Veydimeng 1:5 - Seysyo No Tao

⁵ Ta ko mamizing o pangasyan mo so akma tey kakteh do cinai a yamraralay ni Ama ta do to a kano nakenakem mo ji Yeso Kizisto a Panirsirngen ta.

Veydimeng 1:5 ပူးပေါင်းရင်းမြစ်များ

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Loma 12:13

Sidongen nyo sira o makasi a tao a akma nyoy kakteh do cinai. Taotawwen nyo sira o minangilili a tao.

1 Kedinto 16:1

O peysinsinmowen rana isidong so sinjya do Yelosaleng am to nyo manginarai o mina ciring ko so peycyakyokyokayan na do Cyalatay.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Ivoso 1:15

Am ori an, mamizing ko na inyo a meyhanhan rana ni Yeso a Panirsirngen ta a marilaw no akma nyoy kakteh do cinai am,

Kelosi 1:4

Ta namen rana nimamizing o nakenakem nyo si Yeso Kizisto a kano aryarilaw nyo so aro a sinjya.

1 Tesalonicya 3:6

Sicyaikwa rana ya am yanimeysinaoli si Timotay a yanimapo jinyo. Na nipanci jyamen o nakenakem nyo si Ama ta do to a kano nyo pangarilawan so tao. Na ipanci jyamen o nyo kasangib a yamnakenakem jyamen a yamakza no kapakacita nyo jyamen. So nyo icyakman jyamen a yamapaw ninyo.

Veydimeng 1:7

O pangangarilawan mo, mo Veydimeng am yatey rako na nipasarayan jyaken, na nipaitan jyaken. So da ikamimin no akma tey kakteh do cinai a yasomaray nimo.

1 Yowani 3:23

O ciring na jyaten ni Ama ta do to am anoyngan ta o Anak na si Yeso Kizisto a manci no kapasicyakarilaw ta.