Veydipi 1:27 - Seysyo No Tao

²⁷ O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

Veydipi 1:27 ပူးပေါင်းရင်းမြစ်များ

Matay 12:25

Katenngan na ni Yeso o keyleylamdam da sya. Maniring jira am, “Abwata asa ka mahataw a macizakazakat. So icyakman na sang no asa ka vahay a ji macizakazakat.

Nimlivolivon 2:46

So ipangday da mangay a malwalovot do rako a panaralayan a meyyangangay so nakenakem. So ikasasaray da no onowned a koman so pang do kavahayan da. So icyakman da sang a mahahanghang do kanen da,

Nimlivolivon 24:24

Kadadayan na so araraw am mai sira Veydise a kano mavakes na a tao do Yotay a meyngaran so Tosila a omrara si Pawlo a manci no peypeypangayan na no kanoyong na ji Yeso Kizisto.

Nimlivolivon 4:32

Omraralay rana ni Yeso a tao am meyyangangay o onowned da. So ikabo no asa ka tao a maveyvow do kangangay na, ta akma dey todalovoci apzapzatan.

Loma 1:16

Ko ipeyhanhan o Mapasaray a Ciriciring na ni Ama ta do to. Ta ori rana am oyowyat na ni Ama ta do to a omahap so omanoyong jya tao do kapyapyan. Oya rana am manmanma a nipeylimwang do tao do Yotay a kapacitonton da no beken a tao do Yotay.

Loma 1:5

Am ori o ko pangozayan do ngaran na a yamahap so vazay na yamapanop so tao a yaomanoyong ji Yeso Kizisto do peycyamahamahatawan na,

Loma 1:9

Na katenngan ni Ama ta do to o ko kasangib a yameynozi ninyo, do yako ikowyat a yamahap so vazay na yameylimwang no Mapasaray a Ciriciring no Anak na.

Loma 10:8

Ta maniring do Seysyo am, “Jyabo kasalit no ciriciring na ni Ama ta do to a katenngan nyo a. Ta o ciriciring na am nyo masangib a yamalavat. O ciriciring na am yamyan do onowned nyo.”

Loma 15:29

Ko katenngan, ta si mangay ko jinyo do dang am arako o sarasaray ta a itoro na jyaten ni Kizisto.

1 Kedinto 1:10

Manga kakteh, ko vavagan inyo no ngaran ni Yeso Kizisto a Panirsirngen ta akmey asa so ciriciring a ji meykataretarek so nakenakem a malwalovot, akmey asa so onowned, akmey asa so pangozayan.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

2 Kedinto 9:13

O akman rana sang a ipanidong nyo so tao am ipakateneng da jinyo no aro a tao a yaomonot ji Kizisto a yaji mapasala do nanao ni Kizisto a yamanidong so tao. Am ori o da miminan so azwazway a itoro ji Ama ta do to no aro a tao.

Cyalatay 1:7

Am to ko na mancyan jinyo am abo o ikadwa na no Mapasaray a Ciriciring na ni Ama ta do to. Am da kapeykawaw jinyo no tao a komaro do manoyong a nanao ni Yeso Kizisto.

Ivoso 1:13

Inyo rana beken a tao do Yotay am kamo akman sang, ta no kapakamizing nyo so manoyong a mapasaray a nanao am mina to nyo nganoyngi si Kizisto. Ori o na nitorwan rana no Seyzi jinyo ni Ama ta do to akma ney yongkad no kapacikownongan nyo rana jya.

Ivoso 1:15

Am ori an, mamizing ko na inyo a meyhanhan rana ni Yeso a Panirsirngen ta a marilaw no akma nyoy kakteh do cinai am,

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

Veydipi 1:5

Ta nimeycicinda no kakwa na kai sicyaikwaya o yanyo sidongan jyaken a yameylimwang no Mapasaray a Ciriciring na ni Ama ta do to.

Veydipi 2:12

Manga kakteh, no kapacikaop ko pa jinyo am masangib kamo a omamizing jyaken. Am ori o ikakdekdeng nyo pa omahap so ciring ko do ikabo ko jinyo do dang an. Makapzat kamo an. Makowyowyat kamo a mahap so vazay na ni Ama ta do to. Ta ori rana am manoyong a vazay no nimamlis so nakenakem a tao.

Veydipi 2:24

Ko anoyngan si Ama ta do to a makeykai rana tomovoy jyaken a mangay a tomita jinyo.

Veydipi 3:18

Beken a ko ipisa inyo a yavavagan. So ko to lavii a yamapamizing jinyo an. O icicirawat da no aro a tao am yamacisala ji Kizisto a nimawakwak do jyojika. So da ikanoyong a akmey mapeykavosoyan si Yeso.

Veydipi 3:20

Am yaten rana am italamozong na yaten ni Ama ta do to. So pananalan ta si Yeso Kizisto a Panirsirngen ta a meygegcin a apo do teyngato. Ta iya o mapatazadang jyaten do teyngato.

Veydipi 4:1

Am ori o ikakdeng nyo pa so onowned a meyhanhan ni Ama ta do to, manga keypong an. So ko sarayan ninyo a akma koy kakteh do cinai. Ta yamyan so kakownongan na no vazay ko jinyo. Inaoy no si macita ko pa inyo.

Kelosi 1:10

No si akman sang am manoyong kamo na macipayok so vazay ji Yeso Kizisto a Panirsirngen ta, do kahap nyo so vazay na a meypahagnat rana so onowned a makateneng rana ji Ama ta do to.

Kelosi 1:4

Ta namen rana nimamizing o nakenakem nyo si Yeso Kizisto a kano aryarilaw nyo so aro a sinjya.

1 Tesalonicya 3:6

Sicyaikwa rana ya am yanimeysinaoli si Timotay a yanimapo jinyo. Na nipanci jyamen o nakenakem nyo si Ama ta do to a kano nyo pangarilawan so tao. Na ipanci jyamen o nyo kasangib a yamnakenakem jyamen a yamakza no kapakacita nyo jyamen. So nyo icyakman jyamen a yamapaw ninyo.

1 Tesalonicya 4:1

Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

1 Timotay 1:11

O manoyong a pangozayan a ciring am yapo do Mapasaray a Ciriciring na ni Ama ta do to a somidong jyaten. Am ori o azwazwayan ta si Ama ta do to an. So na ikanoyong no nang a yako ipeylimwang a ciriciring.

1 Timotay 1:19

So peyhanhanan mo ni Yeso a kahap mo so apiya nakenakem mo. Ta amyan so tao a mapasala so nakenakem da. Am ori o ikatarek na no anoyngan da.

2 Timotay 4:7

O vazay ko rana ji Ama ta do to a na nitoro jyaken am ko na nimamimin a nipateyka nipeyvazay. Akman so malalayo a tao a omtad rana malayo. So ko rana nimiminan so manoyong a nanao a nyahap.

Tito 2:10

Ji sira manakaw, ta ori o peyhanhanan da nira no mapeyvazay sira mahap so vazay na. No akman sang o makakaday a vazay a apiya am jyabo kaji da azwazwayan so nanao na ni Ama ta do to a mapatazadang jyaten do teyngato a.

Veydimeng 1:5

Ta ko mamizing o pangasyan mo so akma tey kakteh do cinai a yamraralay ni Ama ta do to a kano nakenakem mo ji Yeso Kizisto a Panirsirngen ta.

Yake 3:18

O makakaday a apiya vazay am akma ney asi no nipamowa a nanao ni Ama ta do to do onowned no tao a mapeypapya so onowned da kano icyatatao da.

2 Pite 3:11

No si manoyong o kakman na sang a mabalinas no makakaday am makongo kamo so wanjin a tao. Am ori an, kakzan nyo no ji meylimoteng so onowned a tao a omraralay ni Ama ta do to,

2 Pite 3:14

Am ori an manga kakteh an, no kamo manoyong a yamapananala so araraw ori am makowyowyat kamo pa mapeyvazay so apya vazay a abo so karatan a macikaop ji Ama ta do to.

Yota 1:3

Manga keypong, nimanakem ko o kapeyteygami ko ninyo a pancyan ko no kapatazadang na jyaten ni Ama ta do to do teyngato. Am apyapya pa o kavavaga ko jinyo a kowyat nyo a mangozay do nipeylimwang da rana jinyo no nipamnekan na ni Yeso a amlivolivon no ciriciring na ni Ama ta do to. Ta oya rana am yajyablis a pangozayan no amraralay nya tao.