Veydipi 1:11 - Seysyo No Tao

¹¹ So ikasasaray nyo a mapeyvazay so apiya vazay do kowyat na jinyo ni Yeso Kizisto. Ta si makman kamo sang am azwazwain da rana si Ama ta do to no aro a tao.

Veydipi 1:11 ပူးပေါင်းရင်းမြစ်များ

Matay 5:16

Akman kamo so zezak ang a peycitacittan da no tao. So inaran nyo si Ama ta do to a tey yapya. Ta no si macita da inyo no tao a tey yapiya so ahahapan sya am admadmain da rana si Ama ta do to.

Yowani 15:16

Beken a inyo o yanimamnek jyaken, ta yaken o yanimamnek jinyo. So ko tovoyan jinyo a mangay meyvazay so makasidong so tao a vazay. Ta o akman rana sang a vazay am tey saray na ni Ama ta do to a mangay no makwa. Si akman kamo sang am no mapasyasi kamo ji Ama am itoro na jinyo.

Yowani 15:2

O ji malasi a yangaw a macinapnap jyaken am akteben na. O malasi a yangaw na am vezeden na, kato na ngarokan no asi na.

Yowani 15:8

O azwazway ni Ama am akmey asi no kayo a macita da jinyo. No si makman kamo sang am manoyong kamo a omanop jyaken.

Loma 15:28

Si mateyka ko na itoro o kingking do sinjya do Yelosaleng am mangay ko na citahen inyo a kangay ko na do Sipanya.

Loma 6:22

Am inyo rana sicyaikwaya am ji na rana peylamlamsoya inyo no raraten. Ta yanyo rana kakzeben si Ama ta do to a mapeylamlamsoy jinyo. So yanyo rana ipeyngongyod a yaomonot rana ji Ama ta do to. So ikanoyong nyo a makahap so to meyyonong a ikavyay no pahad nyo.

1 Kedinto 10:31

Am ori an, tana makakaday a vazay nyo a tana koman kamo a tana omyop kamo am naknakmen nyo o kazwazway nyo si Ama ta do to.

2 Kedinto 9:10

Si Ama ta do to am yapwan no mowahen da kano kanen da. Akman sang an, ta anoyngan nyo si Ama ta do to a manta ninyo so makakaday a ipanidong nyo so tao. So ikakman nyo so kayo so pangangarilawan a mapka no asi na.

Ivoso 1:12

Inaoy no si mamimin namen a ney manma na makateneng ji Kizisto a somaray ni Ama ta do to a ney mazway na a Tao do to!

Ivoso 1:14

O Seyzi na ni Ama ta do to am ori o akma tey yongkad a somidong jyaten a omamoon so nipanci na itoro ni Ama ta do to do monganay jya tao. So ikanoyong na ni Ama ta do to a mapatazadang jyaten do teyngato a yaomanoyong jya tao. So sarayan ta ni Ama ta do to a tey mazway a Tao do to!

Ivoso 2:10

Si Ama ta do to o yata nikablis no onowned a yarana macikaop ji Yeso Kizisto. So na ikapya rana no vazay ta a mangonong do na peypalanginan nyaten ni Ama ta do to.

Ivoso 5:9

Ta o icicirawat no makateneng do ciriciring na ni Ama ta do to am ji meylimoteng so onowned. Omonod do manoyong a ciring. Ji mapowzib so nakem do icyatatao.

Veydipi 4:17

Ji ko ngakzeba o kazaw nyo jyaken. Ta tey kakza ko ji Ama ta do to o karwaro na pa no isidong na jinyo do kapiya no nakenakem nyo jyaken.

Kelosi 1:10

No si akman sang am manoyong kamo na macipayok so vazay ji Yeso Kizisto a Panirsirngen ta, do kahap nyo so vazay na a meypahagnat rana so onowned a makateneng rana ji Ama ta do to.

Kelosi 1:6

Beken a inyoo o na peylimwangan no Mapasaray a Ciriciring na ni Ama ta do to, ta yarana nimeylimwang do peycyamahamahatawan na. So da rana ipamlis no tao. So da icyakman jinyo a yarana makateneng do pangangarilawan na ni Ama ta do to.

2 Tesalonicya 1:12

No akman kamo sang am ikazway no ngaran na ni Yeso a Panirsirngen ta. So ipacikazway nyo jya. O kapwan no nang am apo do pangangarilawan na ni Ama ta do to a kani Yeso Kizisto a Panirsirngen ta.

Tito 3:14

Ipanci mo do kakteh ta do cinai o kowyat da omhakakaw a amyaw no velek da a kasidong da so makasi a tao. Ji da nginara o to meyyowyaw a abwata so angangayan a tao.

Sipolay 12:11

No nanawen na yaten am akma tey marahet so aktokto. Am o makapeyneynara rana so nanao ni Ama ta do to a tao am masasaray rana o onowned da a ji rana meylimoteng so onowned.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

1 Pite 2:5

Inyo rana a tao a na yanan no to meyyonong a ikavyay no pahad nyo am itoro nyo o kataotao nyo ji Ama ta do to. So icyakma nyoy vato a ipatnek na so panaralayan. So nyo icyakmey mapatanatanang so nakem ji Ama ta do to. Am o patanangen nyo am sarasaray nyo. So sarayan na nya jinyo ni Ama ta do to so akman sang a nakem nyo sya, ta kamo na macikaop ji Yeso Kizisto a na rana yanan no Seyzi.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.