Veydipi 1:26 - Seysyo No Tao

²⁶ Am ori an, no si mangay ko pa jinyo do dang am jyabo kaji na rakorakwan pa no sarasaray nyo ji Yeso Kizisto, do kanisomidong na jyaken a meysinaoli pa jinyo.

Veydipi 1:26 ပူးပေါင်းရင်းမြစ်များ

Yowani 16:22

Ori an, nyo ikakman sang an. Tana kamo marahet so aktokto sicyaikwaya am cyaha, ta mai ko pa tomita jinyo a kasaray nyo a makacita jyaken. So ikabo no tao a makapehes sya jinyo so sarasaray nyo.

Yowani 16:24

Sicyaikwaya am yanyo pa ji meyhanhanan o ngaran ko a mapasyasi ji Ama ta do to. So amin nyo sya an, ta itoro na jinyo. Am ori o ikanoyong nyo a tey masaray rana.

2 Kedinto 1:14

a kapiya na rana no nakenakem nyo jyamen. No si akman sang do araraw no yai na ni Yeso a Panirsirngen ta am jyabo kaji nyo azwayan jyamen a. So ikakman namen sang a zomwazway jinyo.

2 Kedinto 5:12

Beken a namen pazwain o kataotao namen jinyo. Ta namen kakzeben inyo a zomwazway so mina vazay namen do tao. Ta ori o itovis nyo do mapakazwazway no kapya da a ji macipayok so onowned ji Ama ta do to.

2 Kedinto 7:14

Tana nyazwazway ko ninyo do tangain ni Tito am abo kalasan na no nang. Ta o mina ciring namen a pagazen namen jinyo am yamamimin a manoyong ori. So namen pacyanoyngan do namen pazwain do tangain ni Tito a yamanoyong.

2 Kedinto 7:4

Yako ipeyhanhan inyo. Yako azwain inyo. Tana amyan so aro a alalaw ko am ko jyanyaheyan. Ta yako ipeyhanhan inyo a mapadnadna so nakem ko.

2 Kedinto 7:6

Am si Ama ta do to a marilaw no makasi a tao am ori nisomidong jyamen a yanitomovoy si Tito a yamapait jyamen.

Cyalatay 6:4

So ikamimin no tao a manakenakem a manci no, “Manngwa, yapya no yamarahet o iwawalam ko.” No si apya am manoyong o kasaray na. So ji mapadmai so kataotao do icyatatao.

Veydipi 3:1

O ney manowji a ciring ko jinyo akma koy kakteh do cinai am somaray kamo, ta kamo macikaop rana ji Kizisto. So yako papirwan pa so mina ciring ko jinyo no kakwa pa. Ta beken a ikarahet nyo, ta ipeypapya nyo ori.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.

Veydipi 4:10

Ko masaray do ko kararalay ni Yeso. Ta yapa mirwa o nakenakem nyo a yasomidong jyaken. So ko ipakateneng jinyo a yamasangib a yamnakenakem jyaken. Am na kabo no tao a yanyo pararan so aryarilaw nyo jyaken.

Veydipi 4:4

Mangday kamo do araraw a somaray a yamacikaop ji Yeso. So papirwan ko pa sya ipanci jinyo an. Somaray kamo an.