Veydimeng 1:24 - Seysyo No Tao

²⁴ Si Make a kani Aditako a kani Temase a kani Locya a kararay ko a mahap so vazay na ni Ama ta do to am sira mamimin a yameyminaminasi ninyo.

Veydimeng 1:24 ပူးပေါင်းရင်းမြစ်များ

Nimlivolivon 12:12

Am ori o nyangay na do vahay da Madiya, ina na ni Yowani Make. Do dang rana am kalwalovotan da a meynozi nya.

Nimlivolivon 12:25

Mateyka da rana o vazay da da Parnapo a kani Sawlo do Yelosaleng am palolwen da si Yowani Make a kapeysinaoli da do Antia.

Nimlivolivon 13:13

Meyratateng am mavang sira Pawlo do avang a apo do Pavo a mangay do Peyke a ili a macinapnap do Pangveydiya. Makaranes sira do dang am karwan na sira ni Yowani Make a kapeysinaoli na mangay do Yelosaleng.

Nimlivolivon 19:29

Ori o nipeyvonag da asa ka ili a karakep da so kararay ni Pawlo a rarwa meyili do Maciton a meyngaran si Cyayo a kani Aditako a kalololo da sira yangay do rako a peylovolovotan da.

Nimlivolivon 27:2

So nisakay namen do avang a nimapo do Atamityan a mangay do Yasiya a pongso. Nimacihza jyamen si Aditako a tao do Tesalonicya. O ili rana am macinapnap do Maciton.

2 Kedinto 8:23

Si Tito rana am kararay ko ya a yasomidong jinyo. O yamacihza jya rarwa ka mahakay am nitenngan da no peycyakyokyokayan na. So ikanoyong da pacikazwayan ni Kizisto.

Veydipi 2:25

Ko naknakmen o katovoy ko so akma tey kakteh do cinai a si Ipaloti a mangay jinyo do dang. Ta iya rana am arako o nisidongan na jyaken do kanitomovoy nyo sya jyaken, do katey mowyat na a macipeyvazay jyaken.

Veydipi 4:3

Imo rana mo kahakay a kararay ko am sidongen mo sira an. Ta sira rana am mina kararay ko a kani Kedimong a kano kadwan jyamen. Sira ori o nimahap so vazay na ni Ama ta do to. Ta sira rana am yana domket o ngaran da do vakong na ni Ama ta do to a yamanoyong a makahap rana so to meyyonong a ikavyay no pahad da.

Kelosi 4:10

Na ipeyminaminasi inyo no yako kararay a yada aptengen do jya si Aditako. O kateysa ni Parnapo a meyngaran si Make am yakman sang a yameyminaminasi ninyo. Si Make rana am nipanci ko na o kapeyseysan nyo pa sya si mangay jinyo do dang.

Kelosi 4:14

O akma tey kakteh do cinai a koysang a meyngaran so Locya kani Temase am da ipeyminaminasi inyo.

1 Pite 5:13

Sira rana akma nyoy kakteh do cinai do Papilon a kyokay am yada ipeyminaminasi inyo. Ta kamo meyyangangay a na nipamnekan ni Ama ta do to a omanoyong ji Yeso. Yakman sang si Make a akma koy anak a yameyminaminasi ninyo.

3 Yowani 1:8

Ori o sidongan ta sira a yamraralay ni Ama ta do to. Ta ori o icyakma tey macivazay jira meylimwang no nanao ni Ama ta do to.