Veydimeng 1:6 - Seysyo No Tao

⁶ Ko ipeynozi ji Ama ta do to o kapeyraporapong na jyaten do yata kakmey yasa a yamraralay ni Ama ta do to. So ipakateneng ta do makakaday a apya vazay a mamimin a apo ji Kizisto, do yata kapeyhanhan ni Kizisto a yasomidong jyaten.

Veydimeng 1:6 ပူးပေါင်းရင်းမြစ်များ

Matay 25:16

Mahap na o alima zivo no asa ka tao ori am mangay na ipanazang so makakaday a apzapzatan a ipeynizpi na. Karahan am makanizpi so alima zivo.

Matay 5:16

Akman kamo so zezak ang a peycitacittan da no tao. So inaran nyo si Ama ta do to a tey yapya. Ta no si macita da inyo no tao a tey yapiya so ahahapan sya am admadmain da rana si Ama ta do to.

1 Kedinto 14:25

O meyyomomon do onowned na a raraten am jyabo kaji na ngablisan jya a omraralay rana ni Ama ta do to, do kanoyong na do kapacikaop na jinyo ni Ama ta do to.

1 Kedinto 16:9

Tana yaro yamrahet jyaken a yameylimwang no ciriciring na ni Ama ta do to am ko ji macimazai. Ta yatey yaro o makza no ciriciring na ni Ama ta do to.

Veydipi 4:8

Am ori manga keypong an, ahapan nyo so apipiya vazay a isaray na ni Ama ta do to a kano ji meypareki so onowned a kano tey mazway a vazay. O akman rana sang am peyyanen nyo do onowned nyo a patwawen do icicirawat nyo.

Kelosi 1:9

Mamizing namen inyo am masangib namen a meynozi ninyo. Ipeynozi namen o kapanta na ninyo no Seyzi so makakaday a teneteneng a makateneng do nisidongan na jinyo ni Ama ta do to a kano peypalanginan na ninyo.

Kelosi 3:10

kapalit nyo rana so vayo a onowned nyo apo ji Ama ta do to, do na kaji amtadan a yasomidong jinyo a yaomyavayo so icicirawat nyo. Am ori o ikanoyong nyo rana meypahagnat a makateneng ji Ama ta do to.

Tito 3:14

Ipanci mo do kakteh ta do cinai o kowyat da omhakakaw a amyaw no velek da a kasidong da so makasi a tao. Ji da nginara o to meyyowyaw a abwata so angangayan a tao.

Sipolay 6:10

Ji mapeycyakaban si Ama ta do to. So na ji makahamangi do pangangarilawan nyo a kano vazay nyo. Ori rana am vazay nyo do karwan no sinjya a yajimtad a yasomidong sira.

Yake 2:14

Manga kakteh, no myan so tao a manci no kakdeng na so nakem ji Ama ta do to a kaji na mapatwawan sya do icicirawat na am ikongo peypeypangayan no akman sang so nakem ji Ama ta do to. Manngwa, ikavyay no pahad na o akman sang?

Yake 2:17

Akman sang o nakenakem ta si Ama ta do to. Ta no ji ta patwawa do icicirawat ta am akmey ji ta manaralay a tao.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

1 Pite 3:1

Inyo rana mavakes am onotan nyo o kahanghangan nyo. Ta no si amyan jira ori so ji nganoyong do Ciriciring na ni Ama ta do to am anoyngan da rana, do pakacittan da so apiya icicirawat nyo. So ikapyapya no apya icicirawat nyo a kano aro a ciring nyo a inanao nyo sira.

1 Pite 3:16

Am panalawbowen nyo o nakem nyo a tomovis do akman sang a tao. Ji kamo meylimoteng so onowned a kanig da no mapanyanig jinyo, do kapiya no icicirawat nyo a omahap so nanao ni Kizisto.

2 Pite 1:8

Mamimin ori a ahapen nyo. Ta ori o iyan no peypeypangayan no kararalay nyo ni Kizisto, do kapakateneng nyo rana ji Yeso Kizisto a Panirsirngen ta.