Veydipi 1:30 - Seysyo No Tao

³⁰ akman so nimacita nyo rana do kataotao ko a kano nimamizing nyo. So yana to ngaii sicyaikwaya.

Veydipi 1:30 ပူးပေါင်းရင်းမြစ်များ

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Veydipi 1:13

Am ori o da ikaro no mamzat a tao do vahay no panirsirngen eya kano aro a tao do jya do Loma a yamamimin a yamakateneng jyaken a nipteng da do kahap ko so vazay na ni Yeso.

Kelosi 1:29

Am ori an o ko ikowyat a yameyvazay a ji macimazikna do vazay a mangozay do na kaniomoyat jyaken ni Kizisto a yanitomoro no vazay na jyaken.

Kelosi 2:1

Inaoy si katenngan nyo yaken a tao do Kelosi a ka ninyo a tao do Lawticya a mowyat a meynozi ninyo a kano aro a tao a ji ko pa nimacita.

1 Tesalonicya 2:2

Nyo katenngan an, ta no kaji namen angayan pa jinyo do dang am amyan rana so alalaw namen do kapeymetdeh da jyamen do Veydipi a ili. Am na mina kapanta nyamen so oyowyat ni Ama ta do to. So namen jyanyahei no meykamadadayan a da izazat jyamen a yameylimwang no Mapasaray a Ciriciring na ni Ama ta do to jinyo.

1 Timotay 6:12

Makowyowyat ka omahap so vazay na ni Yeso akman so macipalayolayo a komakzeb so kangay na do pacipanmanma na. Ji mo to nazibwan o nitoro na rana jimo a to meyyonong a ikavyay no pahad mo. Ta ori o na agagazan no na nipamnekan jimo ni Ama ta do to. So mo na nipeylimwangan no nang do tangain no aro a tao. So ikanoyong no akman sang.

2 Timotay 4:7

O vazay ko rana ji Ama ta do to a na nitoro jyaken am ko na nimamimin a nipateyka nipeyvazay. Akman so malalayo a tao a omtad rana malayo. So ko rana nimiminan so manoyong a nanao a nyahap.

Sipolay 12:1

So yada ikatey yaro no tao a ta rana nimacita so kakdekdeng a meyhanhan ni Ama ta do to no kakwa. Am ori an o akasan ta na so makakaday a ikasengseng jyaten a kano raraten ta yakmey omvaod jyaten a kowyat ta so onowned a akman so malayo a ji macimaza do palaywan na angayan.

Sipolay 12:4

Ta kamo pa ji nimangay so inawan a yamacilimaliman ji Satan a yamapeyraraten jinyo.

Ipaziman 12:11

O rala no Kagling a kano nipeylimwang da a nanao ni Ama ta do to am ori o da niharag so kamolay. So ikanoyong da yaji hawa no yada kaliman.