Veydipi 2:1 - Seysyo No Tao

¹ Manngwa, yanikarapa do onowned nyo o yanyo ipacikaop rana ji Kizisto an? Manngwa, yanikait jinyo o pangangarilawan na an? Manngwa, nyo katenngan o Seyzi a yasomidong jinyo an? Manngwa, nyo ikarilaw o kadwan jinyo an?

Veydipi 2:1 ပူးပေါင်းရင်းမြစ်များ

Locya 2:25

No kano nang do Yelosaleng am amyan so asa ka tao a meyngaran si Simoyang. Iya rana ori am makdeng so nakenakem ji Ama ta do to a oyatan no Seyzi. So to na pananalai so makayokod no Isedi a tao.

Yowani 14:18

“Ji ko mamyapyan inyo a akmey minaminasbang, ta meysinaoli ko pa jinyo.

Yowani 14:27

Ko itoro jinyo o ikapiya no onowned nyo. So na ikanoyong a yapo jyaken no apiya onowned nyo. Am meytarek ori a kano ipanci da no tao do karawan ikapiya no onowned. Am ori an, ji nyo a raci so onowned. Ji kamo anyahey.

Yowani 17:13

“Sicyaikwaya am ko na mangay jimo. Ko na nipanci o aro a vazay eya do yako iyan pa do karawan. So ikanoyong da masaray so onowned do kapasaray ko sira.

Nimlivolivon 2:46

So ipangday da mangay a malwalovot do rako a panaralayan a meyyangangay so nakenakem. So ikasasaray da no onowned a koman so pang do kavahayan da. So icyakman da sang a mahahanghang do kanen da,

Nimlivolivon 4:32

Omraralay rana ni Yeso a tao am meyyangangay o onowned da. So ikabo no asa ka tao a maveyvow do kangangay na, ta akma dey todalovoci apzapzatan.

Loma 5:5

do kapeyhanhan ta ni Ama ta do to a mangononong do mina ciring na jyaten. Ta o Seyzi a nitoro na jyaten ni Ama ta do to am ori o yaomoyat do onowned ta a makateneng ta do pangangarilawan na ni Ama ta do to.

Loma 8:26

Akman sang, ta no myan so alalaw ta am na sidongen yaten no Seyzi. No ji ta teneng a mapasyasi ji Ama ta do to am na rana to mapasyasyan nyaten no Seyzi no ji ta tenngi a patwawen a ciring.

1 Kedinto 12:13

Am ori o tana tao do Yotay ta, tana beken a tao do Yotay ta am tana lamlamsoy da yaten am tana to ta ngonongonongi o vazay ta am cyaha. Ta tamo na nimamimin a nitaktakan no Seyzi. So ta icyakmey yasa ka tao so kataotao a yana italamozong no yasa ka Seyzi.

1 Kedinto 15:31

Manga kakteh, ko mangday so araraw a yatoda jyangangay so inawan. Yamanoyong ori o ciring ko jinyo an. Ta yako tey saray nyo kapacikaop rana ji Yeso Kizisto a Panirsirngen ta.

1 Kedinto 3:16

Manngwa, nyo jyatenngi o na kapacilovot jinyo ni Ama ta do to? Manngwa, nyo jyatenngi na keyyan jinyo no Seyzi?

2 Kedinto 13:14

Inaoy no si macitovong jinyo o pangangasyan ni Yeso Kizisto a Panirsirngen ta kano pangangarilawan na ni Ama ta do to a kapzat na jinyo no Seyzi.

2 Kedinto 2:14

Am yako isaray ji Ama ta do to, ta yata na macikaop ji Yeso Kizisto. Ta na niharag rana ni Yeso Kizisto o raraten. So ta ikanoyong rana a macizanod ji Kizisto a nimakata. So da ipakateneng rana ji Yeso no tao, do ta kalivolivon no Mapasaray a Ciriciring na ni Kizisto.

Cyalatay 4:6

O nitovoyan na sya jinyo ni Ama ta do to so Seyzi ni Kizisto am kamo meyngongyod rana akma ney anak. Am ori o nyo jyanigi a yatomawag ji Ama ta do to a Ama nyo.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Ivoso 4:4

Ta yaten rana yamraralay ni Yeso am yata akmey yasa so kataotao. Yasa o Seyzi a yamyan jyaten a yasa so ipeynanakem a yameyhanhan ni Ama ta do to a yanimapanop jyaten.

Veydipi 1:8

Katenngan na ni Ama ta do to o karilaw ko ninyo no pangangarilawan na ni Yeso Kizisto do kapaw ko ninyo. So ikanoyong no nya ciring.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.

Kelosi 2:2

O ko ikakman sang am ko kakzeben o kasaray nyo so onowned a masicyakarilaw. So ikapinpin na no nang a ko tey kakza inyo a manoyong rana makateneng do nanao ni Ama ta do to a omagaz ji Kizisto.

Kelosi 3:12

Si Ama ta do to o yamarilaw ninyo a nimamnek jinyo a akma ney anak. Am ori o ipangarilaw nyo a mapanalawbo so aktokto nyo, ta kapiya nyo so nakem do tangain no tao a jyahayo so onowned.

Sipolay 6:18

a ipadnadna na so nakem ta a yameyhanhan nya. Ta iya rana am jyabliblis o ahahapan na sya.

1 Pite 1:2

Nakenakem na ni Ama ta do to o yana kanimapanop jinyo a omanoyong ji Yeso. So yanyo ikanoyong rana a yana nyavayo no Seyzi so onowned a yaomonot ji Yeso Kizisto, do kanimvonas na so raraten nyo no rala na. Inaoy si arakorako pa o pangangarilawan na kano apiya onowned nyo a itoro na jinyo ni Ama ta do to.

1 Yowani 3:24

O tao a omonot do ciring na ni Ama ta do to am manoyong o akman sang a macikaop ji Ama ta do to. So icyakman na sang ni Ama ta do to a macikaop jya. O ta ipakateneng ji Ama ta do to a yamacikaop jyaten am Seyzi a yamacitovong jyaten.

1 Yowani 4:12

Abo tao a nimakacita si Ama ta do to. Am no si masicyakarilaw tamo am manoyong kapacikaop na jyaten ni Ama ta do to, do kanoyong ta na mapatwaw so pangangarilawan na.

1 Yowani 4:16

Tamo anoyngan na karilaw nyaten ni Ama ta do to. Ta si Ama ta do to am yapwan no pangangarilawan. O yanan no pangangarilawan ni Ama ta do to a tao am macikaop ji Ama ta do to. So icyakman na sang ni Ama ta do to a macikaop jya.