Veydipi 1:16 - Seysyo No Tao

¹⁶ Sira rana ya am sira mamimin a yamarilaw nyaken a yamakateneng jyaken a yana nipamnekan ni Ama ta do to a yamacinekanekad no Mapasaray a Ciriciring na.

Veydipi 1:16 ပူးပေါင်းရင်းမြစ်များ

1 Kedinto 9:17

No si to ko minaknakman o kapeylimwang ko no ciriciring na ni Ama ta do to am manoyong o kapangakday ko jinyo. Am na kanitomoro nya jyaken so akman sya vazay ko. So ko anoyngan jya ney makdeng na vazay ko.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

Veydipi 1:10

So ipakateneng nyo rana do ney yapiya na vazay. No si makman kamo sang am manoyong kamo na a ji meylimoteng so onowned a abo so karatan do araraw no ipirwa na mai ni Kizisto.

Veydipi 1:12

Manga kakteh, ko kakdain inyo a makateneng jyaken a yamyan do pamemtengan. Cyaha, ta na ikapyapya a yasomidong jyaken a meylimwang no Mapasaray a Ciriciring na ni Ama ta do to.

Veydipi 1:5

Ta nimeycicinda no kakwa na kai sicyaikwaya o yanyo sidongan jyaken a yameylimwang no Mapasaray a Ciriciring na ni Ama ta do to.

Veydipi 1:7

Manoyong o kapaw ko ninyo. Ta tana ko na myan do pamemtengan sicyaikwaya, tana no kasaliway ko pa a macinekanekad no manoyong a Mapasaray a Ciriciring na ni Ama ta do to am yabo nyo jya nisidongan jyaken a mahap so vazay na ni Ama ta do to.

Veydipi 2:22

Nyo katenngan o mina vazay na ni Timotay. Ta yanamen akmey meyyama a yamazikna a yameylimwang no Mapasaray a Ciriciring.

Veydipi 4:15

Naknakmen nyo a tao do Veydipi an. No ka ori pa so kapeylimwang ko no Mapasaray a Ciriciring am karwan ko o pongso do Maciton. No kano nang am sinjya nyo o nisomidong jyaken a mapatodeh jyaken.

Veydipi 4:3

Imo rana mo kahakay a kararay ko am sidongen mo sira an. Ta sira rana am mina kararay ko a kani Kedimong a kano kadwan jyamen. Sira ori o nimahap so vazay na ni Ama ta do to. Ta sira rana am yana domket o ngaran da do vakong na ni Ama ta do to a yamanoyong a makahap rana so to meyyonong a ikavyay no pahad da.