Tito 3:9 - Seysyo No Tao

⁹ Am ji mo pasngena o kapacinekanekad da a macivaivait no iwawalam na ni Moyse a kano katatapilan nyo. Ta o akman rana sang am abo o peypeypangayan no akman sang.

Tito 3:9 ပူးပေါင်းရင်းမြစ်များ

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

1 Kedinto 8:1

O nipazos da kanen am tamo mamimin a makateneng do akman sang. O teneteneng rana ya am yapwan no kapazway no tao. Am o pangarilawan am ipeypapya so tao.

1 Timotay 4:7

Ji mo pasngesngena o abo so peypeypangayan a katatapilan nyo a ipanci. Ta apyapya pa o kowyat mo a meypahagnat so nakenakem ji Ama ta do to.

2 Timotay 2:14

Pazimanen mo o aro a tao do tangain na ni Ama ta do to, ta ji sira macinekanekad no ciriciring da. Ta abo o peypeypangayan no akman sang. Ta kapeyparahet da nya no omamizing sya tao.

2 Timotay 2:16

Ji mo pasngena o abo so angangayan a pacinekanekadan. Ta o akman rana sang a ciriciring am mapeyparai so tao ji Ama ta do to.

2 Timotay 2:23

Ji nyo ngahapa o malas a ciriciring a ipacinekanekad nyo. Ta katenngan mo o akman sang a vazay a mapeyliliman.

Tito 1:14

a kaji da nganoyngan do yamalas a kavavatanen da no tao do Yotay a kano yokoyokod da no ji nganoyong do nanao na ni Ama ta do to.

Yake 4:1

Do wanjin na kapwan no yamapeyliliman jinyo. Manngwa, beken a yapo do malas a onowned nyo?