ta do to. So namen ji nganoyngi jinyo a na nilittan rana ni Satan. Ta no si manoyong o akman sang am akma nameney jya ninanao inyo no kakwa pa.

Sipolay 4:12

O Ciriciring na ni Ama ta do to am tey rako o oyowyat na. So ikowyowyat na pa kano matarem a takzes a to makatjip so asisi a kano totowang. So ikakman na sang so kowyowyat no Ciriciring na ni Ama ta do to a makateneng do onowned a nakenakem no tao.

1 Pite 1:23

Ta inyo rana am yamyan rana jinyo so to meyyonong a Ciriciring ni Ama ta do to a ikavyay no pahad nyo.

1 Yowani 1:1

Namen padketen do teygami eya o Ciring a yapwan no to meyyonong a ikavyay no pahad. Ori rana am Ciring na ni Ama ta do to a nimeycicinda a nimyan no kakwa. Nimamizing namen rana o ciring na. Nimacita namen rana ori. So na ikanoyong no kanimakacita namen sya do kanimacihza namen jya no keyyan na do teyrahem. Iya rana am si Yeso Kizisto.

Ipaziman 22:17

Maniring o Seyzi a kano Macivahavahay a mavakes am, “Mai ka na.” O makamizing sya tao am akman kamo sang a manci no, “Mai ka na.” Mai kamo a yamawaw a tao. O makza nya am mai mai rana a omyop so ranom a yapwan no to meyyonong a ikavyay no pahad. Am ori rana am abo o ngina na.