Veydipi 2:14 - Seysyo No Tao

¹⁴ O makakaday a vazay nyo am ji nyo a ratan. Ji nyo a zyakan.

Veydipi 2:14 ပူးပေါင်းရင်းမြစ်များ

Matay 20:11

Mahap da o nizpi da am maoya sira so aktokto.

Make 14:5

Jingbeywani o yatey masingat a haneng ang. Apyapya rana o kapamalit nya so nizpi a ipanidong so ikasi a tao am.” Am ori o nioyyan da no mavakes ang.

Make 9:14

Meysinaoli rana sira a macilovot do karwan da macinanao ji Yeso am macita da o aro a tao a omlimot sira. Am no kanang am macinekanekad sira o mangnanao no iwawalam ni Ama ta do to do macinanao ji Yeso.

Locya 5:30

Ori o nikazyakan da nya no tao a macyagom do Vadisay a kano mangnanao no iwawalam ni Ama ta do to. Am ori o nipancyan da nya do macinanao ji Yeso so, “Ikongo nyo ipacihanghang do mangangap so deyking a kano aro a meyraraten a tao.”

Nimlivolivon 15:2

Si Pawlo a kani Parnapo am nimakdeng sira nimacigalagal jira do akman sang a malas a nanao. Am ori o nipamnekan da ji Pawlo a kani Parnapo a kano tatasa ka sinjya a mangay do Yelosaleng a macisirsiring nya do nipamnekan ni Yeso a omlivolivon no ciriciring na kano panipanirsirngen do kyokay.

Nimlivolivon 15:39

Am ori o ji da nimacipasovoi do vazay da. Karahan am to sira meysyay rana. Si Parnapo rana am nipalolo na si Make a mavang do avang a mangay do Saypolose a pongso.

Nimlivolivon 15:7

So nikownay da nimeysirisiring. Meyratateng am meytatanek si Pite. Maniring jira am, “Manga kakteh, nyo katenngan yaken a na nipamnekan ni Ama ta do to a mangay a mapamizing so beken a tao do Yotay no Mapasaray a Ciriciring.

Nimlivolivon 6:1

No kanang rana am meyparo sira omraralay ni Yeso. Am amyan so tao do Yotay a mapeyciring so ciring da no Sila a meyoyaoya. Ta ikarahet da sira o tao do Yotay a mapeyciring so ciring da no Sipolay. Ta ano meyvonong sira so isidong da sira am ji da pa vononga sira o vao a mavakes a meyzezyak so ciring da no tao do Sila.

Loma 12:18

Makapya kamo so nakenakem do icyatatao nyo.

Loma 14:1

O malma pa so onowned ji Ama ta do to a tao am makapya kamo jya so nakenakem an. Tana macitarek o ahahapan na sya am ji nyo a zyakan.

Loma 16:17

Manga kakteh, o ko ivavaga jinyo am azimanen nyo sira o mangamaog so ciring a ipeyvwak da jinyo a iraherahet da so nakenakem da no amraralay ni Ama ta do to. Azimanen nyo sira o amlikolikod do manoyong a nanao a nimamizing nyo. Ta o akman rana sang a tao am ji nyo macikasngeni sira.

1 Kedinto 10:10

Ji tamo nginara sira o yatatasa ka tao a meyoyaoya do tangain na ni Ama ta do to. Ta o meyoyaoya a tao no kanang am nibalinas na sira no tinsi na ni Ama ta do to.

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

Cyalatay 5:15

Am no si akman kamo so omalalam a somongisongit so kadwan jinyo am jyabo kapya nyo a.

Cyalatay 5:26

Ji ta mapahama so nakem. Ji ta pasozisozya o kadwan jyaten. Ji ta manginanahet.

Veydipi 2:3

Ji nyo pakaranga o nakenakem nyo an. Ji nyo akzan o keynakem nyo a tao an. Ikanig nyo o kadwan jinyo an. Naknakmen nyo o keyyan no tao a apyapya pa ka ninyo an.

1 Tesalonicya 5:13

So karilawan nyo nira ahapen so vazay an. Makapiya kamo so nakenakem do kadwan jinyo an.

1 Tesalonicya 5:15

Azimanen nyo an. Ji nyo patonggali o macioya jinyo a tao an. O kapasicyakarilaw nyo. O tey kakza da vazay no icyatatao nyo am peyvazain nyo.

Sipolay 12:14

Makowyowyat kamo pa mapeypyapya so nakenakem nyo a kano tao. Ahapen nyo o ji meylimoteng a onowned nyo a macikaop jira. No abo o akman sang jinyo am abo jinyo o makacita si Ama ta do to do teyngato.

Yake 1:20

No meyoyaoya o tao am ji na rana tenngi a peyvazain o apya vazay a isaray na ni Ama ta do to.

Yake 3:14

Am no si amyan do onowned nyo so manginanahet a kano masicyakaoya kano mararaten am ji kamo na mapazway so nakem. Taosya o kapakateneteneng nyo.

Yake 5:9

Ji nyo oyyan o kadwan jinyo, manga kakteh an, ta ioya na inyo ni Ama ta do to. So na rana ikakeykai a mai no yamapeykapyapinpin jyaten a Panirsirngen ta.

1 Pite 3:11

Ney yapya na am peymakarwan na o marahet a vazay na a kasazap na so apiya vazay. To na noiban do karawan o kapiya na so nakem do icyatatao na.

1 Pite 4:9

Masaray kamo a tomaotao so omatao jinyo a tao. Taosya o kaoya nyo so aktokto a amrapong sira.

Yota 1:16

Masangib sira meyoyaoya a ji makamyamya no peymeymasaodan da. Da to ngonongonongi o nakenakem da, mapakazwazway no ciring da. Apiya o ciring da a ipeha da do icyatatao da.